Engin laun-bara inneign
Dóttir vinkonu minnar sótti um vinnu á veitingastað á Akureyri. Hún var ekki ein um það þannig að vinnuveitendur gripu á það ráð að láta umsækjendur vinna prufuvaktir. Ekkert óeðlilegt við það. Hún var ekki ráðin en önnur fékk vinnuna, eins og gengur og gerist. Útborgunardagur rann upp en engin komu launin.
Þegar stelpan hafði sambandi við veitingahúsið var henni sagt að launin væru 13.000 króna inneign á staðinn. Haldið var fram að þannig hafi verið samið. Stelpan kannaðist ekki við það og móðirin hafði samband við forsvarsmenn veitingahússins. Sú sem varð fyrir svörum staðhæfði það hins vegar. Stelpan sem er rúmlega 17 ára situr uppi með vinnulaun sem hún mundi ekki eftir að hafa samið um og í reynd kærir sig ekki um. Mér er spurn, hvert renna launatengdu gjöldin í svona samningi? Hver eru raunveruleg launaútgjöld staðarins með slíkum gjörningi? Hvert fara skattagreiðslur?
Hér er um ólöglegt athæfi að ræða. Skrifa þarf undir slíkt samkomulag af báðum aðilum. Það er með öllu ólíðandi að atvinnurekendur geti einhliða ákveðið hvort inneign sé greidd sem laun eður ei.
Enn og aftur hvet ég foreldra til að vera á varðbergi gagnvart duttlungum atvinnurekenda. Ekki er ýkja langt síðan að mikil umræða fór fram um jafnaðarkaup og í reynd má hún ekki sofna. Um hátíðina ber að greiða aukaálag vinni fólk á svokölluðum rauðum dögum og því ættu allir að hafa skoðað launaseðilinn vel í janúar. Ef í ljós hefur komið að ekki sé greitt eftir kjarasamningi á hiklaust að leita til verkalýðsfélaganna. Hér getur verið um að ræða þó nokkra upphæð sem launþegi missir. Látum ekki bjóða okkur né börnum okkar hvað sem er!
Helga Dögg Sverrisdóttir.
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
