Þrjár athugasemdir við deiliskipulag safnasvæðis á Krókeyri
Guðrún Kristinsdóttir f.h. Minjasafnsins á Akureyri bendir á að safn er vel skilgreind starfsemi og mikilvægt að ganga úr skugga um að ákvæði laga um söfn séu uppfyllt áður en nýju safni verði úthlutað lóð á Krókeyri. Nýbyggingar á Krókeyri þurfa að taka mið af Gömlu gróðrarstöðinni og trjáræktarstöðinni, vísað í byggingarlistastefnu Akureyrar og að verndun götumyndar og yfirbragð heilla hverfa er vaxandi þáttur í húsvernd. Gera verði sérstakar ráðstafanir til að leiðbeina gestahópum Iðnaðarsafnsins vegna breyttrar aðkomu að því.
Skipulagsnefnd bendir m.a. á í svörum sínum við athugasemdunum, að syðsti hluti svæðisins hentar ekki starfsemi bifhjólasafnsins þar sem umrædd lóð er ekki nægilega stór samkvæmt fyrirliggjandi tillögu. Umrædd staðsetning er unnin í samráði við hagsmunaaðila og er um málamiðlun að ræða þar sem í upphafi var farið fram á aðra staðsetningu þ.e. á svæði Iðnaðarsafnsins. Í skilgreiningu á S svæðum í deiliskipulagstillögu er skýrt tekið fram að gert sé ráð fyrir stofnunum og fyrirtækjum sem tengjast safna- og sýningarstarfsemi annars vegar og náttúruvísindum, ræktun og umhverfismálum hins vegar. Einnig getur hluti svæðisins hentað fyrir félagastarfsemi. Tekið er tillit til að umferð á svæðinu verði takmörkuð við 30 km. Staðsetning byggingarreitsins gagnvart annarri starfsemi á svæðinu er valin þannig að bygging bifhjólasafnsins myndi hljóðskerm til vesturs og öll umferð innan lóðar verði því austan nýbyggingar. Ef í ljós kemur að þörf er á hljóðvörnum til viðbótar mætti koma þeim fyrir á norðurlóðarmörkum. Sækja skal um staðsetningu skilta á svæðinu til skipulagsdeildar sem afgreiðir slíkar umsóknir í samræmi við skiltareglugerð Akureyrarbæjar.
Tekið er undir sjónarmið að skerpa á texta í greinargerð að huga skuli að anda svæðis og nærliggjandi bygginga við hönnun húss. Skipulagsnefnd bendir jafnframt á að svæðið á Krókeyri er skilgreint sem opið svæði til sérstakra nota og svæði fyrir þjónustustofnanir. Söfn eru ekki skilgreind sérstaklega í skipulagslögum og því tekur deiliskipulagið ekki sérstaklega á safnaskilgreiningu. Starfsemi sú sem fyrirhuguð er á reit S5 fellur innan þess ramma sem aðalskipulag heimilar og því tekur skipulagsnefnd ekki afstöðu til nánari greiningar innan safnageirans. Tekið er undir sjónarmið að heimilaðar verði góðar merkingar sem vísa til þeirrar starfsemi annarrar sem á svæðinu er.
Nýjast
-
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna. -
Málefni verksmiðju PCC á Bakka - Óskað eftir fundi í atvinnuveganefnd Alþingis
,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst." -
„Stóra markmiðið að auka fæðuöryggi“
-segir Haukur Marteinsson nautgripabóndi á Kvíabóli en þingeyskir bændur eru stórtækir í kornrækt -
Dreptu mig …. Þú ert svo leiðinlegur röflari
Listin að rýna til gagns Listin að rýna til gagns, eða gagnrýna með uppbyggilegum hætti er eitthvað sem við ættum að temja okkur og ekki forðast. Það má vissulega oft finna leiðir til að gera misgóða hluti enn betri, benda á það sem betur mætti fara. Koma með lausnir og hugmyndir um betri leiðir, það flokkast undir að vera lausnamiðaður og framsýnn. -
Lóðir við Hofsbót 1-3 boðnar út í þessum mánuði
Stefnt er að því að bjóða lóðir við Hofsbót 1 – 3 út á ný síðar í maí. Lóðirnar voru boðnar út í fyrravor. Engar umsóknir bárust um þær þá.