Þrífst jafnaðarkaup á Akureyri?
Ég hef með greinum í Morgunblaðinu vakið athygli á framkomu eigenda Lawboski Bar í Reykjavík gagnvart dóttur minni. Hún krafðist kjarasamningsbundinni launa og var rekin. Hún sætti sig ekki við laun undir kjarasamningi og réttindabrot. Í kjölfar umfjöllunar um málaflokkinn velti ég fyrir mér hvort slíkar jafnaðarlaunagreiðslur þrífist í fyrirtækjum á Akureyri. Bærinn er smár og margt fréttist. Sjálf hef ég heyrt að nokkrir staðir greiði jafnaðarlaun án þess að hafa kannað það sérstaklega.
Með það í huga koma verkalýðsfélögin upp í huga minn. Með smæð bæjarins ætti að vera auðvelt að útrýma jafnaðarlaunum sem standast ekki kjarasamningi. Hvað gera verkalýðsfélögin hér í bæ til að rannsaka og kanna hvernig þessu er háttað?
Fyrir fáeinum árum stóð systir mín í stappi, fyrir hönd dóttur sinnar, við eigengur veitingastaðs á Akureyri vegna of lágra launagreiðslna í formi jafnaðarkaups. Þá sýndu forkólfar verkalýðsfélagsins máttleysi sitt, sögðust hafa talað við eigendur, sem lofuðu bót og betrun, og í raun gætu þeir ekkert meira gert. Hjálpin, sem nauðsynleg er til að fólk sjái hag sinn í að segja frá ólöglegum launagreiðslum, kom ekki þarna. Ég hvet verkalýðsfélögin til að taka á málunum, þefa uppi fyrirtækin sem greiða jafnaðarlaun og láta vita hvert þeirra gerir það. Mér yrði mikill heiður af að sniðganga umrædd fyrirtæki.
Með smæð bæjarins í huga kemur líka skyldleiki, vinátta og greiði upp í huga minn. Er möguleiki á að þeir sem sinna verkalýðsmálum á smáum stöðum séu ragir við að ganga í málin vegna þess sem ég nefni hér á undan. Vangaveltur, ekki staðhæfing. Þegar við búum á smáum stað getur slíkt gerst. Atvinnurekandi gæti setið í bæjarstjórn og greiði hann jafnaðarkaup er kannski ekki gott að ,,abbast upp á hann. Pabbi er vinur eiganda og ekki gott að reka fleig í þá vináttu, tek heldur jafnaðarkaupið gæti eitthvert ungmennið hugsað. Greiði, atvinnurekandi tekur barn frændfólks í vinnu en á móti er jafnaðarkaup greitt og frá því segir maður ekki. Vonandi er hér einungis um mínar vangaveltur að ræða, ekki staðreyndir. Hef ekki í hyggju að kanna það, en hvet enn og aftur til frásagnar um vinnuveitendur sem greiða jafnaðarlaun og eru undir kjarasamningsbundnum lanum.
Rannsóknarblaðamennska er hverfandi. Væri dugur í fréttamönnum sýndu þeir málaflokknum áhuga og færu af stað. Margir eru fúsir til að segja frá og þar með kæmist skriða á málið.
Með samstöðu í samfélaginu, samræðu og umfjöllun væri hægt að taka betur á málaflokknum en nú er gert.
Helga Dögg Sverrisdóttir
Nýjast
-
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar. -
Heitaloftsþurrkun fiskafurða á Laugum Starfsleyfi framlengt til 15. nóvember
Starfsleyfi Samherja fyrir heitaloftsþurrkun fiskafurða á Laugum í Reykjadal verður framlengt um 6 mánuði og gildir til 15. nóvember næstkomandi. Heilbrigðisnefnd Norðurlands hefur samþykkt framlengt starfsleyfi. -
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur. -
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi.
