„Öll hreyfing af hinu góða“
„Þetta er eðlilega mjög skrýtið, enda skrýtnir tímar sem hafa verið og verða næstu vikurnar. Mikið af fólki hefur þennan fasta punkt í tilverunni að koma og æfa hjá okkur og maður finnur að mörgu fólki finnst þetta erfitt,“ segir Guðrún Gísladóttir stöðvarstjóri hjá World Class Akureyri og einkaþjálfari til margra ára.
Eins og flestum er kunnugt eru líkamsræktarstöðvar landsins lokaðar vegna samkomubannsins. Guðrún brá á það ráð að senda út æfingaprógrömm sem hægt er að gera heima meðan á samkomubanninu stendur.
„Ég er umkringd fólki allan daginn í vinnunni, fylgist með fólki æfa og kenni sjálf eins og síðustu 28 ár. Nú er ég með sex tíma í viku, fjölbreytta tíma fyrir mjög fjölbreyttan hóp af viðskiptavinum. Ég er í draumastarfinu þegar kemur að því að hvetja fólk áfram í hreyfingu og sjá fólk eflast og styrkjast. Ég þurfti því ekki að hugsa mig lengi um að setja saman æfingadaga af og til í samkomubanninu og hef sent út alla dagana eftir að við lokuðum nema einn. Ég veit að margir eru að því í dag en fyrir mig snýst þetta um það að ef einn af mínum kúnnum tekur þátt þá er ég ánægð. Þá er ég a.m.k. að hjálpa einum. Ég hef þó verið að fá skemmtileg skilaboð og þakkarpósta eftir að ég byrjaði. Fólk er að æfa á Spáni, í Hafnarfirði og svo mikið af mínum fastakúnnum. Kannski einhverjir fleiri, hver veit,“ segir Guðrún.
Gera allar æfingar, ekki bara það skemmtilegasta
Hún setur æfingu dagsins á Face booksíðuna sína sem tengist líkamsræktinni og þar getur fólk séð hver æfing dagsins er. „Best að taka það fram hér að það þarf að gera allar æfingarnar, ekki bara velja þær skemmtilegustu,“ segir Guðrún. Hún segir brýnt að halda áfram að hreyfa sig og fólk megi ekki missa dampinn.
„Það er mjög mikilvægt að æfa sig á þessum tímum og öll hreyfing af hinu góða, bara komast út að ganga er dásamlegt. Hjóla, gönguskíði eða þessi æfingaplön – allt er gott og maður þarf að passa að vera ánægður með allt sem maður gerir. 30-60 mínútna hreyfing á dag hjálpar okkur mikið. Það er vel hægt að halda í formið með því að fylgja æfingunum eftir þó að ekki séu til öll tæki og tól á heimilinu. Það er bara eigin þyngd notuð. Áður en við vitum af verðum við komin í World Class aftur, full þakklætis yfir því hversu fjölbreytta flóru af líkamsrækt er hægt að stunda þar,“ segir Guðrún Gísladóttir.
Að planka er góð æfing sem hægt er að gerast nánast hvar sem er
Við fengum Guðrúnu til að bjóða lesendum upp á æfingaplan fyrir tvo daga. Nú er bara um að gera að reima á sig skóna og taka á því! Góða skemmtun og gangi þér vel!
Æfing dagsins 1:
Upphitun/þolæfingar: (úti eða inni)
Klifur (byrja í plankastöðu) (40x)
Jumping squats, hnébeygjuhopp (20x) EÐA hnébeygja
Jumping jacks, hoppa sundur/saman (20x) EÐA ganga sundur/saman
Afturstig (stíga með hæ/vinstri fót aftur í framstigsstöðu/lunge) EÐA lunge jump (20x)
4 hringir af þolæfingunum
Ef endurtekningar eru of margar þá má að sjálfsögðu gera færri.
STYRKTARÆFINGAR, ÞRÍHÖFÐI/AXLIR
Þríhöfða armbeygjur 3x15
Axlaflug með eða án lóða 3x15
Þríhöfðalyftur með eða án lóða. Lóð eða annað fyrir ofan höfuð og beygja hendur niður/olnbogar visa beint fram 3x20
Áskorun
2 mín. armbeygjur-Telja hversu margar þið gerið og skrá
1 mín. burpees-Telja hversu margar þið gerið og skrá
3X2 mín. planki
Slökun í 5. mín.
Góðar alhliða teygjur-Halda hverri teygju í a.m.k. 20. Sek.
Æfing dagsins 2:
Ganga/skokk
15-20 min.
