BRÚÐKAUPSVEISLAN Gluggasýning í tilefni Akureyrarvöku 2026
Brúðkaup Myndir aðsendar
Í tilefni Akureyrarvöku bjóða listasysturnar Áslaug og Brynja Harðardætur Tveiten til gluggasýningar á vinnustofu Brynju í Hafnarstræti 88.
Slegið verður upp brúðkaupsveislu þar sem rómantík, ást og gleði ráða ríkjum. Í glugganum verður meðal annars þriggja hæða brúðkaupsterta, silfur og kristall, brúðarklæðnaður og önnur fínheit.
Tilgangurinn er einfaldur: Að gleðja vegfarendur og lífga upp á umhverfið. Sýningin er öllum opin og hægt er að njóta hennar allan sólarhringinn utan frá séð.
Brúðkaupsgjörningur
KÆRLEIKSGJÖRNINGUR
VIL ÉG ELSKA MIG, VIRÐA MIG OG HAFA GAMAN?
Útibrúðkaup | laugardaginn 29. ágúst kl. 15:00–15:30
Hápunktur sýningarinnar verður laugardaginn 29. ágúst þegar efnt verður til kærleiksgjörnings, hópathafnar og óformlegs útibrúðkaups.
Ekkert trúarlegt eða lögbundið – heldur kærleiks- og viljayfirlýsing um að fara vel með sig og leggja rækt við það sem gott er.
Öll eru velkomin að mæta og gifta sig sjálfum sér eða því sem hugurinn girnist. Það getur verið manneskja, vinahópur, pottaplanta, verkfæri eða bara hvað sem er sem gefur lífinu lit.
Gestir eru hvattir til að taka eitthvað táknrænt með sér, til dæmis blóm eða persónulegan hlut, mæta í brúðarklæðnaði – eða bara því sem hentar veðri og vindum.
Þau sem mæta tímanlega geta útbúið sér brúðarslör á staðnum og fengið blóm í barminn.
Að lokinni athöfn verður veisla og gleði til kl. 16:30.
Gleðilega Akureyrarvöku!
Frá þessu segir i tilkynningu.
Nýjast
-
BRÚÐKAUPSVEISLAN Gluggasýning í tilefni Akureyrarvöku 2026
Í tilefni Akureyrarvöku bjóða listasysturnar Áslaug og Brynja Harðardætur Tveiten til gluggasýningar á vinnustofu Brynju í Hafnarstræti 88. -
Þrír nýir útsýnisstaðir í Holtahverfi
Á vef Akureyrarbæjar segir frá þvi að nú standi yfir gerð þriggja útsýnisstaða í Holtahverfi. Verið er að smíða palla þar sem verða bekkir til að til að tilla sér á og njóta þess sem fyrir augu ber ,,hvort heldur sem er út eða fram fjörðinn eða upp til fjalla" eins og segir í áðurnefndri frétt á akureyri.is. -
Hvernig leysum við flókin vandamál?
Sæunn, sérfræðingur hjá Rannsóknamiðstöð Háskólans á Akureyri, sótti nú í júlí námskeiðið Problem Solving & Decision Making, sem haldið var á vegum ShipCon í Palermo á Sikiley. Hún mætti á Morgunvakt Rásar 2 á dögunum þar sem hún ræddi við þáttastjórnendur um námskeiðið. Smelltu hér til að hlusta, viðtalið byrjar á mínútu 53.35. -
Við höfum engu að tapa – þess vegna segi ég já
Fram til þessa hefur undirritaður haldið sig til hlés í umræðunni um þjóðaratkvæðagreiðsluna sem fram fer næsta laugardag. Ekki vegna þess að ég hafi ekki skoðun á málinu, ekki vegna þess að ég hafi ekki gert upp hug minn heldur vegna þess að mér þykir þetta vera mál þjóðarinnar, fólksins í landinu sem á skilið að taka upplýsta og yfirvegaða ákvörðun án afskipta stjórnmálanna, peningaaflanna eða annarra sérhagsmunafla. -
Sundlögin okkar
Karlakór Eyjafjarðar heldur tónleika í sundlauginni í Hrafnagilshverfi næsta fimmtudag, 27. ágúst kl. 20.00. -
Nemendur í Jarðahitaskóla hjá Norðurorku
Nemendur úr Jarðhitaskóla Sameinuðu þjóðanna (GRÓ) heimsóttu Norðurorku til að kynna sér starfsemi fyrirtækisins og rekstur hitaveitna á svæðinu. Heimsóknir þessar hafa verið fastur liður í sumaráætlun skólans um árabil. -
Það eru breyttir tímar
Afi minn hét Þóroddur Jónasson. Hann var lengi héraðslæknir á Breiðumýri í Reykjadal og lést árið 1994. Ég leit mjög upp til hans. -
Grímur Sigurðsson tekur Sjallalögin Leikið fyrir dansi á Ráðhústorgi
Grímur Sigurðsson er fæddur og uppalinn Akureyringur. Byrjaði tíu ára að spila á trompet í Lúðrasveit Barnaskóla Akureyrar. Hefur alla tíð síðan spilað á ýmis hljóðfæri og sungið með mörgum hljómsveitum, lengst þó með hljómsveit Ingimars Eydal eða samtals 14 ár. -
Fjármálavit gefur grunnskólum nýtt borðspil um fjármálalæsi
Fjármálavit gefur grunnskólum landsins eintak af nýja borðspilinu Aur og áhættu.
