Hvar átti að grafa beinin?
Spurt er hvenær þessi fallega kirkja var vígð?
Spurt er um bein Jónasar Hallgrímssonar og margt fleira í spurningaþraut Vikublaðsins #5
-
Það veit hvert einasta mannsbarn hvaða kirkja er á myndinni hér að ofan en það er Húsavíkurkirkja. Ég spyr hins vegar, hver teiknaði kirkjuna?
-
En hvaða ár var hún vígð?
-
Við skulum halda okkur við kirkjur. Hvenær var Akureyrarkirkja vígð?
-
Og hvaða meistari hannaði hana?
-
Akureyrarbær er fimmta fjölmennasta sveitarfélag Íslands og er annað fjölmennasta utan höfuðborgarsvæðisins á eftir Reykjanesbæ. En hvað er þriðja fjölmennasta sveitarfélagið utan höfuðborgarsvæðisins?
-
„Það er löng leið frá Íslandi til Himnaríkis.“ Hver mælti svo?
-
Við skulum halda okkur nærri almættinu og spyrjum: „Jesús sagði við hann: „Slíðra sverð þitt! Allir, sem sverði bregða, munu fyrir sverði falla.“ Í hvaða guðspjalli er þetta?
-
Cucumis sativus er jurt af graskersætt sem er mikið ræktuð víða um heim, líka á Íslandi. Jurtin er klifurjurt sem ber grænan ávöxt. Jurtin á rætur að rekja til Indlands en er nú ræktuð víða um heiminn eins og fyrr segir. Hvað heitir jurtin á íslensku?
-
Bein Jónasar Hallgrímssonar voru flutt til Íslands árið 1946. Það var iðnjöfurinn Sigurjón Pétursson, kenndur við Álafoss, sem stóð helst fyrir því að fá bein Jónasar flutt heim. Jónas var að lokum grafinn í þjóðargrafreitnum 16. nóvember 1946, sem var fæðingardagur Jónasar og hefur síðar hlotið heitið Dagur íslenskrar tungu. En hvar vildi nefndur Sigurjón að Jónas yrði grafinn?
-
Íþróttafélag eitt á Akureyri hefur undanfarið getið af sér afreksfólk í bogfimi. Hvað heitir Íþróttafélagið?
---
Aukaspurning:
Hvaða fugl sést á myndinni hér fyrir neðan?
---
Svör:
1.Rögnvaldur Ólafsson.
2. Hún var vígð 2. júní 1907 en ártalið dugar.
3. Árið 1940.
4. Guðjón Samúelsson.
5. Það ku vera sveitarfélagið Árborg.
6. Davíð Stefánsson.
7. Mattheusarguðspjalli.
8. Gúrka eða agúrka.
9. Í Öxnadal, þar sem hann var fæddur.
10. Íþróttafélagið Akur.
Svar við aukaspurningu:
Þetta er Brandugla. Í hana vantar að vísu litarefni og því er hæglega hægt að rugla henni saman við snæuglu.
Nýjast
-
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín.
Athugasemdir