Bæjarstjórinn hefur drepið stærstu helgina í ferðaþjónustu á svæðinu
"Ég harma það sem bæjarbúi og lýsi fullri ábyrgð á hendur bæjarstjóranum fyrir heimatilbúinn niðurskurð hans í atvinnugreinum sem þurfa að vaxa og dafna," segir Bragi ennfremur í grein sinni en hann er einn stofnenda Vina Akureyrar og hefur verið í forsvari fyrir fjölskylduhátíðina "Ein með öllu" um verslunarmannahelgina undanfarin ár.
Grein Braga ber yfirskriftina; Bless Akureyri - hugleiðingar um hátíðahöld á Akureyri um verslunarmannahelgi.
Bragi gagnrýnir bæjaryfirvöld harkalega í grein sinni og þá sérstaklega Sigrúnu Björk Jakobsdóttur bæjarstjóra. Hann segir að Sigrún Björk hafi ákveðið fjórum dögum fyrir verslunarmannahelgi í fyrra að hækka aldurstakmarkið á tjaldsvæðum bæjarins úr 18 árum í 23 ár. "Með ákvörðun sinni sveik hún, vísvitandi, loforð sem bæði forseti bæjarstjórnar og staðgengill bæjarstjóra höfðu gefið Vinum Akureyrar um að ekki yrði hróflað við 18 ára aldurstakmarkinu. Þessi svik bæjarstjóra á elleftu stundu eyðilögðu hátíðina í fyrra og er óvenjulega skýrt dæmi um valdhroka," segir Bragi í grein sinni.
Hann segir að það hafi legið fyrir í águst í fyrra að Vinir Akureyrar myndu ekki standa að hátíð um verslunarmannahelgi á Akureyri eftirleiðis nema 18 ára aldursmarkið yrði tekið upp að nýju á tjaldsvæðunum. Þrátt fyrir þessa afdráttarlausu yfirlýsingu hafi enn engin svör borist nú, þegar komið er fram undir miðjan júní 2008.
"Bæjarstjórinn með fulltingi Akureyrarstofu hefur ákveðið að hverfa 15 ár aftur í tímann og freista þess að gera Akureyri að "dauðum bæ" á ný um verslunarmannahelgar. Kannski mótmæla hinir eiginlegu hagsmunaaðilar valdhrokanum. Kannski fáum við að nýju skipulagslitla og virkilega sukksama helgi á borð við verslunarmannahelgina "hátíðarlausa" árið 2000? Hver veit? Í það minnsta er búið að stúta fjölskylduvæna hlutanum sem Vinir Akureyrar hafa lagt fram af stolti og metnaði síðustu 7 ár," segir Bragi.
Hann segir afskiptum sínum af hátíðarhöldum um verslunarmannahelgi á Akureyri sé lokið. "Ég votta 9 af hverjum 10 Akureyringum samúð mína vegna þess að vilji þeirra er að engu hafður. Margir úr þeim hópi munu í fyrsta sinn í mörg ár horfa á eftir unglingunum sínum hverfa burt úr bænum um verslunarmannahelgi og vona að þeir skili sér til baka heilu og höldnu. Loks votta ég aðilum í verslun og þjónustu á Akureyri samúð mína. Þeir standa frammi fyrir því, einu sinni enn, að finna upp hjólið. Tíminn er skammur og hættan er sú að það verði ferkantað," segir Bragi m.a. í grein sinni, sem birtist hér á vefsíðunni.
Nýjast
-
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna. -
Málefni verksmiðju PCC á Bakka - Óskað eftir fundi í atvinnuveganefnd Alþingis
,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst."