Þrekraunir í kulda og bleytu þar sem samvinna er lykilatriði
Svipmyndir frá Survivor-leikunum 2026. Myndir/Borgarhólsskóli.
Í lok skólaárs á þriggja ára fresti er blásið til Survivor leika í Borgarhólsskóla á Húsavík. Nemendum á unglingastigi er skipt í fjóra hópa eða ættbálka; þurfa að kjósa ættarhöfðingja, skapa jákvæða og góða stemningu, semja hvatningarhróp sem ber hverjum hópi byr í brjóst. Jafnframt þarf að skipuleggja þau verkefni sem bíða hópsins. Þrautir sem reyna á líkama, huga og sál. Þrautirnar krefjast þess að í hverjum ættbálki þurfa nemendur að hlaupa, stökkva, hugsa, elda, koma fram og hafa úthald og útsjónarsemi svo dæmi séu tekin.
Létu ekki veðrið stöðva sig
Hjálmar Bogi Hafliðason deildarstjóri Borgarhólsskóla segir í samtali við Vikublaðið að leikarnir hafi farið vel fram þátt fyrir að veðrið hafi ekki verið eins og best er á kosið en leikarnir fóru fram í 6. sinn, frá miðvikudegi til föstudags í síðustu viku.
„Þetta hefur náttúrlega tekið breytingum frá fyrstu leikunum en fyrst og fremst gefur þetta gott tækifæri til að víkja frá hefðbundnu skólastarfi. Í dag er skólum ætlað að vinna með svokallaða lykilhæfni sem er ekki að finna í hefðbundnu bóknámi. Einhvern vegin þarf að uppfylla þessa lykilhæfni sem getur verið seigla, þrautsegja; alls konar hugtök sem hafa alltaf staðið fyrir sínu og þessum gildum verður ekki náð með hefðbundnu bóknámi,“ segir Hjálmar og bætir við að því þurfi að búa til eitthvað spennandi til að víkja frá bóknáminu.
„Survivor leikarnir voru settir á laggirnar á sínum tíma með m.a. þetta í huga en hefur auðvitað tekið breytingum síðan,“ segir hann.
Nemendur kynnist á nýjan hátt
Upplifun nemenda segir Hjalmar að sé almennt mjög góð og ekki síður fyrir þá fullorðnu sem að þessu koma að verða vitni að því þegar nemendur kynnist hvort öðru á nýjan hátt og uppgötvi jafnvel styrkleika sem þeir vissu ekki að þeir byggju yfir.
„Það er einmitt gaman að sjá þegar skipt er í lið, en það er gert þvert á árganga og krakkarnir eru að kynnast öðrum nemendum sem þau alla jafna væru ekki miklum samskiptum við. Þrautirnar eða verkefnin eru byggð þannig upp að það þarf ólíka hæfileika til að leysa þau. Þá sjá nemendur strax ávinning í samvinnunni og að bera virðingu fyrir hvort öðru og sjálfu sér. Við erum öll mismunandi, höfum ólíka styrkleika og svo framvegis,“ útskýrir Hjálmar.
Hann segir jafnframt að keppni sem þessi sé líka erfið enda sé það tilgangurinn. Lífið sé alls konar og alls ekki alltaf dans á rósum og því séu leikarni ágætis þjálfun í því að takast á við hið óvænta og leita lausna í erfiðleikum. „Svo gista þau eina nótt saman, eru símalaus og vita varla hvað klukkan er.
Stuðningur úr samfélaginu ómetanlegur
Þá segir Hjálmar að Borgarhólsskóli búi svo vel að njóta stuðnings alls staðar úr samfélaginu þegar á þarf að halda. „Ég vil því nýta tækifærið og þakka foreldrum fyrir þeirra aðkomu, þetta væri ekki gerlegt nema með góðu samstarfi við foreldra. Þau skipulögðu vaktir á svefnstað, sáu um bakkelsi fyrir kvöldvöku og fleira. Svo auðvitað öllum fyrirtækjum á svæðinu; Norðlenska gefur okkur mat, Heimamenn gefa málningu, það er hringt í Eimskip og fleiri og það eru bara allir boðnir og búnir að aðstoða,“ segir Hjálmar.
Það sem stendur upp úr eftir þessa krefjandi en gefandi daga er að sjá kraftinn í samvinnunni. „Og sjá að nemendur finna fyrir einmitt þessu. Þetta skiptir gríðarlega miklu máli að þau sjá árangur af því að vinna saman og ávinninginn af því að hafa mismunandi styrkleika,“ segir Hjálmar Bogi að lokum.
Nýjast
-
Tryggvi Gíslason er látinn
Látinn er Tryggvi Gíslason, fyrrverandi skólameistari Menntaskólans á Akureyri (MA), fæddur á Norðfirði 11. júní 1938. Tryggvi skilur eftir sig eiginkonu sína, Margrétu Eggertsdóttur, sex börn og 25 aðra niðja. Tryggvi var mag. art. í norrænum fræðum frá HÍ 1968 og bjó með fjölskyldu sinni 1968-1972 í Björgvin í Noregi þar sem starfaði sem lektor við háskólann. Áður starfaði hann lengi á fréttastofu útvarps en var skipaður skólameistari MA 1972. Hann lét af því embætti 2003. Árin 1986-1990 gegndi Tryggvi störfum hjá Norrænu ráðherranefndinni í Kaupmannahöfn. Alla tíð var Tryggvi virkur í félagsmálum og iðulega frumkvöðull að umbótum í skóla- og menningarmálum. Eftir Tryggva liggur fjöldi ritverka, styttri og lengri, útgefinna sem fluttra, einkum um málvísindi og menningu, ekki síst þjóðskáldið Jónas Hallgrímsson. -
Þrekraunir í kulda og bleytu þar sem samvinna er lykilatriði
Í lok skólaárs á þriggja ára fresti er blásið til Survivor leika í Borgarhólsskóla á Húsavík. Nemendum á unglingastigi er skipt í fjóra hópa eða ættbálka; þurfa að kjósa ættarhöfðingja, skapa jákvæða og góða stemningu, semja hvatningarhróp sem ber hverjum hópi byr í brjóst. Jafnframt þarf að skipuleggja þau verkefni sem bíða hópsins. Þrautir sem reyna á líkama, huga og sál. Þrautirnar krefjast þess að í hverjum ættbálki þurfa nemendur að hlaupa, stökkva, hugsa, elda, koma fram og hafa úthald og útsjónarsemi svo dæmi séu tekin. -
„Verkefnið að fá á sig sögulegan blæ“
Víðir Svansson segir í samtali við Vikublaðið að sundlaugarmenningin sé bæði sterk og falleg; sundglaðir Húsavíkingar eigi því skilið að aðstaðan verði enn betri. Víðir hefur því tekið höndum saman ásamt Birgittu Svavarsdóttur og Hörpu Steingrímsdóttur og stofnað hollvinafélag Sundlaugar Húsavíkur með það að markmiði að safna fyrir nýjum sánaklefum. -
Nýir meðeigendur hjá Heilsu- og sálfræðiþjónustunni
Breytingar hafa orðið á eigendahópi Heilsu- og sálfræðiþjónustunnar (H&S). Elín Dröfn Þorvaldsdóttir, klínískur atferlisfræðingur og Ingibjörg Ragna Malmquist, sálfræðingur eru nýir eigendur ásamt Sigrúnu Vilborgu Heimisdóttur, stofnanda stofunnar og sérfræðingi í klínískri sálfræði. -
Útskrift Sjúkraflutningaskólans 2026
Útskrift Sjúkraflutningaskólans fór fram á Flugsafni Íslands á Akureyrarflugvelli þann 29. maí. -
„Markmiðið að SAk verði í forystu í íslenskri heilbrigðisþjónustu“
Guðjón Hauksson hefur tekið við starfi forstjóra Sjúkrahússins á Akureyri. Hann er hjúkrunarfræðingur að mennt og með tvær meistaragráður á sviði heilbrigðisvísinda og heilsuhagfræði. Hann kemur til SAk úr embætti forstjóra Heilbrigðisstofnunar Austurlands, sem hann gegndi frá árinu 2017. Sjúkrahúspósturinn sem er fréttarit SAk og birt á vefnum tók Guðjón tali. -
Á ég að bóka tíma hjá sálfræðingi?
Í daglegu lífi tökumst við á við allskonar áskoranir, hvort sem þær eru ánægjulegar eða krefjandi, stórar eða smáar. Við vöxum upp í mismunandi aðstæðum og söfnum allskonar og reynslu í gegnum lífið. -
Umsóknum um nám við Háskólann á Akureyri fjölgar um 8,5% Nær tvöföldun á meistarastigi
Alls bárust 2.343 umsóknir um nám við Háskólann á Akureyri fyrir haustmisseri 2026, sem er 8,5% fjölgun frá fyrra ári. Umsóknir hafa sjaldan verið fleiri og vekur sérstaklega athygli mikil fjölgun umsókna á meistarastigi, þar sem þær jukust um 87,6% á milli ára. -
Fagnaði 45 árum í stjórnsýsluhúsinu
Þann 1.júní, fagnaði Kiddi Óskars [Kristbjörn Óskarssson] 45 ára starfsafmæli ásamt samstarfsfólki sínu í stjórnsýsluhúsinu á Húsavík.
