Gamla fréttin: Ríkisþensluna út á land
Gamla fréttin er úr Þjóðviljanum að þessu sinni og birtist 10. október 1990. Fréttin fjallar um ójafnvægi í byggðamálum og tillögur um að ný störf á vegum hins opinbera verði utan höfuðborgarsvæðisins. Það væri líklega hægt að skrifa svipaða frétt í dag:
Rúmlega 18 þúsund ný störf urðu til á árunum 1981- 1988, en þar af varð aðeins eitt af hverjum sex til utan höfuðborgarsvæðisins. Þessi störf eru nánast öll í opinberri starfsemi og þjónustu og mörg eru til komin vegna beinna ákvarðana stjórnvalda. Byggðastofnun hefur bent á það sem leið til jafnvægis í byggðamálum að ríkið stöðvi þenslu sína á höfuðborgarsvæðinu, en hleypi henni þess í stað út á landsbyggðina á næstu árum.
Fulltrúar Háskólans á Akureyri vöktu athygli á þessu á ráðstefnu byggðanefndar forsætisráðherra um mótun byggðastefnu, sem haldin var í Borgarnesi á mánudaginn.
„Ef það á að vera pólitískt markmið byggðastefnu að snúa við þeirri þróun sem nú er í gangi verður að gera það með því að segja: Næstu 10 þúsund störf í opinberri starfsemi og þjónustu eiga að vera utan höfuðborgarsvæðisins. Þjónustustigið á landsbyggðinni verður að vera það sama og á höfuðborgarsvæðinu ef stöðva á búseturöskunina," sagði Jón Þórðarson, forstöðumaður sjávarútvegsdeildar Háskólans á Akureyri.
Gert er ráð fyrir því að ný störf á íslandi í framtíðinni haldi áfram að verða til í opinberri starfsemi og þjónustu, enda er það í samræmi við þróunina á Norðurlöndunum. Hins vegar mun störfum i landbúnaði og sjávarútvegi halda áfram að fækka. Á árunum 1981-1988 fækkaði störfum i landbúnaði um 1147 og um 1291 í fiskvinnslu, samkvæmt tölum frá Byggðastofnun.
Margrét Tómasdóttir, forstöðumaður hjúkrunarsviðs Háskólans, sagði á ráðstefnu byggðanefndar í Borgamesi að ef fjöldi lækna og hjúkrunarfræðinga á Akureyri, Húsavík og á Sauðárkróki væri hlutfallslega sambærilegur við það sem er í Reykjavík, gætu orðið til hundruð nýrra starfa nyrðra. Margrét segir hundruð ef ekki þúsund ársverka í heilbrigðisþjónustu á höfuðborgarsvæðinu byggja á þjónustu við íbúa landsbyggðarinnar og spyr: Er þetta byggðastefna?
Nýjast
-
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar. -
Heitaloftsþurrkun fiskafurða á Laugum Starfsleyfi framlengt til 15. nóvember
Starfsleyfi Samherja fyrir heitaloftsþurrkun fiskafurða á Laugum í Reykjadal verður framlengt um 6 mánuði og gildir til 15. nóvember næstkomandi. Heilbrigðisnefnd Norðurlands hefur samþykkt framlengt starfsleyfi. -
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur. -
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi.
