Vikublaðið kemur út í dag
Vikublaðið kemur út í dag og í blaði vikunnar er farið um víðan völl að vanda.
Meðal efnis:
*Mikil gleði braust út á Húsavík á mánudag þegar tilkynnt var hvað lög fengu tilnefningar til Óskarsverðlauna í flokki frumsaminna laga. Eitt þeirra var nefnilega lagið Húsavík, My Hometown eftir Savan Kotcha, Fat Max Gsus og Rickard Göransson, úr kvikmyndinni Eurovision Song Contest: The Story of Fire Saga. Kristján Þór Magnússon, sveitarstjóri Norðurþings sagði í samtali við Vikublaðið að hann væri himinlifandi með tilnefningu Húsavíkur.
*Gönguskíðaæðið á landinu hefur varla farið framhjá mörgum en nánast annar hver maður stundar nú sportið af harðfylgi. Ólafur Björnsson hjá Skíðafélagi Akureyrar hefur ekki farið varhluta af áhuga Akureyringa og annarra landsmanna á gönguskíðasportinu. Ólafur, sem starfar sem kennari við VMA í aðalstarfi, ræddi við Vikublaðið um íþróttina vinsælu.
*Arnór Ragnarsson er 33 ára Húsvíkingur sem starfar sem leiðbeinandi á unglingastigi í Borgarhólsskóla og þjálfar CrossFit á Húsavík. Hann útskrifaðist með diplóma í vefþróun (e. web development) frá Vefskóla Tækniakademíunnar í maí 2017. Arnór tekur æfingarnar alvarlega og reynir að æfa fimm daga í viku. Arnór er Norðlendingur vikunnar.
*Hjalti Þór Hreinsson hefur umsjón með matarhorni vikunnar og kemur með nokkrar úrvalsuppskriftir.
*Skólaráð Glerárskóla á Akureyri hefur sent bréf á bæjaryfirvöld þar sem skorað er á bæinn að endurskoða fjárveitingar til framkvæmda við endurbætur á skólanum með það að markmiði að flýta þeim svo þeim verði lokið eigi síðar en árið 2022. Samkvæmt fjárhagsáætlun sem samþykkt var fyrir 2021-2024 er gert ráð fyrir að haldið verði áfram með framkvæmdir við Glerárskóla á árinu 2023.
*Áætlað er að nýr íbúðakjarni fyrir fatlaða við Stóragarð á Húsavík verði tilbúinn 1.desember næst komandi. Um er að ræða íbúðakjarna með sex íbúðum auk sameiginlegs rýmis og starfsmannaaðstöðu. Samskonar verkefni hefur áður verið unnið hjá Hafnafjarðabæ.
*Vikublaðið í samstarfi við Háskólann á Akureyri mun næstu vikum kynna vísindafólk Háskólans á Akureyri. Við byrjum á að kynna Guðmund Oddsson sem er dósent í félagsfræði við Félagsvísindadeild Háskólans á Akureyri.
*KEA hefur afhent styrki úr Menningar- og viðurkenningarsjóði félagsins vegna síðasta árs. Þetta var í 87. skipti sem KEA veitir styrki úr sjóðnum en hann á rætur sínar að rekja allt til 1936 þegar fyrsta styrknum var úthlutað úr sjóðnum til Sjúkrahússins á Akureyri. Frá þeim tíma hafa tæplega 1400 verkefni og einstaklingar fengið fjármunum úthlutað úr sjóðnum.
*Sveinn Arnarsson heldur um Áskorandapennann og Huld Hafliðadóttir skrifar bakþanka vikunnar.
Smelltu hér til að gerast áskrifandi.
