Lýsistankarnir á Raufarhöfn fá nýtt hlutverk
Sigurður Ingi Jóhannsson, innviðaráðherra, hefur úthlutað styrkjum að upphæð 130 milljónum króna til tíu verkefna á vegum sjö landshlutasamtaka sveitarfélaga. Styrkjunum er ætlað að efla byggðir landsins og er úthlutað til sértækra verkefna á sóknaráætlanasvæðum í samræmi við stefnumótandi byggðaáætlun fyrir árin 2022-2036.
Verkefnið „Lýsistankarnir á Raufarhöfn fá nýtt hlutverk“ fékk 15 milljónir króna. Verkefnið snýr að því að gera lýsistankana manngenga og mögulega til notkunar fyrir upptökur, listsýningar, tónleika og fleira en sótt var um 20,7 milljónir til verkefnisins.
Markmiðið með framlögunum er að tengja sóknaráætlanir landshluta við byggðaáætlun og færa heimafólki aukna ábyrgð á ráðstöfun fjármuna. Áhersla er lögð á að styrkja svæði þar sem er langvarandi fólksfækkun, atvinnuleysi og einhæft atvinnulíf. Verkefni sem hljóta styrk skulu nýtast einstökum svæðum eða byggðarlögum innan landshlutans, eða landshlutanum í heild. Íbúaþróun, samsetning atvinnulífs og atvinnustig og meðaltekjur var meðal þess sem lagt var til grundvallar við mat á umsóknum.
Fá menningarlegt hlutverk
Nanna Steina Höskuldsdóttir verkefnastjóri hjá SSNE segir verkefnið snúast um að gera lýsistankana á Raufarhöfn manngenga og mögulega til notkunar fyrir kvikmyndagerð, tónleika og menningarviðburði en tankarnir eru sagðir einstakir og hafa sögulegt gildi.
Verkefnið er á höndum Norðurþings sem styrkir verkefnið með mótframlagi og sér um verkstjórn.
Aðrir samstarfsaðilar eru Gjóla ehf ( Ásdís Thoroddsen). En Ásdís kemur að verkefninu með sérfræðiþekkingu sinni á flestum sviðum menningar.
Nanna segir tilgang verkefnisins vera að gefa gömlum byggingum á Raufarhöfn hlutverk, efla menningarlíf, laða að nýtt fólk og ferðamenn. „Markmiðið er að koma lýsistönkunum í nýtilegt ástand, en þeir hafa staðið án hlutverks í áratugi. Tankarnir eru fyrir löngu orðnir staðartákn á Raufarhöfn. Og er þetta einstakt tækifæri til finna þeim nýtt hlutverk,“ segir Nanna og bætir við að ávinningur verkefnisins sé bæði samfélagslegur og menningarlegur.
Ímynd samfélagsins
„Tankarnir standa áfram sem hluti af ímynd samfélagsins og fá menningarlegan tilgang og hlutverk. Þetta er fyrsta skrefið. Í framtíðinni verður mögulega hægt að byggja á milli tankanna eða eitthvað slíkt,“ útskýrir Nanna.
Meðal verkþátta, segir Nanna að setja þurfi upp tvær hurðir, lagfæra þök, tengja rafmagn og setja upp lýsingu og leggja göngustíg að tönkunum.
Vilja fjölga tækifærum
„Strax og búið er að setja hurðir verður hægt að nýta tankana fyrir listasýningar, tónleika og fleira. Mikill velvilji er meðal íbúa fyrir verkefninu, ýmsar hugmyndir hafa komið fram í gengum árin um hvernig nýta megi tankana, og opnar þetta verkefni á að eitthvað af þeim hugmyndunum ná fram að ganga,“ segir Nanna enn fremur og bætir við að hverfisráð Raufarhafnar hafi talað fyrir því að tankarnir fái nýtt hlutverk.
„Verkefni sem þetta eikur fjölbreytni og eflir Raufarhöfn í víðum skilningi. Það er til mikils að vinna að fjölga tækifærum til menningar og atvinnu á jaðarsvæðum og lítum við svo á að þetta sé einn liður í því verkefni,“ segir Nanna að lokum.
Nýjast
-
Árangursrík sýning í Barcelona:
Sýningin tókst frábærlega. Það var stríður straumur gesta í básinn til okkar alla sýningardagana og mikill áhugi á okkar þjónustu og tæknilausnum," segir Hilmar Guðmundsson, sölu- og markaðsstjóri Slippsins Akureyri, um þátttöku fyrirtækisins í sjávarútvegssýningunni Seafood Expo Global í Barcelona á Spáni. Sýningin stóð í þrjá daga og lauk síðdegis í gær. -
Skemmdarverk unnin á rútum.
Hún var ekki skemmtileg aðkoma sem blasti við Jónasi Þór Karlssyni eigenda Sýsla Travel þegar hann kom, síðdegis í gær, til að líta til með bílakosti fyrirtækis hans sem staðsettar eru á nýju bílastæði við Laufásgötu 4 á Akureyri. Einhverjir lítt vandaðir höfðu farið um og brotið glugga í rútum Jónasar. Gluggar í svona bílum er sterkir svo nokkur fyrirhöfn hefur verið við að vinna þessi óskiljanlegu skemmdarverk. -
Ársfundur SSNE Skorar á stjórnvöld að tryggja nægt fé til löggæslu
„Lögreglan á Norðurlandi þarf að hafa þann styrk sem nauðsynlegur er ef upp koma alvarlegri mál í því skyni að geta sinnt hlutverki sínu og tryggt öryggi borgaranna,“ segir í ályktun sem samþykkt var á ársþingi SSNE sem haldið var í Þingeyjarsveit nýverið. Skorað var á stjórnvöld að tryggja nú þegar nauðsynleg fjárframlög til málaflokksins. -
Akureyri - Framkvæmdir við Torfunef
Framkvæmdir við stækkun Torfunefsbryggju ganga ágætlega um þessar mundir. Lóðir verða boðnar út á næstu vikum og gangi allt að óskum verður hafist handa við að reisa hús á svæðinu á næsta ári. -
Stöðugur straumur á bás Samherja og Ice Fresh Seafood í Barcelona - Aðsóknarmet slegið -
Alþjóðlegu sjávarútvegssýningunni Seafood Expo Global í Barcelona lauk í gær , fimmtudag. Samherji og Ice Fresh Seafood voru með veglegan bás á þessari stærstu sjávarútvegssýningu heims á sviði veiða, vinnslu og sölu sjávarafurða. 2.244 fyrirtæki taka þátt í sýningunni frá 87 þjóðlöndum. -
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund.
Athugasemdir