Bestu kveðjur
Ingibjörg Isaksen skrifar
Á laugardag göngum við til sveitarstjórnarkosninga. Það er í senn ánægjulegt og þakkarvert að sjá hve margir eru reiðubúnir til að bjóða sig fram til starfa fyrir sitt nærsamfélag. Allir eiga það sameiginlegt að vilja gera sitt samfélagið enn betra.
Frambjóðendur Framsóknar hafa undanfarna daga og vikur farið um bæinn og kynnast íbúum, fyrirtækjum og þeirri þjónustu sem í boði er í bænum betur. Slíkt samtal og reynsla er ómetanleg fyrir einstaklinga sem ætla að starfa fyrir bæjarbúa næstu fjögur árin.
Vel hefur verið tekið á móti þeim og er gott að finna meðbyrinn sem frambjóðendur fá sem leggja nú allt sitt í að tryggja sem bestan árangur nk. laugardag. Til að Framsókn geti komið sínum áherslum á framfæri og í framkvæmd þurfum við þinn stuðning, kæri íbúi.
Af hverju á að kjósa Framsókn?
Þegar öllu er á botninn hvolft á skiptir samvinna höfuðmáli, og það á sérstaklega vel við á sveitarstjórnarstiginu. Framsókn leggur áherslu á samvinnu innan bæjarstjórna, nefnda og ráða sem og samvinnu við íbúa. Það eru vissulega þeir sem þiggja þjónustuna og það er hlutverk bæjarfulltrúa að hlusta og mæta þeim sjónarmiðum því jú, þeir eru í vinnu fyrir bæjarbúa. Við í Framsókn höfum lagt ríka áherslu á samvinnu og mikilvægi þess að mæta sjónarmiðum.
Framsókn vill fjárfesta í fólki þar sem manngildi er ofar auðgildi. Þetta gerum við með því að hlúa að einstaklingnum og veita honum þá bestu þjónustu sem völ er á.
Síðast en ekki síst, þá býr Framsókn yfir frábærum mannauði. Hér á Akureyri er það engin undantekning. Almennt er það þannig á sveitarstjórnarstiginu að fólk veit hver verkefnin fram undan eru. Áherslur milli flokka eru oftar en ekki sambærilegar. Þá skiptir öllu máli að hafa kröftugt fólk í framboði sem hefur vilja og getu til að leysa hnúta, vinna saman og ganga í framkvæmdir. Á lista Framsóknar á Akureyri situr traust fólk í hverju sæti sem státar af mikilli og breiðri reynslu. Það er hér til að gera gott samfélag enn betra og laga það sem laga þarf.
Það skiptir öllu máli að hafa fólk með reynslu og traust. Fólk sem vinnur af samviskusemi, samheldni og með samvinnu að leiðarljósi.
Nýtum kosningaréttinn
Að lokum vil ég hvetja alla til að mæta á kjörstað og nýta kosningarétt sinn. Með því höfum við áhrif á okkar nærsamfélag. Einnig viljum við í Framsókn á Akureyri biðla til þín, kjósandi góður, að veita Framsókn traust til starfa fyrir þig og setja X við B á kjördag.
Undirrituð er fyrsti þingmaður Norðausturkjördæmis
Nýjast
-
Svona er síminn hannaður til að stela athygli okkar
Af hverju er svona erfitt að leggja frá sér símann? Er efnið sem þar er að finna alltaf svo mikilvægt og áríðandi að það gengur fyrir þau samskipti sem við erum að eiga við fólkið í kringum okkur? Förum við í símann þegar að við erum undir stýri? (Já það telst líka með að gera það á rauðu ljósi). Lengjum við klósettferðirnar okkar til að vera lengur í símanum? Leggjum við símann alltaf á borðið á fundum, í kaffitímanum eða við matarboðið og leyfum þannig tilkynningunum á skjánum að stela athygli okkar? Setjum við börnin okkar fyrir framan skjá til þess að kaupa okkur sjálfum skjátíma? Leitum við í símann alltaf þegar að okkur leiðist? Erum við hrædd við að vera vandræðaleg á almannafæri og förum í símann til að þykjast vera að sinna einhverju mikilvægu frekar en að líta upp og leyfa huganum að reika? Dettum við út í samtölum við annað fólk því við ætluðum að fletta einhverju eldsnöggt upp en rákumst svo á eitthvað annað sem greip athygli okkar? Getum við átt gæðastundir með fjölskyldunni án þess að láta símann trufla okkur? -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Nýr Kjalvegur – Hraðbraut í gegnum hálendið
Á Alþingi liggur nú fyrir þingsályktunartillaga um endurnýjun vegar yfir Kjöl með einkaframkvæmd en nokkrum sinnum hefur verið reynt að mæla fyrir málinu í gegnum tíðina án árangurs. -
1500 FRÆ
Meðmæli eru frækorn. Við erum að sá og fjárfesta til framtíðar. Við munum enn fremur uppskera eins og við sáum. Ef við sáum þeirri hegðun að frambjóðendur verði að vera þekkt andlit, með reynslu úr pólitík eða opinberri þjónustu – þá uppskerum við eftir því. Umsóknarkröfum ætti þá að breyta til samræmis hið snarasta sem og heiti starfsins. Embætti fyrir útvalda. Embætti fyrir fræga. Embætti fyrir völd og pólitík. -
Í ljósi fréttar um vorboðann ljúfa
Vefnum barst tölvupóstur með myndum og texta frá konu sem átti leið um miðbæ Akureyrar i morgun. Eins og sjá má var henni og liklega fleirum sem þar áttu leið um misboðið. -
Berjumst fyrir okkar málefnum, en til þess þurfum við og okkar samtök að glaðvakna.
Undanfarið hefur nokkuð verið rætt um kjör okkar eldri borgara og hvernig við séum afskipt þegar kemur að kjarabótum. -
Skýr markmið og þrautseigja skila árangri - Saga um gefandi samstarf
Gústaf Baldvinsson framkvæmdastjóri Seagold Ltd., sem er sölufélag Samherja í Bretlandi, skrifar hér um skemmtilegt og gefandi samstarf við Dag Benediktsson sem í síðasta mánuði náði þeim frábæra árangri að verða fimmfaldur Íslandsmeistari á skíðum. -
Fjármálalæsi Jöfnun stöðu allra barna
Við teljum afar brýnt að jafna stöðu allra barna þannig ekkert barn fari upp úr grunnskóla án þess að búa yfir lágmarksþekkingu í fjármálalæsi ekki frekar en börn fara út í umferðina án þess að kunna umferðarreglurnar. -
Greiðum veginn
Jarðgöng bæta samgöngur Það má með sanni segja að páskahretið hafi haft mikil áhrif á ferðalög landsmanna síðustu daga. Víða voru vegalokanir með tilheyrandi vandkvæðum fyrir þá sem þurftu að komast leiðar sinnar. Það er mjög skiljanlegt að umræður um jarðgöng verði háværari þegar vegir lokast í lengri tíma. Ég tek undir þá umræðu og tel afar brýnt að ávallt séu í gangi framkvæmdir við jarðgöng á hverjum tíma, ef ekki tvenn. Jarðgöng eru mikilvæg fyrir samfélagsuppbyggingu á hverjum stað, eins og dæmin sanna og geta skipt sköpum fyrir atvinnurekstur á landsbyggðinni svo ekki sé minnst á öryggið.
Athugasemdir