Þorskur og kraftmikil krydd - Kjúklingur og grænmeti
Freyr Antonsson
Freyr Antonsson á Dalvík sér að þessu sinni um uppskriftir vikunnar, en það var Gunnlaugur Antonsson sem sendi boltann til Freys í síðasta Vikudegi.
Einfaldleikinn og fersk krydd eru best í eldhúsinu og þannig verða mínar uppskriftir, segir Freyr.
Þorskur og kraftmikil krydd
500 1000 gr þorskur í bitum
Salt og pipar
½ ferskur rauður chili pipar
3-5 cm ferskur engifer
5-10 hvítlauksgeirar
2 matsk kókosolía
¼ rjómi
Tilbrigði
Paprika
Laukur
Sveppir
Sellerý
Setjið upp hrísgrjón eða fyrir kartöflufíkla, kartöflur. Skerið chili, engifer og hvítlauk smátt niður og setjið ásamt kókosolíunni á heita pönnu. Látið krauma í 1-2 mínútur þar til loftið ilmar. Kryddið fiskbitana með salti og pipar. Takið fiskbita og dífið ofaní olíuna og snúið strax á hina hliðina, endurtakið með alla bitana. Ef annað grænmeti á að fara á pönnuna fer það nú ofan á fiskinn. Setjið lok á pönnuna. Leyfið að steikjast á meðalhita í tvær mínútur. Passið hitann. Setjið nú rjóma útá og lokið aftur pönnunni. Fáið suðuna upp og sjóðið í 1 mínútu og slökkvið svo undir. Leyfið að vera undir loki í 7 mínútur. Berið fram með hrísgrjónum og fersku salati.
Kjúklingur og grænmeti
1 heill kjúklingur
Kartöflur
Gulrætur
Sæt kartafla
Sellerý rót
Steinseljurót
Hvítkál eða rauðkál
Sveppir
Paprika
20 hvítlauksrif
5 cm ferskt engifer
½ rauður chili pipar
Ferskt eða þurrkað timjan
Salt og pipar
Kjúklingakrydd
½ sítróna
2 matsk virgin olífu olía.
Skerið kartöflur í tvennt og setjið í skál og kalt vatn yfir. Skerið allt niður í stóra bita nema engifer og chili smátt og hvítlauk heila geira. Setjið allt í leti pott eða ofnpott, hellið af kartöflunum og setjið saman við. Kryddið með salti og pipar, kreistið sítrónu yfir og setjið olífu olíu úti. Setjið lok á pottinn og hristið saman. Setjið kjúklinginn kryddaðan með kjúklingakryddi eða salti og pipar ofaní þannig að vel fari. Setjið inní 180°C heitan ofn í 2 tíma. Síðustu 15 mínúturnar er gott að taka lokið af. Takið kjúklinginn uppá fat og berið fram með fersku salati, dásamlegu grænmetinu og soðinu í ofn pottinum.
Athugið að magn grænmetis breytir litlu.
Fer vel á því að skora á Kristmann Pálmason með næstu uppskrift.
Verði ykkur að góðu.
Nýjast
-
Hundakvöld á Listasafninu á Akureyri
Fimmtudaginn 12. júní mun Listasafnið á Akureyri bjóða hunda og eigendur þeirra velkomna á sérstakt hundakvöld. Opið verður frá kl. 19 til 22 og ókeypis inn fyrir eigendur í fylgd hunda -
Íbúum fjölgar á Norðurlandi eystra
Samkvæmt tölum úr Þjóðskrá fjölgaði fólki á Norðurlandi eystra frá 1 des. sl. til 1 júni s.l um 157 manns eða um 0,5%. Þetta er sama fjölgun og var á landsvísu á sama tima. -
atNorth ræður tvo nýja stjórnendur
Gagnavers- og ofurtölvufyrirtækið atNorth hefur ráðið Bjarka Björnsson sem forstöðumann fjármögnunar og fjárstýringar og Axel Valdemar Gunnlaugson í starf forstöðumanns upplýsingatækni. -
Litaboltavöllur á tjaldsvæðinu
Skipulagsráð Akureyrar hefur tekið jákvætt í erindi frá Skúla Lórenz Tryggvasyni sem óskaði eftir svæði til að setja upp litaboltavöll (e. paintball). -
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna.