Nýjast
-
Félagsgróðurhús og aðstoð við makaleit
Hugmyndir um hraðstefnumót og uppbyggingu á félagsgróðurhúsi litu dagsins ljós á fundum sem haldnir hafa verið í Stórutjarnarskóla og í Skjólbrekku. Mótun heildstæðrar stefnu fyrir Þingeyjarsveit stendur yfir um þessar munir og var boðað til fundanna í tengslum við þá vinnu. Einnig var rafrænn fundur haldinn fyrir allt sveitarfélagið. -
Akureyri og Fjallabyggð - Hátíðarhöld í tilefni af Verkalýðsdeginum
Stéttarfélögin við Eyjafjörð bjóða félagsfólki og fjölskyldum þeirra að taka þátt í hátíðardagskrá í tilefni af verkalýsdeginum þann 1. maí. Í ár er fylgt liði undir kjörorðunum Sterk hreyfing - Sterkt samfélag og er félagsfólk hvatt til þess að sýna samstöðu með því að fjölmenna í kröfugöngu. -
Annir hjá starfsmönnum Hafnasamlagsins
Snemma í gærmorgun mættu fjórir af okkar mönnum til Húsavíkur á dráttarbátnum Seif, eftir að hafa siglt frá Akureyri. Tveir menn til viðbótar keyrðu svo austur og voru tilbúnir í verkefni dagsins. -
Nýr formaður ÍBA Jóna tekur við af Geir
Jóna Jónsdóttir er nýr formaður Íþróttabandalags Akureyrar. Hún tók við embættinu af Geir Kristni Aðalsteinssyni sem verið hafði formaður í 10 ár. Ársþing ÍBA var haldið á dögunum. -
Hagnaður KEA 787 milljónir króna
Á aðalfundi félagsins sem fram fór í gærkvöldi kom fram að 787 milljóna króna hagnaður varð af rekstri félagsins á síðasta ári. Hreinar fjárfestingatekjur voru 1.057 milljónir króna og hækkuðu um 290 mkr. á milli ára. Eigið fé var rúmir 9,5 milljarðar og heildareignir námu rúmum 9,8 milljarði króna. Eiginfjárhlutfall var rúmlega 97%. -
,,Þetta snýst þá bara um að fara rútuferð á fimmtudaginn”
Það var sannkölluð háspenna sem boðið var upp á í leik Þórs og Fjölnis í Íþróttahöllinni í kvöld. Tækist Þór að sigra væri sæti í Olis deild karla næsta keppnistímabil í höfn, færi Fjölnir með sigur þyrfti oddaleik n.k fimmtudag í Reykjavík. -
Rannsókn á andláti- Gæsluvarðhald framlengt um viku
Gæsluvarðhald yfir manni sem er grunaður um að hafa orðið sambýliskonu sinni að bana í fjölbýlishúsi á Akureyri hefur verið framlengt um eina viku, eða til 6. maí -
Þjónusta þjóðkirkju við landsbyggðina
Eitt aðaleinkenni þjóðkirkjunnar, kirkju þjóðarinnar er hún að hún hefur þá grunnskyldu að veita kirkjulega þjónustu um allt land. Henni ber að þjóna fólki í sveit og borg, í þorpum og bæjum, þeim sem búa afskekkt og þeim sem búa þétt. Þetta er ekki einfalt hlutverk því þegar upp er staðið er það fjárhagurinn sem stýrir því hversu breið og öflug sú þjónusta er. Sóknargjöldin sem ríkið innheimtir fyrir þjóðkirkjuna hafa verið skert af hálfu ríkisins frá því í hruninu og jafnvel eitthvað fyrr. Þetta hefur gert það að verkum að erfiðara er að halda úti þjónustu safnaða og halda við kirkjubyggingum sem margar hver eru menningarleg þjóðarverðmæti. Þá hefur vígð þjónusta verið skert þar sem kirkjan hefur þurft að fara í sparnaðaraðgerðir auk þess sem fólksflutningar hafa orðið á ákveðnum svæðum. -
„Slippurinn Akureyri, Vinnslustöðin í Vestmannaeyjum og Skipasýn gera með sér hönnunarsamning“
Slippurinn Akureyri sem framleiðir vinnslubúnað undir merkjum DNG by Slippurinn hefur gert hönnunarsamning við Vinnslustöðina í Vestmannaeyjum og verkfræðistofuna Skipasýn.
Athugasemdir