Þarf til Svíþjóðar í aðgerð
Fjölskyldan eftir að hafa tekið við góðum styrk sem kom út úr Sólstöðuhlaupi Völsungs. Baldur, Alfreð, Klara Hrund, Linda, og Tómas Bjarni heldur á bróður sínum Ívari Hrafni. Mynd/epe
Ívar Hrafn Baldursson er lítill drengur sem glímt hefur við erfið veikindi frá fæðingu en hann greindist með gallgangnarýrð (biliary atresia) sem lýsir sér í því að það er lítil sem engin tenging úr lifur niður í þarmana. Vegna þessa hefur drengurinn verið inn og út af sjúkrahúsum og í haust má gera ráð fyrir að hann þurfi að dvelja í Gautaborg í Svíþjóð, jafnvel mánuðum saman eða þar til hann hefur fengið grædda í sig nýja lifur. Skarpur settist niður með foreldrum hans, Lindu Birgisdóttur og Baldri Kristinssyni á dögunum og hlýddi á raunasögu þeirra. Viðtalið mun birtast í tveimur hlutum í prentútgáfu Skarps.
Við gripum niður í viðtalið þar sem Linda og Baldur segja frá því þegar fyrst vöknuðu grunsemdir um að eitthvað alvarlegt væri að drengnum þeirra. Áður hafði verið talið að Ívar Hrafn væri með hefðbundna nýburagulu.
Af einhverjum orsökum seinkaði 9. vikna skoðun án þess að þau foreldrarnir hafi gert athugasemd við það. „Helgina eftir það er afmælis veisla hjá systur Lindu og við förum með drenginn þangað. Þar hittum við svilkonu mína sem er hjúkrunarfræðingur á Akureyri. Þarna er Ívar Hrafn orðinn nærri því sjálflýsandi á litinn, og þá segir svilkona mín okkur að þetta sé ekki eðlilegt, þetta verðum við að láta skoða. Við hringjum strax í vaktlækni hérna á Húsavík og hann segir okkur að koma daginn eftir, á sunnudeginum, vegna þess að hann vildi sjá hann í dagsbirtu. Hann vildi líka fá annan lækni til að skoða drenginn með sér. Þeir voru báðir sammála um að þetta væri ekki eðlilegt og vildu fá blóðprufur daginn eftir (á mánudagsmorgni). Daginn eftir förum við grandalaus um allt, nema að barnið okkar var skrýtið á litinn. Við fórum fyrst upp á spítala á Húsavík en okkur langaði helst strax á Akureyri þar sem hjúkrunarfræðingarnir þar eru reyndari þegar kemur að því að stinga svona lítil börn. Ég hringdi þangað og útskýrði stöðuna og okkur var sagt að koma á bráðamóttökuna á Akureyri. Það gekk vel að taka úr honum blóð og síðan vorum við lögð inn þar,” útskýrir Baldur og Linda heldur áfram: „Barnalæknirinn þar segir strax við okkur að það besta mögulega í stöðunni sé að um stíflur væri að ræða sem eiga eftir að að losna, s.s. gallsteinar. En það versta í stöðunni væri að við þyrftum að fara til Svíþjóðar með drenginn okkar í lifraskipti en segir samt strax en það sé ekki verið að vinna með það.” Þó að þessar upplýsingar hafi komið mjög flatt upp á Lindu og Baldur segir hún að eftir á sé hún fegin að læknirinn hafi lagt spilin á borðið með þessum hætti. „Þannig gat ég vonað það besta en verið búin undir það versta.“
Viðtalið er í tveimur hlutum, fyrri hlutann má nálgast í síðasta tölublaði Skarps og síðari hlutinn kemur út á fimmtudag n.k.
Nýjast
-
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug.