Foreldrar, sýnum ábyrgð og hugum að börnum okkar
Við viljum minna foreldra á þeirra ábyrgð því borið hefur á hópamyndun og unglingadrykkju helgina eftir að samræmdu prófunum lýkur og er drykkjuumræðan í félagsmiðstöðvunum mun meira áberandi núna en í fyrra. Fyrir tveim árum söfnuðust margir unglingar saman í Kjarnaskógi, allt niður í 13 ára. Við slíkar aðstæður eru alltaf auknar líkur á því að einhverjir standist ekki hópþrýsting og hefji sína fyrstu áfengisneyslu. Enn fremur er það þekkt að unglingar undir áhrifum áfengis eru líklegri til að prófa önnur sterkari efni eins og hass, amfetamín og e-töflur. Með samstilltu átaki foreldra getum við komið í veg fyrir að slík hópamyndun endurtaki sig. Þá þurfa foreldrar að standa saman um að setja börnum sínum mörk, leyfa alls ekki eftirlitslaus partý í heimahúsum, skilja þau ekki eftir eftirlitslaus á stöðum eins og Kjarnaskógi og alls ekki kaupa áfengi fyrir þau. Þar með stöndum við vörð um hag unglinganna. Við þurfum að koma þeim skilaboðum áleiðis til þeirra að þau séu okkur mikilvæg og því skipti það okkur foreldrana miklu máli að vita hvar þau eru og hvað þau eru að gera. Næsta helgi er Hvítasunnuhelgin og því tilvalið að gera eitthvað skemmtilegt með allri fjölskyldunni.
Sameiginlegt foreldrarölt allra grunnskóla á Akureyri hefur verið skipulagt undanfarin ár, föstudaginn eftir samræmdu prófin. Á síðasta ári tókst vel til með röltið, fjöldi foreldra mætti og börn á grunnskólaaldri lítt sýnileg. Þannig viljum við að verði áfram. Sýnum ábyrgð, verðum virk og stöndum vörð um hagsmuni barna okkar."
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.