Frítökuréttur, hvað er það?
Þegar rætt er við ungt fólk um kjarasamningsbundin réttindi stendur það oft á gati. Frítökuréttur er eitt af því sem mörg ungmenni verða af og alltof fá vita um eða þekkja. Vinnuveitendur hagnast á því, enginn annar. Frítökurétt öðlast þeir sem fá ekki tilskilda hvíld milli vakta eins og kjarasamningur kveður á um. Eitthvað sem bæði launþegi og vinnuveitandi á að passa upp á.
Á þeim stöðum þar sem unnið er á vöktum ber skipuleggjanda að passa upp á hvíldartímann. Ef hann gerir það ekki á starfsmaður rétt á frítökurétti og tímarnir safnast upp þar til hálfur eða heill vinnudagur næst í frítöku. Hvíldartíminn er til að tryggja starfsmanni nægilega hvíld á milli vakta. Fyrir hverja klukkustund sem vantar upp á lögboðna hvíld ber vinnuveitanda að greiða eina og hálfa klst. í frítökurétt. Starfsmaður tekur þennan tíma út í fríi. Uppsafnaðan frítökurétt á að skrá á launaseðil viðkomandi.
Í veitinga- og ferðaþjónustugeiranum er víða pottur brotinn þegar kemur að þessum þætti kjarasamnings eins og mörgu öðru. Vaktir fólks eru skipulagðar þannig að upphafstími er gefinn en X stendur í stað vaktloka. Hvað þýðir X-ið. Jú vaktinni lýkur þegar vinnuveitandi segir launþeganum að fara heim. Þetta er kolólöglegt! Starfsmaður á að vita upphafstíma og vinnulok þegar hann mætir til vinnu og reyndar 4 vikum áður. Undantekning eru hlutastörf við sérstakar aðstæður þó aldrei með skemri fyrirvara en 2 vikur. Misbrestur er á að vaktaskýrsla liggi fyrir með lögbundnum fyrirvara og er það með öllu ólíðandi.
Ég kalla foreldra til samræðu við börn sín um kjarasamninga. Verið með börnum ykkar þegar þau ráða sig til starfa, látið þau ekki skrifa undir einhverja bölvaða vitleysu þannig að verkalýðsfélagið geti ekki gengið í málið. Upplýsingar eru á vefsíðum félaganna og því hæg heimatök að kynna sér málið. Látið vinnuveitendur ekki hafa réttindi og laun af börnum ykkar.
Helga Dögg Sverrisdóttir
Nýjast
-
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar. -
Heitaloftsþurrkun fiskafurða á Laugum Starfsleyfi framlengt til 15. nóvember
Starfsleyfi Samherja fyrir heitaloftsþurrkun fiskafurða á Laugum í Reykjadal verður framlengt um 6 mánuði og gildir til 15. nóvember næstkomandi. Heilbrigðisnefnd Norðurlands hefur samþykkt framlengt starfsleyfi. -
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur. -
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing.
