Guðlaugur Arason sýnir Álfabækurnar á Húsavík
Í síðustu viku opnaði Guðlaugur Arason, rithöfundur og myndlistarmaður, sýningu í kjallara Safnahússins á Húsavík. Þessi sýning er um margt ólík öllum öðrum sýningum í þessu húsi fyrr og síðar, því hér er verið að sýna Álfabækur.
Álfabækur Gulla Ara hafa vakið verulega athygli víða og ekki bara hérlendis. Það eru ekki margir íslenskir listamen sem fást við svokallaða miniature listsköpun, þar sem hið örsmáa er í öndvegi. Álfabækurnar eru nákvæm eftirlíking af allra handa íslenskum og erlendum bókum, blöðum, tímaritum, bæklingum sem raðað er í litlar bókhillur.
Gulli Ara er ekki alveg ókunnugur á Húsavík, bjó hér um skeið fyrir langa löngu og réri á trillu. Hann sló gegn sem rithöfundur með bókum á borð við Eldhúsmellur, Víkursamfélagið og Pelastikk. Hann hefur búið erlendis um árabil og stundað myndlist og sitthvað fleira en er enn að fást við skriftir. Og Gulli er sem sé fluttur heim á klakann á ný eftir langa útlegð.
En nefnir þetta Álfabækur af því að þær eru svona örsmáar? „Nei, í sjálfu sér ekki. Ég var að skrifa frásögn um álfa þegar ég fékk þessa hugmynd og það kveikti nafnið hjá mér og sama dag fékk ég bréf frá aldraðri vinkonu minni í Danmörku sem stakk upp á þessu sama nafni, þannig að þetta steinlá bara, sem sé Álfabækur.“
Sýning Gulla Ara, sem notar listamannsnafnið Garason þegar hann sýnir Álfabækurnar, (auðvelt að muna og bera fram í flestum löndum, segir hann) mun standa út júní. JS
Nýjast
-
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar. -
Heitaloftsþurrkun fiskafurða á Laugum Starfsleyfi framlengt til 15. nóvember
Starfsleyfi Samherja fyrir heitaloftsþurrkun fiskafurða á Laugum í Reykjadal verður framlengt um 6 mánuði og gildir til 15. nóvember næstkomandi. Heilbrigðisnefnd Norðurlands hefur samþykkt framlengt starfsleyfi. -
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur. -
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi.
