SAk tryggt fé til kaupa á heilaörvunartæki
Sjúkrahúsið á Akureyri hefur fengið fé til kaupa á heilaörvunartæki Mynd gn
Alma D. Möller heilbrigðisráðherra hefur tryggt fjármagn sem gerir Sjúkrahúsinu á Akureyri (SAk) kleift að innleiða heilaörvunarmeðferð einstaklinga með meðferðarþrátt þunglyndi. Áætlað er að á upptökusvæði SAk séu um 240 einstaklingar sem gætu nýtt sér slíka meðferð árlega. Rannsóknir sýna að meðferðin skilar miklum árangri, eða um 60-70% í hópi einstaklinga sem þjást af meðferðarþráu þunglyndi en hafa lítið gagn af hefðbundinni meðferð, s.s. lyfjum og hugrænni atferlismeðferð.
Talið er að á bilinu fimm til tíu prósent landsmanna glími við þunglyndi. Um tveir þriðju ná bata með hjálp lyfja og samtalsmeðferða. Um þriðjungur nær ekki bata og þróar með sér það sem kallað er meðferðarþrátt þunglyndi, eða um 5.000 einstaklingar á hverjum tíma.
Hingað til hefur heilaörvunarmeðferð (TMS) einungis verið veitt á Heilaörvunarmiðstöð Heilsugæslu höfuðborgarsvæðisins en byrjað var að veita slíka meðferð þar árið 2022. Þar er tekið við einstaklingum af landinu öllu en meðferðin krefst þess að viðkomandi mæti í meðferð alla daga vikunnar í fjórar til sex vikur. Til að komast í meðferð þarf tilvísun frá heimilislækni eða geðlækni.
Bætir aðgengi að sérhæfðri geðheilbrigðisþjónustu á landsvísu
Heilbrigðisráðherra segir innleiðingu heilaörvunarmeðferðar við SAk mikilvægan lið í því að bæta aðgengi að sérhæfðri geðheilbrigðisþjónustu á landsvísu. Þetta styðji við markmið þingsályktunar um aðgerðaáætlun í geðheilbrigðismálum og sömuleiðis markmið heilbrigðisstefnu um að jafna aðgengi að heilbrigðisþjónustu óháð búsetu: „Síðast en ekki síst er árangursrík og tímanleg meðferð við þunglyndi mikilvægt lýðheilsumál, stuðlar að bættum lífsgæðum fólks og er mikilvæg forvörn gegn sjálfsvígum“ segir Alma D. Möller heilbrigðisráðherra.
„Við fögnum þessari viðbót við þjónustu SAk, þar sem skjólstæðingar geta nú fengið þessa meðferð nærri heimabyggð. Þetta eykur aðgengi og gerir fleirum kleift að nýta sér þjónustuna. Um leið felur þetta í sér bæði faglegan og fjárhagslegan ávinning fyrir allt heilbrigðiskerfið“ segir Hildigunnur Svavarsdóttir, forstjóri SAk.
- Hvað er heilaörvunarmeðferð?
- Heilaörvunarmeðferð (TMS)
Nýjast
-
„Við erum óendanlega þakklát fyrir þessi ár“
„Þetta hafa verið ótrúlega viðburðarík skemmtileg og góð ár sem vissulega hefur verið gríðarlega mikil vinna,“ segja þau Ingibjörg Stella Bjarnadóttir og Erik Jensen, eigendur B. Jensen. Nú standa þau á tímamótum, þar sem þau hafa selt fyrirtækið til Kjarnafæðis Norðlenska, sem er í eigu Kaupfélags Skagfirðinga. Það hefur tekið við rekstri fyrirtækisins: sláturhúsi, kjötvinnslu og versluninni við Lónsbakka, þar sem allur reksturinn hefur alltaf verið til húsa. -
Rúnar Steingrímsson og Ragnar Sverrisson kjörnir heiðursfélagar Þórs
Íþróttafélagið Þór varð 110 ára á dögunum og í tilefni þess var boðið í samsætis i Hamri félagsheimili Þórsara. Við það tilefni voru tveir eðal Þórsarar, þeir Rúnar Steingrímsson og Ragnar Sverrisson útnefndir sem heiðursfélagar. Við sama tilefni var fjöldi Þórsara sæmdur gull-, silfur- og bronsmerki félagsins. -
Réttlæti næst ekki með ranglæti
Í umræðum á Alþingi spurði ég hæstvirtan dómsmálaráðherra, Þorbjörgu Sigríði Gunnlaugsdóttur einfaldrar, en mikilvægrar spurningar: Telur hún sem dómsmálaráðherra að það standist stjórnarskrá að skerða áunnin réttindi tugþúsunda sjóðfélaga í lífeyrissjóðum? Þetta eru réttindi sem fólk hefur unnið sér inn með áratugalangri þátttöku í atvinnulífinu – réttindi sem njóta verndar samkvæmt 72. gr. stjórnarskrárinnar. -
Friðar og samstöðustund með íbúum á Gasa á Ráðhústorgi i dag
Í dag kl 16:15 verður á Ráðhústorgi á Akurreyri friðar og samstöðustund með íbúum á Gasa. Það eru frænkur tvær sem fyrir þessum viðburði standa en þær eiga afmæli í dag og vilja láta gott af sér leiða í tilefni dagsins. -
Mitt á milli nálægðar og endalausrar fjarlægðar
Listaverkið Mitt á milli nálægðar og endalausrar fjarlægðar eftir Kristinn E. Hrafnsson hefur verið hreinsað og lagað en verkið hefur staðið við inngang fiskvinnsluhúss Útgerðarfélags Akureyringa í þrjátíu ár og var farið að láta á sjá. -
Súlur 2025 eru komnar út
Ársrit Sögufélags Eyfirðinga er komið út og færir alls 12 greinar er varða ýmist fortíð eða nútíð. -
Skemmtileg hefð
Þann 10. júní síðastliðinn komu skemmtiferðaskipin Emerald Princess (Princess Cruises) og Viking Vela (Viking Ocean Cruises) í sínar fyrstu heimsóknir til Akureyrar. -
Bíladagar eru að hefjast á Akureyri
Bíladagar á Akureyri hefjast á morgun, föstudaginn 13. júní. Öll formleg dagskrá fer fram á aksturssvæði Bílaklúbbs Akureyrar við Hlíðarfjallsveg, fyrir utan bílasýninguna 17. júní í Boganum. -
Fundað með forsætisráðherra um stöðu Norðurlands eystra
Sveitarstjórar sveitarfélaga innan SSNE og framkvæmdastjóri samtakanna áttu í morgun fund með Kristrúnu Frostadóttur forsætisráðherra, þar sem þau lýstu áhyggjum af stöðu flutningskerfis raforku á svæðinu. Fundurinn var haldinn að frumvæði sveitarfélaganna sem vilja tryggja að raforkuinnviðir hamli ekki áframhaldandi atvinnuuppbyggingu á Norðurlandi eystra.
