Heimsfaraldur tefur opnun Skógarbaða en þau verða opnuð á næstu vikum
“Bygging skógarbaðanna hefur gengið mjög vel en okkur tekst ekki að opna böðin á morgun, 11. febrúar 2022 eins og til stóð,” segir Eva Björk Halldórsdóttir hjá Skógarböðunum við Vaðlareit. Hún segir að heimsfaraldur hafi því miður haft sín áhrif á framvindu verkefnisins. “Kórónuveiran hefur orsakað skort á ýmsum aðföngum, haft áhrif á lengd framleiðslu- og flutningstíma og þar af leiðandi hefur aðfangatími flestra aðfanga lengst til mikilla muna.”
Sigríður María Hammer sem ásamt eiginmanni sínum Finni Aðalbjörnssyni standa að uppbyggingu Skógarbaðanna segir að böðin hafi tekið ákveðnum breytingum frá því sem upphaflega var lagt upp með. Það eigi ekki einungis við um byggingar og laugar, heldur hafa einnig verið gerðar aðrar breytingar sem voru til þess gerðar að fella byggingar betur inn í landslagið. Þá hafi verið gerðar breytingar til að hámarka útsýni yfir fjörðinn og Akureyri.
Stór áfangi þegar síðasta steypan var tekin í lok janúar
“Veðurfar hefur verið okkur nokkuð hliðholt, þó svo að einhverjir dagar hafi tafið lítillega, en stórum áfanga var náð í lok Janúar þegar síðasta steypan var tekin í laugunum. Hellulögn og frágangur á laugarsvæði og í kringum húsið hefur gengið vel miðað við árstíma. Nú er verið að einangra og ganga frá byggingunni að utan og glugga – og hurðaísetning er langt komin. Innandyra er einnig mikill gangur og með hverri vikunni sem líður er hægt að sjá betur og betur að opnun nálgast óðfluga,” segir Sigríður María.
Búið er að tengja vatnslögnina og verður prufukeyrsla gerð á vatninu í næstu viku. Það mun taka um viku að opna alveg fyrir rennslið þar sem mikill þrýstingur er á lögninni og nauðsynlegt að það sé gert í nokkrum skrefum.
Spenna fyrir nýjum áfangastað
Eva Björk segir að framkvæmdin hafi hlotið mjög góðar viðtökur í samfélaginu og fyrir það séu þeir sem að standa þakklátir. “Við fórum af stað með sölu gjafabréfa fyrir jólin sem var tekið gríðarlega vel og margir sem skelltu þeim í jólapakkann í ár,” segir hún.
Þá segir hún fyrirspurnir frá innlendum sem erlendum fjölmiðlum og ferðaskrifstofum, sem bíða spennt eftir nýjum áfangastað, hafa verið talsvert margar undanfarið en einnig frá gestum sem hlakka mikið til að koma í heimsókn á ferðalagi sínu um landið.
“Þess má geta að við höfum nú þegar tekið við fjölda starfsumsókna og er virkilega gaman að sjá áhuga fólks á því að ganga til liðs við okkur með þetta nýja og spennandi verkefni,” segja þær Eva Björk og Sigríður María en á allra næstu vikum verður farið í að ráða starfsfólk að Skógarböðunum.
“Erfitt er að segja nákvæmlega til um það hvenær verður unnt að opna Skógarböðin og teljum við skynsamlegast að sú dagsetning verði gefin út þegar aðeins nær dregur. Við erum þó sannfærð um að við opnun Skógarbaðanna munu gestir okkar njóta þeirra einstöku upplifunar sem þar býðst, meðal annars út frá stórbrotnu útsýni úr blöðunum, kyrrðinni og orku skógarins sem umlykur böðin. Við erum vongóð um að opnun Skógarbaðanna verði von bráðar og hlökkum mikið til að geta tekið á móti og boðið gesti okkar velkomna,” segja þær.
