Ferðakynning Ferðafélags Akureyrar á fimmtudag
FFA býður upp á góða landkynningu og skemmtilegan félagsskap. Ferðir félagsins eru fjölbreyttar, svo sem jeppaferðir, lengri og styttri gönguferðir, sjóferðir, fjölskylduferðir, skemmtiferðir og náttúruskoðunarferðir. Auk þess býður félagið upp á mjög spennandi 7 daga sumarleyfisferð um Óðáðahraun með fullu fæði, trúss og gistingu i skálum félagsins á svæðinu. Í febrúar nk. ætla ferðafélagsmenn að standa fyrir fjórum skíðaferðum á mismunandi staði: Glerárdalur-Súlumýrar, Hrafnagil-Súlumýrar, Þorraferð í Botna þar sem gist verður eina nótt og að lokum verður Hrossadalur genginn suðureftir og yfir Þórisstaðaskarð að Veigastöðum. Síðan heldur þetta áfram með 4 - 7 ferðir mánaðarlega út starfsárið. Fyrsta ferð verður 2. febrúar og sú síðasta 22. september. Allir geta fundið ferð við sitt hæfi. Félagið á og rekur sjö skála í óbyggðum á Norðurlandi og eru tjaldstæði við þrjá þeirra. Í skálum félagsins er gott að gista en vinsamlega hafið samband við skrifstofu FFA til að bóka gistingu, einkum yfir hásumarið. Nánari upplýsingar um skálana er að finna á heimasíðu félagsins. FFA hefur gefið út göngukort af Glerárdal, Öskjuvegi um Ódáðahraun og nýtt kort af Vaðlaheiði. Kortin fást á skrifstofu félagsins að Strandgötu 23, Akureyri sem er opin í júní, júlí og ágúst kl. 16.00-19.00 alla virka daga. Á öðrum árstímum er skrifstofan opin kl. 17.30-19.00 á föstudögum þegar ferðir eru á dagskrá um komandi helgi. Hægt er að ná sambandi við stjórn félagsins í netfangi: ffa@ffa.is
Allir eru velkomnir í ferðir félagsins, hvort sem þeir eru félagar eða ekki, en félagsmenn fá afslátt af fargjöldum og af gistigjaldi í skálum allra félagsdeilda FÍ. Þessara réttinda nýtur fjölskyldan öll þótt aðeins einn sé skráður félagi. Útilíf, fjallaferðir, náttúrufegurð, frábær félagsskapur, það er okkar mál, segir í fréttatilkynningu félagsins.
Nýjast
-
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna. -
Málefni verksmiðju PCC á Bakka - Óskað eftir fundi í atvinnuveganefnd Alþingis
,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst." -
„Stóra markmiðið að auka fæðuöryggi“
-segir Haukur Marteinsson nautgripabóndi á Kvíabóli en þingeyskir bændur eru stórtækir í kornrækt -
Dreptu mig …. Þú ert svo leiðinlegur röflari
Listin að rýna til gagns Listin að rýna til gagns, eða gagnrýna með uppbyggilegum hætti er eitthvað sem við ættum að temja okkur og ekki forðast. Það má vissulega oft finna leiðir til að gera misgóða hluti enn betri, benda á það sem betur mætti fara. Koma með lausnir og hugmyndir um betri leiðir, það flokkast undir að vera lausnamiðaður og framsýnn. -
Lóðir við Hofsbót 1-3 boðnar út í þessum mánuði
Stefnt er að því að bjóða lóðir við Hofsbót 1 – 3 út á ný síðar í maí. Lóðirnar voru boðnar út í fyrravor. Engar umsóknir bárust um þær þá.