KA gerði jafntefli við Fjarðabyggð
KA menn voru nú rétt í þessu að gera jafntelfi 1-1 við Fjarðabyggð í 1.deild karla í knattspyrnu.
Leikur KA og Fjarðabyggðar var afar bragdaufur í fyrri hálfleik og nánast það eina tíðindaverða sem gerðist í leiknum var víti sem Jón Gunnar Eysteinsson skoraði úr á 4 mínútu fyrir Fjarðabyggð.
Síðari hálfleikur var hins vegar hin mesta skemmtun og voru það KA menn sem sáu að mestu um að veita hana. Fjarðabyggð byrjaði reyndar eilítið betur og Andri Valur Ívarsson klúðraði tveimur mjög góðum færum einn gegn markmanni á 55. mínútu. Í fyrra færinu var hann kominn einn í gegn en átti slakt skot. Seinna færið kom svo eftir fyrirgjöf en þá klikkaði móttaka Andra Vals þar sem hann stóð einn og óvaldaður á fjærstöng.
Eftir þetta tóku KA-menn hins vegar öll völd í leiknum og Fjarðabyggð fékk varla færi. Almarr Ormarrsson átti gott skot rétt yfir mark Fjarðabyggðar á 63. mínútu. Ibra Jagne átti gott skot á 68. mínútu sem var vel varið. En Alexander Linta skoraði jöfnunarmarkið með glæsilegu skoti úr teignum eftir þríhyrningsspil við Elmar Dan Sigþórsson.
Ekki löngu síðar átti Þorvaldur Makan svo gott skot naumlega framhjá úr mjög góðu færi rétt utan teigs.
KA-menn fengu svo víti þegar skammt var eftir af leiknum. Ibra Jagne var þá felldur innan teigs og vítið var réttilega dæmt. Alexander Linta lét hins vegar verja frá sér, en þess ber þó að geta að vítið var ekki illa tekið. Markvarslan var einfaldlega frábær.
Eftir vítið sóttu KA menn áfram án afláts og áttu nokkrar góðar tilraunir, sú hættulegasta kom þegar Ibra Jagne átti skalla rétt yfir markið á lokamínútunum.
Jafntefli var hins vegar niðurstaðan og mega Fjarðabyggðarmenn vera ánægðir með það.
Nýjast
-
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna. -
Málefni verksmiðju PCC á Bakka - Óskað eftir fundi í atvinnuveganefnd Alþingis
,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst." -
„Stóra markmiðið að auka fæðuöryggi“
-segir Haukur Marteinsson nautgripabóndi á Kvíabóli en þingeyskir bændur eru stórtækir í kornrækt -
Dreptu mig …. Þú ert svo leiðinlegur röflari
Listin að rýna til gagns Listin að rýna til gagns, eða gagnrýna með uppbyggilegum hætti er eitthvað sem við ættum að temja okkur og ekki forðast. Það má vissulega oft finna leiðir til að gera misgóða hluti enn betri, benda á það sem betur mætti fara. Koma með lausnir og hugmyndir um betri leiðir, það flokkast undir að vera lausnamiðaður og framsýnn. -
Lóðir við Hofsbót 1-3 boðnar út í þessum mánuði
Stefnt er að því að bjóða lóðir við Hofsbót 1 – 3 út á ný síðar í maí. Lóðirnar voru boðnar út í fyrravor. Engar umsóknir bárust um þær þá.