Akureyri tapaði gegn Val
Akureyri tapaði í kvöld fyrir Val í N1 deild karla í handbolta 30-26, leikurinn fór fram í Vodafonehöll þeirra Valsmanna. Leikur Akureyrar var þrátt fyrir tapið langt frá því að vera slakur og í raun sáust mikil batamerki á leik liðsins frá fyrri leikjum. Akureyri var inni í leiknum allt til loka en voru samt alltaf 2-4 mörkum á eftir Völsurum og náðu aldrei að komast að fullu inn í leikinn.
Staðan í hálfleik var 15-13 fyrir Val og raunar urðu nákvæmlega sömu tölur uppi á teningnum í seinni hálfleik því að þá skoraði Valur 15 mörk og Akureyri 13, lokatölur 30-26. Í síðari hálfleik átti Akureyri nokkra sénsa til að minnka mun Valsara niður í eitt mark en fóru illa að ráði sínu í að minnsta kosti þrjú skipti og Valur náði alltaf að auka forystu sína í þrjú mörk í stað þess að Akureyri minnkaði hana í eitt. Það má því segja að Akureyringar hafi verið sjálfum sér verstir eins og stundum áður í vetur en liðið hefur nú tapað fjórum leikjum í röð.
Þeir Magnús Stefánsson og Heiðar Aðalsteinsson áttu fínan leik hjá Akureyri sem og Jónatan Magnússon sem stjórnaði leik liðsins vel en hefði mátt vera áræðnari að sækja að markinu. Þá áttu þeir Hörður Fannar Sigþórsson og Einar Logi Friðjónsson ágætis spretti í leiknum og virðast vera að ná sér á strik.
Nánar verður sagt frá leiknum í Vikudegi á morgun.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.