Nýtt hús fyrir aflþynnuverksmiðju á Krossanesi
Gert er ráð fyrir að framkvæmdir við nýtt húsnæði undir aflþynnuverksmiðju í Krossanesi hefjist í lok þessa mánaðar. „Það er allt í fullum gangi og samkvæmt áætlun,” segir Magnús Þór Ásgeirsson, framkvæmdastjóri Atvinnuþróunarfélags Eyjafjarðar, sem var á Ítalíu í liðnum mánuði en það er þarlent félag, Becromal, sem reisir aflþynnuverksmiðjuna.
Magnús Þór segir að arkitektar muni skila hönnun hins nýja húss um miðjan þennan mánuð og í framhaldi af því verði hafist handa við að reisa húsið. „Þetta verður töluvert mikil bygging, en að auki verður hluti þeirra húsa sem fyrir eru í Krossanesi nýttur undir starfsemina. Þeim verður þó breytt að einhverju leyti, m.a. hvað útlit varðar og þá verða þau lækkuð til samræmis við nýju bygginguna.” Nýja verksmiðjuhúsið verður á bilinu 5000-6000 fermetrar að stærð.
Magnús Þór segir ekki tæknilega flókið mál að byggja nýja húsið og það ætti ekki að taka langan tíma, en áætlanir gera ráð fyrir að í vor verði vélar settar niður í húsið og til þess verks muni koma Ítalir. „Við gerum svo ráð fyrir að framleiðsla fyrstu eininganna hefjist í sumar, eða í maí til júní, og til að byrja með verða ráðnir 20 til 30 starfsmenn að verksmiðjunni, en starfsemin fer svo stigvaxandi eftir því sem á líður og við vonum að reksturinn verði kominn í fullan gang eftir um það bil ár og starfsemenn verði þá um 90 talsins,” segir Magnús Þór.
Becromal er ítalskt fjölskyldufyrirtæki sem framleiðir aflþynnur í rafþétta. Félagið hefur um 16% markaðshlutdeild í þynnum fyrir rafþétta og starfrækir verksmiðjur á Ítalíu, í Bandaríkjunum og í Noregi. Vaxandi eftirspurn er í heiminum eftir rafþéttum sem notaðir eru í margvísleg tæki.
Nýjast
-
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna. -
Málefni verksmiðju PCC á Bakka - Óskað eftir fundi í atvinnuveganefnd Alþingis
,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst." -
„Stóra markmiðið að auka fæðuöryggi“
-segir Haukur Marteinsson nautgripabóndi á Kvíabóli en þingeyskir bændur eru stórtækir í kornrækt -
Dreptu mig …. Þú ert svo leiðinlegur röflari
Listin að rýna til gagns Listin að rýna til gagns, eða gagnrýna með uppbyggilegum hætti er eitthvað sem við ættum að temja okkur og ekki forðast. Það má vissulega oft finna leiðir til að gera misgóða hluti enn betri, benda á það sem betur mætti fara. Koma með lausnir og hugmyndir um betri leiðir, það flokkast undir að vera lausnamiðaður og framsýnn. -
Lóðir við Hofsbót 1-3 boðnar út í þessum mánuði
Stefnt er að því að bjóða lóðir við Hofsbót 1 – 3 út á ný síðar í maí. Lóðirnar voru boðnar út í fyrravor. Engar umsóknir bárust um þær þá.