Tryggvi Snær Hlinason í nýliðavali NBA
Tryggvi Snær Hlinason lék áður með Þór Akureyri við góðan orðstýr. Nú gæti hann verið á leið í NBA deildina bandarísku. /Mynd úr safni
Bárðdælingurinn ungi, hái en knái, Tryggvi Snær Hlinason verður í svokölluðu nýliðavali fyrir bandarísku atvinnumannadeildina NBA í körfubolta en valið fer fram í næstu viku. Þetta staðfesti körfuboltasérfræðingurinn Jonathan Givony hjá Draft Express á samskiptamiðlinum Twitter í vikunni. Téður Givony telur að Tryggvi verði valinn í annarri umferð valsins.
Það yrði óneitanlega risastórt afrek ef Tryggvi Snær nær þeim áfanga að spila í NBA deildinni bandarísku. Hingað til hefur aðeins einn Íslendingur leikið í deildinni en það var Pétur Guðmundsson. Hann var valinn í þriðju umferð nýliðavalsins árið 1981 af Portland Trail Blazers. Jón Arnór Stefánsson samdi reyndar við Dallas Mavericks árið 2003 en hann lék ekki deildarleik með liðinu.
Tryggvi Snær er í dag á mála hjá spænska liðinu Valencia þar sem hann hefur spilað að meðaltali fimm mínútur í leik. „Þrátt fyrir að tölfræði hans sé ekki glansandi þá hefur hann sannað að hann getur þjónustað lið sitt í tveimur bestu deildum Evrópu,“ sagði í umfjöllun um Tryggva á bandarísku körfuboltaáhugamannasíðunni Sir Charles in Charge.
„Leikmenn í nýliðavalinu reyna að heilla liðin í deildinni fyrir sjálft valið á ýmsan hátt. Flestir æfa hjá nokkrum liðum og koma sér þannig á framfæri. Í dag [þriðjudag] var tilkynnt að Tryggvi Snær væri einn af tveimur leikmönnum sem Pheonix Suns væru að skoða,“ segir á körfuboltavefnum karfan.is. Þá hefur verið nokkur umræða í fjölmiðlum vestan hafs um áhuga liða á Tryggva Snæ, það verður því fróðlegt að fylgjast með hvað gerist í nýliðavalinu sem fer fram 21. júní n.k.
Nýjast
-
Húsavík - Vilja koma á tengiliðaverkefni fyrir nýja íbúa
Helena Eydís Ingólfsdóttir, fulltrúi D lista og formaður fjölskylduráðs Norðurþings lagði til á fundi ráðsins í síðustu viku að hafinn verði undirbúningur að því að koma á tengiliðaverkefni fyrir nýja íbúa í samstarfi sveitarfélagsins, vinnustaða og félagasamtaka. Með verkefninu er átt við að þegar nýir íbúar flytja í sveitarfélagið Norðurþing taki samfélagið höndum saman og greiði leið þeirra inn samfélagið. -
Listamannaspjall með Gunnari Kr. Jónassyni í Listasafninu á Akureyri n.k. laugardag
Laugardaginn 20. apríl kl. 15 verður listamannaspjall með Gunnari Kr. Jónassyni um verk hans á samsýningunni Sköpun bernskunnar, sem nú stendur yfir í Listasafninu á Akureyri. Stjórnandi er Heiða Björk Vilhjálmsdóttir, sýningarstjóri. Aðrir þátttakendur sýningarinnar eru Ingunn Fjóla Ingþórsdóttir og nemendur úr leikskólanum Naustatjörn og grunnskólunum Glerárskóla og Naustaskóla. -
Norðurorka fær umhverfisverðlaun Terra
Norðurorka hlaut umhverfisverðlaun Terra á landsbyggðinni fyrir árið 2023. Norðurorka hefur sett fordæmi fyrir því hversu vel má flokka allt sem til fellur hjá stóru fyrirtæki. Hlutfall sem urðað er eða sent í brennslu er í algjör lágmarki og samræmist það mjög vel stefnu Terra um að skilja ekkert eftir. Norðurorka hefur tileinkað sér þær nýjungar sem Terra býður upp á og hefur fyrirtækið verið reiðubúið að prófa nýjar lausnir og gefið álit sitt á virkni þeirra. Forsvarsmenn Terra segir að ansi mörg fyrirtæki sem séu í viðskiptum við félagið hafi bætti sig á milli ára þegar kemur að flokkun, sem aftur skili hreinni straumum og hærra hlutfalli heildarúrgangs sem fer í endurvinnslu. -
Nýr Kjalvegur – Hraðbraut í gegnum hálendið
Á Alþingi liggur nú fyrir þingsályktunartillaga um endurnýjun vegar yfir Kjöl með einkaframkvæmd en nokkrum sinnum hefur verið reynt að mæla fyrir málinu í gegnum tíðina án árangurs. -
Hefur myndað báta frá barnsaldri
Hafþór Hreiðarsson, ljósmyndari og nú myndlistamaður -
Akureyri - Þátttaka eykst stöðugt í velheppnuðu verkefni Virkra efri ára
„Við erum afskaplega ánægð með hvernig til hefur tekist, þátttaka hefur aukist jafnt og þétt og við heyrum ekki annað en notendur séu ánægðir með það sem í boði er,“ segir Héðinn Svarfdal Björnsson verkefnastjóri Virkra efri ára. Verkefnið hófst formlega í febrúar í fyrra en þá var byrjað á að bjóða ýmis konar tækifæri til hreyfingar fyrir þá íbúa bæjarins sem náð höfðu 60 ára aldri og voru þeir dreifðir um bæinn. -
Húsavik - Gagnrýna ákvörðun um kaup á körfubíl
Byggðarráð Norðurþings samþykkti á 457 fundi sínum fyrri skemmstu að körfubíl fyrir Slökkvilið Norðurþings með atkvæðum Hjálmars Boga B-lista og Áka Haukssonar M-lista. Hafrún Olgeirsdóttir D-lista greiddi atkvæði á móti. Áætlaður kostnaður við kaupin er 14,9 m.kr með vsk. á tækinu heim komið miðað við gengi dagsins. -
KEA eykur við hlut sinn í Norlandair
KEA hefur keypt rúmlega 21% hlutafjár í Norlandair og verður eftir viðskiptin stærsti hluthafi félagsins með 43% eignarhlut. Samhliða þessum viðskiptum er Air Greenland einnig að auka við hlut sinn í félaginu og verður næst stærsti hluthafi þess. Í þessum viðskiptum voru Friðrik Adolfsson, Kaldbakur og Mýflug að selja eignarhluti sína en Friðrik lét af störfum sem framkvæmdastjóri Norlandair vegna aldurs um nýliðin áramót og við starfi hans hefur tekið Arnar Friðriksson. -
1500 FRÆ
Meðmæli eru frækorn. Við erum að sá og fjárfesta til framtíðar. Við munum enn fremur uppskera eins og við sáum. Ef við sáum þeirri hegðun að frambjóðendur verði að vera þekkt andlit, með reynslu úr pólitík eða opinberri þjónustu – þá uppskerum við eftir því. Umsóknarkröfum ætti þá að breyta til samræmis hið snarasta sem og heiti starfsins. Embætti fyrir útvalda. Embætti fyrir fræga. Embætti fyrir völd og pólitík.
Athugasemdir