Takmarka námsframboð vegna fjárskorts
Háskólaráð Háskólans á Akureyri lýsir yfir áhyggjum sínum með hlutdeild skólans í núverandi frumvarpi til fjárlaga 2015. Í ályktun segir að það skjóti skökku við, að á sama tíma og Háskólinn á Akureyri hafi uppfyllt allar opinberar gæðakröfur, sýnt mikla ráðdeild í rekstri og greitt upp að fullu hallarekstur fyrri ára, þá skuli skólinn ekki njóta þess þegar kemur að því að fjármagn sé aukið til háskólastigsins að nýju en aukning á fjármunum til háskólanna allra er grundvöllurinn að auknum hagvexti í framtíðinni, eins og fram kemur í yfirlýsingu allra rektora háskóla á Íslandi í nóvember síðastliðnum.
Í ályktuninni segir ennfremur: Háskólinn á Akureyri er með í dag rúmlega 100 nemendaígildi umfram fjárveitingar og allt stefnir í að sá munur aukist á næsta ári. Án aukningar í fjárframlögum, umfram þá lágmarksaukningu sem komin er nú þegar vegna kostnaðarhækkana, er ljóst að takmarka verður aðgengi nemenda að námi á haustmisseri 2015 sem og takmarka námsframboð. Háskólaráð lýsir yfir furðu sinni á þeirri stöðu sem upp er komin, að takmarka verði aðgengi og námsframboð við stærsta háskóla landsins utan höfuðborgarsvæðisins (og þriðja stærsta háskóla landsins), á sama tíma og skólar á höfuðborgarsvæðinu fá greitt fyrir umframnemendur síðustu ára. Þykir þetta ganga í berhögg við stefnu núverandi ríkisstjórnar um eflingu allrar landsbyggðarinnar.
Þá er gengið gegn þeirri augljósu þörf á að auka menntun utan höfuðborgarsvæðisins sem fram kemur í frétt Hagstofunnar þar sem meðal annars er leitt í ljós að 24,7% íbúa dreifbýlisins á aldrinum 25- 64 ára hafi háskólamenntun á móti 42,3% íbúa í sama aldurshóp á höfuðborgarsvæðinu. Háskólinn á Akureyri hefur þjónað landinu öllu í gegnum öflugt fjarnám og unnið mikið brautryðjendastarf því sviði. Háskólaráð Háskólans á Akureyri beinir því til stjórnvalda, að endurskoða lokatillögur sínar um útdeilingu fjármuna til háskólastigsins, og að Háskólanum á Akureyri verði gert kleift að viðhalda þeirri stefnu, að bjóða landsmönnum öllum upp á öflugt fjarnám í sinni heimabyggð.
Það óréttlæti, sem fram kemur í fjárlagafrumvarpi fyrir árið 2015 eins og það liggur fyrir í dag, hefur mælst illa fyrir víða í samfélaginu. Háskólaráð þakkar sérstaklega öllum þeim aðilum sem sýnt hafa skólanum stuðning í formi ályktana í baráttunni fyrir því að þessi misskipting, sem er með öllu óréttmæt, verði leiðrétt.
Nýjast
-
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu. -
Aðalfundur Framsýnar karlmenn 62% félagsmanna
Karlmönnum hefur fjölgað í Framsýn, stéttarfélagi undanfarin ár. Þar hefur líkast til mest áhrif að meirihluti starfsfólks PCC á Bakka eru karlmenn. Verksmiðjan hóf starfsemi árið 2018. -
Rúm milljón til Krafts frá MA-ingum
Ár hvert heldur skólafélagið Huginn góðgerðaviku í þeim tilgangi að styrkja gott málefni. Að þessu sinni var valið að styrkja Kraft, stuðningsfélag fyrir ungt fólk sem greinst hefur með krabbamein og aðstandendur og söfnuðust alls 1.086.000 kr. -
April metmánuður í farþegaflutningum á Akureyrarflugvelli
Frá þvi segir á Facebook vegg Akureyrarflugvallar að nýliðinn mánuður hafi verið sá metmánuður í farþegaflutningum um völlinn. -
Harmonikudagurinn í Hofi á sunnudagur
„Harmonikan er heillandi hljóðfæri. Það má segja að draumur okkar um að heiðra hljóðfærið rætist og því verður gert hátt undir höfði á Harmonikudeginum sem haldinn verður næsta sunnudag, 4. maí með glæsilegum tónleikum í Menningarhúsinu Hofi á Akureyri,“ segir Hrund Hlöðversdóttir sem ásamt Agnesi Hörpu Jósavinsdóttur hefur unnið að undirbúningi viðburðarins. -
Stöður skólameistara við VMA og Framhaldsskólans á Húsavík auglýstar
Mennta- og barnamálaráðuneytið auglýsti í dag lausar til umsóknar stöður skólameistara við Verkmenntaskólann á Akureyri (VMA) og Framhaldsskólann á Húsavík. Umsóknarfrestur er til og með 14. maí n.k. -
Þrjú verkefni í Þingeyjarsveit hlutu styrk úr Framkvæmdasjóði ferðamannastaða
Hanna Katrín Friðriksdóttir atvinnuvegaráðherra úthlutaði styrkjum úr Framkvæmdasjóði ferðamannastaða 30 april s.l. -
Vilja klára byggingu Standgötu 1
Á fundi skipulagsráðs Akureyrarbæjar á dögunum var lagt fram erindi Kristjáns Þórs Júlíussonar fyrir hönd eigenda Strandgötu 1 ehf dagsett 31. mars 2025 vegna áforma eigenda um stækkun núverandi húss að Strandgötu 1.
