„Jákvætt skref til að tryggja matvælaöryggi“
Sigurgeir Hreinsson.
mth@vikubladid.is
„Ég er nokkuð ánægður með aðkomu ríkisins þó meira þurfi til,“ segir Sigurgeir Hreinsson framkvæmdastjóri Búnaðarsamband Eyjafjarðar um tillögur spretthóps sem matvælaráðherra skipaði og skilaði tillögum sínum í byrjun vikunnar. Spretthópurinn leggur til að ríkið komi til móts við þær verðhækkanir sem bændur standa frammi fyrir með tæplega 2,5 milljarða króna stuðningi á árinu 2022. Gert er ráð fyrir að greinin sjálf, afurðafyrirtæki, verslunin og neytendur eigi eftir að takast á við kostnaðarauka af svipaðri stærðargráðu.
„Það er ánægjulegt fyrir framleiðendur og neytendur að ríkið komi að stuðningi við matvælaframleiðslu á jafn viðsjárverðum tímum og nú eru,“ segir Sigurgeir og bætir við að komið sé til móts við um helming af þeirri hækkunarþörf sem til er komin í kjölfar stórfelldra kostnaðarhækkana. „Þetta er mjög jákvætt skref til að tryggja matvælaöryggi þjóðarinnar. Þó svo að afurðir hafi hækkað að einhverju marki á síðustu mánuðum og stuðningur ríkis sé umtalsverður er ljóst að enn er þörf á hækkunum til að afkoma framleiðenda sé viðunandi og bændur framleiði eins og nauðsyn er á.“
Veikja rekstargrundvöll og draga úr framleiðsluvilja
Gert er ráð fyrir að rekstrarkostnaður í landbúnaði hafi hækkað um tæpa 9 milljaðrar króna vegna hækkana á áburði, kjarnfóðri, olíu og rúlluplasti. Þessar verðhækkanir hafa veikt mjög rekstargrundvöll bænda og dregið úr framleiðsluvilja þeirra. Nefnir Sigurgeir að í fjöldatölum í skýrsluhaldi komi fram að nautum innan við 12 mánaða hafi fækkað mikið undanfarið. Miðað við meðal fjölda í maí á síðustu árum er fækkun um 7-800 gripi. Það eru í kjötþunga nálægt 190 tonnum, eða 7,5-8% af innlögðu kjöti af UN gripum. „Þessi tala er hækkandi í hverjum mánuði sem líður og forvitnilegt að sjá á næstu mánuðum hvort eitthvað breytist,“ segir hann.
Þá nefnir Sigurgeir að tillögur spretthóps virðist koma misjafnlega vel við búgreinar, þannig megi gera ráð fyrir að svínabændur séu ekki ánægðir. Í tillögum spretthópsins er auk greiðslu upp á tæplega 2,5 milljaðar króna samkvæmt öllum búvörusamningum gert ráð fyrir 450 milljónum sem ætlaðar eru til stuðnings svína-, alifugla- og eggjaframleiðslu þar sem ekki er um slíka samninga að ræða.
Afurðastöðvar fái tímabundna heimild til samstarfs
Jafnframt er lagt til að kjötafurðafyrirtækjum verði veitt tímabundin heimild til samstarfs með það að markmiði að hvetja til hagræðingar innan geirans. Heimildin yrði bundin ákveðnum skilyrðum sem lagt er til að verði unnin í samráði við Samkeppniseftirlitið. Þá er lagt til að komið verði á sérstökum vakthópi um fæðuöryggi.
Nýjast
-
Stöðug aukning í blóð- og krabbameinsmeðferðum hjá SAk
Krabbameinsfélag Akureyrar og nágrennis afhenti formlega á dögunum almennu göngudeildinni á SAk þrjá meðferðarstóla og þrjú hliðarborð. Mikil aukning hefur orðið í blóð- og krabbameinsmeðferðum undanfarin ár og stefnir í að svo verði áfram. -
Formannaskipti í Sjálfsbjörg, félagi fatlaðara á Akureyri og nágrenni
Formannaskipti urðu í Sjálfsbjörg, félagið fatlaðra á Akureyri og nágrenni á aðalfundi nýverið. Herdís Ingvadóttir lét af formennsku eftir 24 ár. Hún getur að sögn gengið stolt frá borði eftir farsæla setu í stól formanns. Hún hafði um 6 ára skeið þar á undan setið í stjórn félagsins eða í allt í þrjá áratugi. -
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á.
Athugasemdir