Stefna að stórfelldri uppbyggingu í Hlíðarfjalli
Bæjarráð Akureyrar heimilaði á dögunum Atvinnuþróunarfélagi Eyjafjarðar að skoða þann möguleika til fullnustu að stofna félag í eigu bæði opinberra og einkaaðila með það markmið að stuðla að uppbyggingu í Hlíðarfjalli. Hlíðarfjall er stærsta skíðasvæðið á landinu og í augnablikinu vantar töluvert mikla uppbyggingu, segir Þorvaldur Lúðvík Sigurjónsson , framkvæmdastjóri AFE um málið.
Það er hægt að byggja upp stórt og mikið svæði og nýta til þess hæð fjallanna og legu svæðisins. Akkilesarhællinn er hinsvegar að aðstaðan hefur hingað til eingöngu verið til vetrarnotkunar. Hugmynd okkar gengur út á að hafa heilsársnotkun á svæðinu og skapa meðal annars möguleika fyrir fjallahjól og göngufólk auk ýmissa fleiri afþreyingarmöguleika, segir Þorvaldur. Hann talar einnig um möguleikana sem felast í nálægðinni við meginland Evrópu og að það sé sem dæmi einungis 2 og hálfur tími í flugi hingað frá Danmörku og Bretlandi.
Það sem við bendum á er að þetta er mjög stutt ferð frá útlöndum. Það ætti þess vegna að geta verið skynsamlegt og er jafnvel ódýrara til dæmis fyrir breska fjölskyldu að koma hingað á skíði og í verslunarleiðangur frekar en að fara í Alpana. Aðstæður séu vitanlega ekki endilega sambærilegar en fyrir þá sem eru ekki með gríðarlegar kröfur þá held ég að við getum gert þetta á frambærilegann hátt
Vilja fá útlendinga að málum
Þorvaldur segir að ef af þessum áformum verður þá myndu margir aðilar koma að málinu, þar með talið aðilar erlendis frá. Auðvitað þá væri Akureyrarbær stór hluthafi og hefði mikið um þetta að segja. Við viljum stofna félag sem er í eigu opinberra aðila og einkaaðila, sem að væri með það markmið að markaðssetja, hanna og kynna svæðið. Síðan kæmu að þessu fjárfestar og mögulega markaðsskrifstofur eins og AFE, Markaðsstofa Norðurlands og aðrir af því tagi. Svo viljum við auðvitað gjarnan fá hagsmunaraðila í ferðaþjónustunni til þess að leggja verkefninu lið, segir Þorvaldur.
Kláfur einn af möguleikunum
Í stuttu máli þá sér AFE uppbygginguna fyrir sér þannig að á svæðinu verði hótel, veitingarstaðir og aðrir gistimöguleikar. Þorvaldur segir að mögulega yrði boðið upp á að framleigja lóðir fyrir veitingarekstur, hóteluppbyggingu, skíðabústaði fyrir starfsmannafélög og annað slíkt. Einnig er ætlunin að byggja upp öflugara lyftukerfi og er kláfur upp á topp fjallsins hluti af þeirri hugmynd. Þar segir Þorvaldur að til staðar myndi vera nokkurskonar grunnbygging og mögulegt væri að bjóða upp á jöklagöngur yfir sumartímann á Vindheimajökul. Fyrir ofan göngubrautina yrði svo hannað svæði sem að byði upp á það að fara á fjallahjól eða í gönguferðir.
-IBG
Nýjast
-
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar. -
Heitaloftsþurrkun fiskafurða á Laugum Starfsleyfi framlengt til 15. nóvember
Starfsleyfi Samherja fyrir heitaloftsþurrkun fiskafurða á Laugum í Reykjadal verður framlengt um 6 mánuði og gildir til 15. nóvember næstkomandi. Heilbrigðisnefnd Norðurlands hefur samþykkt framlengt starfsleyfi. -
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur. -
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi.
