Evrópskir kvikmyndadagar á Akureyri
Evrópskir kvikmyndadagar hefjast í Borgarbíói á Akureyri föstudaginn 7. desember og standa fram til þriðjudagsins 11. desember. Sýndar verða fimm kvikmyndir, ein á hverjum degi kl. 18:00 og er aðgangur ókeypis. Kvikmyndadagarnir eru sjálfstætt framhald REFF -Evrópsku kvikmyndahátíðarinnar í Reykjavík sem er nýlokið.
Það er KvikYndi, kvikmyndaklúbbur Akureyrar, sem stendur fyrir Evrópsku kvikmyndadögunum í samstarfi við Bíó Paradís, Evrópustofu, Borgarbíó og sendinefnd ESB á Íslandi. Um er að ræða úrval vinsælustu myndanna sem sýndar voru á REFF. Myndirnar eru allar nýjar, frá árunum 2011 og 2012, og veita innsýn í það besta sem boðið hefur verið upp á í evrópskum bíóum síðustu misserin en evrópskir kvikmyndagerðamenn eru jafnan taldir fremstir meðal jafningja þegar kemur að frábærum og áhugaverðum kvikmyndum.
Opnunarmynd kvikmyndadaganna á Akureyri er The Deep Blue Sea og verður hún sýnd kl. 18 föstudaginn 7. desember. Myndin er bresk, eftir leikstjórann Terence Davies og hefur hlotið frábærar viðtökur gagnrýnenda, meðal annars verið tilnefnd sem besta myndin á San Sebastián International Film Festival og London Film Festival.
Dagskrá evrópskra kvikmyndadaga:
7. des. kl. 18 The Deep Blue Sea/ Hafið djúpa bláa (Bretland)
8. des. kl. 18 Les seigneurs/Gaurarnir (Frakkland)
9. des. kl. 18 Cesare deve morire/Sesar verður að deyja (Ítalía)
10. des. kl. 18 Une vie meilleure/Betra líf (Frakkland)
11. des. kl. 18 - Lenfant den haut/Barn að ofan (Frakkland)
Athugið að allar sýningar hefjast kl. 18 og frítt er inn á allar myndir í boði Evrópustofu.
Nánari upplýsingar um myndirnar, dagskrána og stiklur úr myndunum má sjá á vef kvikmyndaklúbbsins, www.kvikyndi.is
Nýjast
-
Litaboltavöllur á tjaldsvæðinu
Skipulagsráð Akureyrar hefur tekið jákvætt í erindi frá Skúla Lórenz Tryggvasyni sem óskaði eftir svæði til að setja upp litaboltavöll (e. paintball). -
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl.
