Öfugmælanáttúra
Hvort skal þakka eða lasta þegar á herðar manni er lögð sú byrði að skrifa um daginn og veginn? Jú, þakka skal raunir sem lyfta mannkerti eilítið hærra frá vanþroska og óvisku. Nú skal skrifa um illa áttað eðli mannsins. Það birtist í mörgu.
Svifryk er í lofti. Fólk vill það ekki en býr það samt til með nagladekkjum sínum og akstri. Æpir samt upp yfir sig þegar götur eru rykbundnar. Bíllinn verður skítugur! Kannski ryðgar hann af saltinu! Skítt með lungnasjúklinga, asmasjúklinga, fólk með hjarta- og æðasjúkdóma og fleiri sem þjást af óloftinu. Allt sé bílnum mínum dýra. Hvernig væri að nota ónegld dekk, aka minna, eiga minni bíl, aka hægar, hjóla, ganga, taka strætó ...? Fyrir okkur öll.
Akureyri er bærinn í skóginum. Við viljum logn, kyrrð og ró og fuglasöng. En af hverju höggvum við svo trén um leið og þau eru farin að hreinsa fyrir alvöru rykið úr loftinu, deyfa hávaðann frá umferðinni, laða til sín fuglana og búa til logn við húsin? Verslunarrisi heimtaði að tré sem bærinn átti og fegruðu leiðina inn í bæinn yrðu felld svo að verslunarhöllin sæist í allri sinni dýrð. Hvað með gott skilti á þakið? Hver hugsar mest um sjálfan sig.
Svo er sitt hvað, hreyfing og hreyfingarleysi. Fólk er latt að hjóla, ganga eða hlaupa í vinnuna, velur lyftuna en ekki stigann. Bíllinn er úlpan. Við líkamsræktarstöðvar eru stæðin full af þessum úlpum og fólkið úr úlpunum hjólar undir öskrum þjálfarans eða hleypur á bretti. Það er erfitt að moka snjó en auðvelt að lyfta lóðum. Erfitt að ganga í vinnuna en auðvelt að hlaupa á bretti. Hvert erum við komin?
Í Kjarnaskógi liggur kókómjólkurferna við stíginn. Einhver fór á fallegt útivistarsvæði til að viðra sig og hreyfa, njóta kyrrðar, samveru eða annarra lystisemda en ákvað að skilja þar eftir kókómjólkurfernuna sína. Döö! Eigum við kannski öll að gera þetta, ha? Vonandi var kókómjólkin góð í hljómkviðu fuglasöngs og ilmi trjánna.
Og vel á minnst, rusl. Að losna við úrgang og þurfa aldrei að hugsa um hann meir er ekki helgur réttur. Við erum ofdekruð því við höfum lengi getað látið þetta hverfa ofan í tunnu og málið leyst. Á meðan gleymdum við að ábyrgðin er okkar eigin. Sumir hugsa samt lengra en aðrir. Mývetningar ætla að nota kúkinn sinn til að græða upp manngerða eyðimörk í nágrenninu. Það er flott. Akureyringar setja upp risastóra dælu með síu og langt rör út í sjó. Kannski líka flott. Eða hvað? Hvað með öll dýrmætu næringarefnin? Svona verður þetta ekki eftir 50 ár. Sannið þið til.
Vandamál heimsins verða ekki leyst að ofan. Við lærðum 2020 að hvert lítið peð í mannhafinu er ómissandi hluti af lausninni á veiruvandanum. Hvert lítið peð þarf líka að gera sitt til að minnka svifrykið, minnka losun á gróðurhúsalofti, fækka slysum, bæta almenna heilsu og vellíðan, passa upp á skjólið og fuglana, fegra umhverfið, minnka hávaðann, minnka ruslið ... en auðvitað líka gleðja hvert annað.
Halldór Laxness skrifaði í frægri grein fyrir hálfri öld um öfugmælanáttúru Íslendinga að tala um uppblásna landið sitt sem óspillta náttúru og vinna samtímis að því að spilla því enn frekar. Bara réttindi, engar skyldur. Við höfum nefnilega skyldur og megum ekki gera hvað sem er. Ein skyldan er að klæða landið skógi og öðrum gróðri. Eðli mannsins er að hugsa vel um afkomendur sína. Áttum okkur á því og lifum í samræmi við það.