Nýjast
-
Mörg þúsund manns árlega á faraldsfæti suður til lækninga
Þjónusta Sjúkrahússins á Akureyri hefur dregist saman undanfarin misseri. Því fer fjarri að SAK nái að uppfylla það hlutverk sem skilgreint er í lögum um heilbrigðisþjónustu, þar sem m.a. segir að sjúkrahúsið eigi að veita þjónustu í nær öllum sérgreinum lækninga og vera varasjúkrahús Landspítala -
Lögreglan á Norðurlandi eystra rannsakar andlát
Eftirfarandi tilkynningu sendi lögreglan á Norðurlandi eysta frá sér nú rétt í þessu. Klukkan 04:30 aðfaranótt mánudags var lögreglan á Norðurlandi eystra kölluð að fjölbýlishúsi á Akureyri. Fyrstu lögreglumönnum sem komu á vettvang var vísað á meðvitundarlausa konu í íbúðinni og hófust endurlífgunartilraunir þegar í stað. Læknir og sjúkraflutningamenn komu einnig á vettvang en tilraunir til endurlífgunar báru ekki árangur og var konan úrskurðuð látin á vettvangi. -
Svona er síminn hannaður til að stela athygli okkar
Af hverju er svona erfitt að leggja frá sér símann? Er efnið sem þar er að finna alltaf svo mikilvægt og áríðandi að það gengur fyrir þau samskipti sem við erum að eiga við fólkið í kringum okkur? Förum við í símann þegar að við erum undir stýri? (Já það telst líka með að gera það á rauðu ljósi). Lengjum við klósettferðirnar okkar til að vera lengur í símanum? Leggjum við símann alltaf á borðið á fundum, í kaffitímanum eða við matarboðið og leyfum þannig tilkynningunum á skjánum að stela athygli okkar? Setjum við börnin okkar fyrir framan skjá til þess að kaupa okkur sjálfum skjátíma? Leitum við í símann alltaf þegar að okkur leiðist? Erum við hrædd við að vera vandræðaleg á almannafæri og förum í símann til að þykjast vera að sinna einhverju mikilvægu frekar en að líta upp og leyfa huganum að reika? Dettum við út í samtölum við annað fólk því við ætluðum að fletta einhverju eldsnöggt upp en rákumst svo á eitthvað annað sem greip athygli okkar? Getum við átt gæðastundir með fjölskyldunni án þess að láta símann trufla okkur? -
Lokaorðið - Forgangslistinn
Eftir því sem ég eldist verð ég sífellt þakklátari fyrir að fá að ganga lífsins veg með fólkinu mínu. Við erum fámenn þjóð og höfum í gegnum tíðina staðið þétt saman. Við höfum lyft grettistaki í forvörnum vegna slysa á sjó og landi. -
Hörður Óskarsson styrkir Krabbameinsfélagið
Hörður Óskarsson færði Krabbameinsfélagi Akureyrar og nágrennis ríflega hálfa milljón króna sem er andvirði af sölu á skarti úr gamalli mynt sem hann selur undir nafninu Mynthringir og alls konar. -
Háskólinn á Akureyri Endurskoðun jafnréttisáætlunar í fullum gangi
Um þessar mundir stendur yfir endurskoðun á áætlun háskólans um jafna stöðu kynjanna sem gildir frá 2021 til 2024 og jafnréttisráð Háskólans á Akureyri stendur að þeirri vinnu. Jafnréttisráð HA er öflugt og virkt ráð sem heldur reglulega fundi og tekur fyrir og fylgir eftir erindum starfsfólks og stúdenta. Þá er boðið upp á fræðslu innan skólans ásamt þátttöku í skipulagi Jafnréttisdaga sem haldnir eru árlega. Ráðið hefur starfskraft á sínum snærum, Sæunni Gísladóttur, sérfræðing hjá Rannsóknamiðstöð Háskóla Akureyrar. -
Andrésar andarleikarnir haldnir í 48 sinn
Andrésar andarleikarnir í skíðaíþróttum verða haldnir í Hlíðarfjalli í næstu viku, dagana 24.-27. apríl. Skíðafélag Akureyrar heldur leikana og er þetta í 48. sinn sem efnt er til þeirra. -
Stöðug aukning í blóð- og krabbameinsmeðferðum hjá SAk
Krabbameinsfélag Akureyrar og nágrennis afhenti formlega á dögunum almennu göngudeildinni á SAk þrjá meðferðarstóla og þrjú hliðarborð. Mikil aukning hefur orðið í blóð- og krabbameinsmeðferðum undanfarin ár og stefnir í að svo verði áfram. -
Formannaskipti í Sjálfsbjörg, félagi fatlaðara á Akureyri og nágrenni
Formannaskipti urðu í Sjálfsbjörg, félagið fatlaðra á Akureyri og nágrenni á aðalfundi nýverið. Herdís Ingvadóttir lét af formennsku eftir 24 ár. Hún getur að sögn gengið stolt frá borði eftir farsæla setu í stól formanns. Hún hafði um 6 ára skeið þar á undan setið í stjórn félagsins eða í allt í þrjá áratugi.
Athugasemdir