Þrekhringur: Fjölbreyttar æfingar. Allar teknar í 1 min - 2-3 hringir.
Tvíhöfði, lóð eða teygja
Þríhöfðaarmbeygjur
Bakæfing, liggja á maga – lyfta búk og fótum frá gólfi
Thruster (hnébeygja, axlapressa)
Framstig (hægri/vinstri)
Jumping jacks eða ganga sundur saman
Kviðæfingar
Fótlyftur ( á fjórum fótum), rassæfing hæ/vi
Hliðarplanki, skákviður – lyfta mjöðmum hæ/vi
Axlaflug
Kálfar
Klifur
Áskorun:
Armbeygjur í 2 min – telja og skrá hvað margar.
Burpees í 1 min – telja og skrá hvað margar
3x2 min planki
Hvíld og góðar teygjur skipta miklu máii – hlusta á fallega tónlist og slaka í 10 min.
Góða skemmtun og gangi þér vel!
Nýjast
-
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára. -
Syngjandi sumarsveifla í Laugarborg
Að kvöldi síðasta vetrardags býður Kirkjukór Grundarsóknar í Eyjafjarðasveit til tónlistarveislu í Laugarborg þar sem sannarlega verður syngjandi sumarsveifla í aðalhlutverki. -
Ef ég væri sími.
Líklega er áhugi fólks á tækjum og tækni mismikill. Flestir eru þó duglegir í að passa uppá símana sína, tileinka sér tækninýjungar og uppfæra þá. Þetta litla tæki sem fylgir okkur mörgum í daglegu lífi. Síminn er gjarnan skammt undan, uppi á borði, í töskunni eða vasanum. Góður sími getur veitt okkur sítengingu við alheiminn, vini og vandamenn, afþreyingu, vinnuna og bara allt mögulegt. -
Mörg þúsund manns árlega á faraldsfæti suður til lækninga
Þjónusta Sjúkrahússins á Akureyri hefur dregist saman undanfarin misseri. Því fer fjarri að SAK nái að uppfylla það hlutverk sem skilgreint er í lögum um heilbrigðisþjónustu, þar sem m.a. segir að sjúkrahúsið eigi að veita þjónustu í nær öllum sérgreinum lækninga og vera varasjúkrahús Landspítala -
Lögreglan á Norðurlandi eystra rannsakar andlát
Eftirfarandi tilkynningu sendi lögreglan á Norðurlandi eysta frá sér nú rétt í þessu. Klukkan 04:30 aðfaranótt mánudags var lögreglan á Norðurlandi eystra kölluð að fjölbýlishúsi á Akureyri. Fyrstu lögreglumönnum sem komu á vettvang var vísað á meðvitundarlausa konu í íbúðinni og hófust endurlífgunartilraunir þegar í stað. Læknir og sjúkraflutningamenn komu einnig á vettvang en tilraunir til endurlífgunar báru ekki árangur og var konan úrskurðuð látin á vettvangi. -
Svona er síminn hannaður til að stela athygli okkar
Af hverju er svona erfitt að leggja frá sér símann? Er efnið sem þar er að finna alltaf svo mikilvægt og áríðandi að það gengur fyrir þau samskipti sem við erum að eiga við fólkið í kringum okkur? Förum við í símann þegar að við erum undir stýri? (Já það telst líka með að gera það á rauðu ljósi). Lengjum við klósettferðirnar okkar til að vera lengur í símanum? Leggjum við símann alltaf á borðið á fundum, í kaffitímanum eða við matarboðið og leyfum þannig tilkynningunum á skjánum að stela athygli okkar? Setjum við börnin okkar fyrir framan skjá til þess að kaupa okkur sjálfum skjátíma? Leitum við í símann alltaf þegar að okkur leiðist? Erum við hrædd við að vera vandræðaleg á almannafæri og förum í símann til að þykjast vera að sinna einhverju mikilvægu frekar en að líta upp og leyfa huganum að reika? Dettum við út í samtölum við annað fólk því við ætluðum að fletta einhverju eldsnöggt upp en rákumst svo á eitthvað annað sem greip athygli okkar? Getum við átt gæðastundir með fjölskyldunni án þess að láta símann trufla okkur? -
Lokaorðið - Forgangslistinn
Eftir því sem ég eldist verð ég sífellt þakklátari fyrir að fá að ganga lífsins veg með fólkinu mínu. Við erum fámenn þjóð og höfum í gegnum tíðina staðið þétt saman. Við höfum lyft grettistaki í forvörnum vegna slysa á sjó og landi.
Athugasemdir