Bæjarstjórn Akureyrar mótmælir breytingum á Loftbrú
Frá Akureyrarflugvelli. Mynd Akureyrarlistinn
Á fundi bæjarstjórnar Akureyrar í gær óskaði Þórhallur Jónsson Akureyrarlistanum eftir umræðu um fyrirhugaðar breytingar á Loftbrú sem boðaðar hafa verið. Eftirfarandi ályktun sem Þórhallur lagði fram var samþykkt samhljóða.
Bæjarstjórn Akureyrar mótmælir fyrirhuguðum breytingum á Loftbrú og lýsir yfir áhyggjum af þeim áhrifum sem þær kunna að hafa fyrir íbúa landsbyggðarinnar. Loftbrú er mikilvægt byggðarjöfnunartæki sem tryggir íbúum utan höfuðborgarsvæðisins betra aðgengi að nauðsynlegri þjónustu, atvinnu, menningu, námi og fjölskyldutengslum.
Breyting frá hlutfallslegum 40% afslætti yfir í fasta krónutölu felur í sér skerðingu á stuðningi, sérstaklega þegar flugfargjöld eru há og bóka þarf flug með skömmum fyrirvara. Með því er aukinn kostnaður færður yfir á íbúa landsbyggðarinnar og jafnræði til búsetu skert.
Bæjarstjórn Akureyrar skorar á stjórnvöld að endurskoða fyrirhugaðar breytingar, tryggja raunverulegt samráð við sveitarfélög og íbúa landsbyggðarinnar og standa vörð um Loftbrú sem mikilvægt tæki til byggðarjöfnunar.
Það á ekki að vera dýrara að búa á landsbyggðinni vegna þess að nauðsynleg þjónusta er staðsett á höfuðborgarsvæðinu.
Nýjast
-
Bæjarstjórn Akureyrar mótmælir breytingum á Loftbrú
Á fundi bæjarstjórnar Akureyrar í gær óskaði Þórhallur Jónsson Akureyrarlistanum eftir umræðu um fyrirhugaðar breytingar á Loftbrú sem boðaðar hafa verið. Eftirfarandi ályktun sem Þórhallur lagði fram var samþykkt samhljóða. -
Meiri tæknimaður en tónlistarmaður
Á vef Verkmenntaskólans er að finna skemmtilegt viðtal við Haukur Eiríksson kennara við skólann. Utan kennslu bregður hann sér af og til í það hlutverk að setjast við hljómborðið með félögum sínum í hljómsveitinni Drykkjum innbyrðis. -
Nokkrar spurningar til Samfylkingarinnar
Ég sé á áframhaldandi greinarskrifum fulltrúa Samfylkingar í Umhverfis- og mannvirkjaráði að ég er inntur eftir svörum. Ég mun nú örugglega valda vonbrigðum þar, því ég verð hreinlega að fá að spyrja að ýmsu á móti. -
Músum fjölgað verulega í Hrísey,
Vart hefur verið við talsverðan músagang í Hrísey en Ólafur Pálmi Agnarsson hjá Meindýravörnum Norðurlands telur líklegt að stofn músa hafi verið að byggjast upp í eynni um nokkurra ára skeið án þess að fólk tæki eftir hvert umfangið er fyrr en nú nýlega. -
Áframhaldandi skilningsleysi nýliða
Nú fyrir helgi skrifaði ég og fékk birtar í héraðsmiðlum hugleiðingar nýliða í bæjarmálum, þar sem ég játaði skilningsleysi mitt á hversu hátt hlutfall framkvæmdaáætlunar kjörtímabilsins væri eyrnamerkt tveimur íþróttafélögum hér í bæ. Fljótlega hefst margra milljarða uppbygging á Þórssvæðinu, á meðan enn á eftir að klára gríðarlega uppbyggingu á KA-svæðinu. Í greininni lýsti ég undrun minni á að ekki sé hægt að samnýta mannvirki sveitarfélagsins betur en nú er gert, ekki síst þegar kemur að þeim innviðum sem helst nýtast kappleikjum fullorðins fólks og tók þar dæmi af Milan-liðunum tveimur. -
Látum Loftbrúna vera
Margt hefur verið skrifað og sagt síðan föstudaginn fyrir rúmri viku síðan þegar kynnt voru áform um talsverðar breytingar á því kerfi sem alla jafna kallast Loftbrú. Margt í þeirri umræðu hefur verið gagnlegt, annað síður. Það hefur til dæmis bætt umræðuna að rýna í áhrif kerfisins á þróun miðaverðs í innanlandsflugi og áhrif þess að hverfa frá hlutfallslegum afslætti og yfir í fasta krónutölu, og hverjir koma þar best út og hverjir verða verst úti. Aftur á móti hjálpar það lítt að kasta fram gífuryrðum um aðför gegn landsbyggðinni eða „enn einn landsbyggðarskattinn“. Við þurfum frekar að halda til haga kjarna málsins. -
Bilanagreinir mannslíkamann en lætur nægja að keyra bílana
Hafdís Alma Einarsdóttir, heimilislæknir hjá HSN á Akureyri, kann vel við fjölbreytileika og krefjandi verkefni. Í vinnunni sinnir hún fólki og fjölskyldum en í frítímanum sest hún undir stýri á svartri 1980 Corvette og keppir í spyrnu. Í sumar varð hún bæði Íslandsmeistari og bikarmeistari í sínum flokki. -
Vildi gleðja aðra krakka og gaf nýtt sjónvarp á barnastofuna
Barnastofa bráðamóttökunnar fékk nýverið höfðinglega gjöf þegar Páll Orri Jóhannsson færði henni 50 tommu snjallsjónvarp. -
Kvennaknattspyrna KA endurnýjar ekki samstarfssamning við Þór
Eftirfarandi tilkynning var send til fjölmiðla frá kvennaráði knattspyrnudeildar KA rétt í þessu KA og Þór hafa um árabil staðið saman að rekstri kvennaknattspyrnu á Akureyri í 3. flokki, 2. flokki og meistaraflokki kvenna.