Mér finnst fara vel á því að ræktunarmaðurinn með meiru, Árni Sigurbjarnarson á Húsavík, taki við pennanum. Hann skora ég á til næstu skrifa.
-Pétur Halldórsson
Nýjast
-
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega. -
Bókakynning á Amtsbókasafninu á Akureyri á morgun.
Kristín Guðmundsdóttir höfundur bókarinnar Tólf lyklar verður með kynningu á bókinni á Amtsbókasafninu á morgun og hefst kynningin klukkan 15:30. Bókin er fyrir fólk af erlendum uppruna sem er búið með grunninn í íslensku. -
Barnamenningarhátíð á Akureyri
Barnamenningarhátíð á Akureyri er nú haldin í sjöunda sinn og hefur vaxið ár frá ári. Hátíðin teygir sig yfir allan aprílmánuð með það að markmiði að hvetja börn og fjölskyldur þeirra til að taka virkan þátt í menningarlífi bæjarins sér að kostnaðarlausu.Á dagskrá eru fleiri en 50 viðburðir af ýmsu tagi. -
Sigríður Örvarsdóttir nýr safnstjóri Listasafnsins
Sigríður Örvarsdóttir hefur verið ráðin nýr safnstjóri Listasafnsins á Akureyri. Sigríður er með MA gráðu í safnafræði frá Háskóla Íslands (2018), BA gráðu í textílhönnun frá Seminaret for Kunst og Haandværk í Danmörku (2001), ásamt meistaranámi í prjónahönnun frá Academie Royale des Beux-Arts (2014) og viðbótardiplómu í hagnýtri jafnréttisfræði frá Háskóla Íslands (2009). Auk þess er hún með kennsluréttindi í grunn- og framhaldsskóla (2001). Sigríður hefur starfað sem safnstjóri og forstöðumaður Menningarmiðstöðvar Þingeyinga frá árinu 2022 og veitir sem slík forstöðu Myndlistarsafni Þingeyinga en safneign þess telur um 1.900 verk. Í starfi sínu stýrir hún starfseminni og ber ábyrgð á öllum þáttum rekstrar, allri fjárhags- og verkefnaáætlanagerð, bókhaldi, mannauðsmálum, rekstri fasteigna og faglegu starfi sjö annarra safneigna og fjögurra sýningarstaða. Sigríður starfaði sem verkefnastjóri sýninga hjá Akureyrarbæ sumarið 2021. Í því starfi sinnti hún sýningagerð, rannsóknarvinnu og kynningarmálum. Árin 2019 til 2020 var hún sjálfstætt starfandi ráðgjafi við gerð safnastefnu Akureyrarbæjar. Hún gegndi starfi safnafulltrúa Listasafnsins á Akureyri árið 2012 og árin 2010 og 2012 starfaði hún sem verkefnastjóri samsýninga og ritstjóri safnahandbóka fyrir söfn á Norður- og Norðausturlandi. Árin 2008 til 2012 starfaði hún sem safnkennari við Minjasafnið á Akureyri. Sigríður hefur reynslu af kennslu í list- og hönnunargreinum á öllum skólastigum innan lands sem utan, m.a. hjá Listaháskóla Íslands og Marbella Design Academy á Spáni. Hún hefur tekið þátt í alheimsþingi ICOM, alþjóðaráðs safna og verið fulltrúi þess í Rannsóknarsetri í safnafræðum við Háskóla Íslands. Alls bárust 14 umsóknir um starfið. -
Virðist sem skorti pólitískan vilja
Stjórn og trúnaðarráð Framsýnar kom saman til fundar í gær. Mörg mikilvæg mál voru til umræðu á fundinum m.a. samgöngumál. Ákveðið var að hvetja Vegagerðina og stjórnvöld til að styðja við áætlunarflug um Húsavíkurflugvöll auk þess styðja betur við Loftbrúna sem skiptir íbúa á landsbyggðinni verulega miklu máli. Fjölga þarf ferðum sem menn geta nýtt sér á þessum sérstöku kjörum
Athugasemdir