Dekurdagar framundan
Dekurdagar verða haldnir á Akureyri dagana 8.–11. október Mynd Pedromyndir
Dekurdagar verða haldnir á Akureyri dagana 8.–11. október nk. eða frá fimmtudegi til sunnudags.
Viðburðurinn er kjörið tækifæri fyrir fyrirtæki til að kynna vörur og fjölbreytta þjónustu á Norðurlandi. Kvöldopnun verður á Glerártorgi á fimmtudeginum og í miðbænum á föstudeginum. Á báðum stöðum verður bleik dekurstemming, kynningar, tilboð og uppákomur, sem gera bleikan október að einstakri og eftirminnilegri upplifun.
Fyrirtækin skrái sig
Fram kemur í tilkynningu frá Dekurdögum að í stað þess að senda út kröfur fyrir þátttökugjaldi, sem nemur 10 þúsund krónur verður nú óskað eftir skráningu fyrirtækja og að um leið verði greint frá hversu margar slaufur fyrirtækið vilji.
Hægt er að nálgast slaufur hjá Vilborgu í Centro og á skrifstofu krabbameinsfélagsins að Glerárgötu 24, 3. hæð. Hver slaufa kostar 5.000 kr. Ef mögulegt er væri vel þegið að fyrirtæki myndu skrá sig fyrir 1. Október segir í tilkynningu.
Einn stærsti styrktaraðili KAON
Dekurdagar er einn stærsti styrktaraðili Krabbameinsfélags Akureyrar og nágrennis hvert ár og í fyrra var safnað 7.7 milljónum króna fyrir félagið. Þessi upphæð safnaðist með þátttökugjöldum, slaufum á staura og einstökum framlögum frá fyrirtækjum og einstaklingum á svæðinu. Allt fé sem kemur inn fer beint til Krabbameinsfélags Akureyrar og nágrennis fyrir utan um 100 þúsund krónur sem fara í sameiginlegar auglýsingar og annan kostnað.
Fyrirtækið eru hvött til að taka þátt og gera Dekurdagana eftirminnilega fyrir þá sem koma til að njóta. Dagskrá Dekurdaga verður birt á www.visitakureyri.is og á Facebook-síðu Dekurdaga.
Nýjast
-
Umfangsmiklar endurbætur á Lögmannshlíðarkirkju
Lögmannshlíðarkirkja hefur verið tekin í notkun á ný eftir tveggja ára lokun vegna umfangsmikilla viðhalds- og endurbóta. -
Dekurdagar framundan
Dekurdagar verða haldnir á Akureyri dagana 8.–11. október nk. eða frá fimmtudegi til sunnudags. -
Fjölgun íslenskra gesta og góðar viðtökur við Grösum
Sumarið kom ágætlega út í gistingu hjá Hótel Skúlagarði í Kelduhverfi, sem hjónin Egill Bjarnason og Sigrún Björg Aðalgeirsdóttir eiga og reka. -
Gott sumar en breytt mynstur í ferðaþjónustunni
Ferðaþjónustusumarið í Þingeyjarsýslum kom að ýmsu leyti vel út, þótt þróunin hafi ekki verið einsleit. -
Málþing um einhverfu fullorðinna - hvað þarf að breytast?
Á málþinginu verður fjallað um stöðu fullorðins einhverfs fólks, geðheilbrigðisþjónustu og stuðningsúrræði. Sjónum verður beint að faglegri þekkingu, opinberum úttektum og tillögum til úrbóta, auk reynslu einhverfs fólks og aðstandenda. -
Næstu skref tekin í stækkun verknámshúss VMA
Inga Sæland, mennta- og barnamálaráðherra, og Berglind Ósk Guðmundsdóttir, bæjarstjóri Akureyrarbæjar, undirrituðu í dag viljayfirlýsingu um stækkun verknámshúss Verkmenntaskólans á Akureyri (VMA). Með yfirlýsingunni tekur Akureyrarbær að sér umsjón með undirbúningi og framkvæmd verkefnisins. -
Fá 12 mánaða viðbótarfest til að hefja framkvæmdir við Naustagötu
Meirihluti skipulagsráðs Akureyrarbæjar hefur samþykkt að framlengja frest N13 fasteignaþróun ehf til framkvæmda við lóð númer 13 við Naustagötu. Um er að ræða lóð fyrir verslun- og þjónustu sem fyrst var auglýst árið 2017 en ekki hefur enn tekist að laða að starfsemi í væntanlegt hús. Að mati skipulagsráðs er mikilvægt að á lóðinni byggist upp starfsemi sem nýtist hverfinu en undirbúningur þarfnist tímafreks undirbúnings. -
Hvers konar Ísland viljum við byggja?
Dómsmálaráðherra hefur nú sett breytingar á kosningakerfinu á dagskrá. Tillögur starfshóps ráðherra, sem birtar voru í gær, miða að því að hvert atkvæði vegi sem jafnast, óháð búsetu. Það er mikilvægt lýðræðislegt markmið og ég ber virðingu fyrir því fræðafólki sem sat í starfshópnum. En þegar við breytum kosningakerfinu erum við ekki aðeins að ákveða hvernig atkvæði eru talin. Við erum líka að móta hvernig ólíkir landshlutar tengjast löggjafarvaldinu og hvernig pólitískt vald dreifist um landið og um leið þá hvernig ólíkir landshlutar upplifa inn hlut í stjórnarháttum og stjórnsýslu. -
Samningur milli Reita og FSRE um hjúkrunarheimili á Akureyri
Framkvæmdasýslan – Ríkiseignir (FSRE) hefur samþykkt tilboð Reita í uppbyggingu hjúkrunarheimilis á Akureyri og aðilarnir gert með sér samning um verkefnið. Tilkynnt var í júní fyrr á þessu ári að FSRE hefði metið tilboð Reita hagstæðast með tilliti til verðs og afhendingartíma. Hjúkrunarheimilið verður byggt upp við Þursaholt 6, verður um 9.100 fermetrar að stærð og mun rúma 140 íbúa.
