2000 manns í hádegismat hjá Lostæti á hverjum degi
Valmundur Pétur Árnason og Ingibjörg Ringsted
Við höfum verið gæfusöm í okkar rekstri, aldrei reist okkur hurðarás um öxl en starfsemin hefur vaxið og dafnað og farið hægt og sígandi upp á við, segja þau Valmundur Pétur Árnason og Ingibjörg Ringsted eigandur Lostætis á Akureyri.
Fyrirtækið er nú á sautjánda starfsári, var stofnað 1. september árið 1996 og þá voru starfsmenn þess 5 talsins en eru nú um 60. Félagið sérhæfir sig í veitingaþjónustu við stærri og minni fyrirtæki og hópa, rekur kaffiteríur og mötuneyti svo eitthvað sé nefnt. Allt að 2000 manns fá hádegisverð hjá fyrirtækinu daglega og magnið sem höndlað er með er gríðarlegt, um 250 kíló af fiski þarf fyrir svo stóran hóp og allt að 350 kíló af kjöti svo dæmi sé tekið.
Þau Ingibjörg og Valmundur segja að starfsemin hafi í tímans rás smám saman aukist.
Þetta vatt upp á sig og eiginlega án þess að við værum mikið að gera í því að markaðssetja okkur, verkefnin hafa að stórum hluta komið til okkar, segir Ingibjörg.
Þannig tók félagið við rekstri kaffistofu Háskólans á Akureyri um mitt ár 2000 og kaffiteríu og mötuneyti Verkmenntaskólans á Akureyri bættist við árið 2005.
Haldið í víking austur á land
Stóra stökkið var í júlí árið 2007, en þá tók Lostæti við rekstri mötuneytis Alcoa Fjarðaáls á Reyðarfirði. Félagið hefur síðan þá séð um rekstur og umsjón með mötuneyti sem og veitingaþjónustu fyrir Alcoa. Þau kváðust afar hreykin af því að hafa orðið fyrir valinu, en alls var fulltrúum 5 fyrirtækja boðið að skoða aðstæður og bjóða í reksturinn. Verkefnið hafi þóverið krefjandi, en skemmtilegt og af því hafi þau lært mikið.
Gott hráefni, góð þjónusta og hæft starfsfólk skipta máli
Þá nefna þau að fjölmörg önnur atriði skipti máli þegar kemur að rekstri fyrirtækisins sem sérhæfir sig í veitingaþjónustu. Þannig þurfi ævinlega að bjóða viðskiptavinum upp á ferskt og gott hráefni og hafi fyrirtækið metnaðarfulla stefnu þegar að því kemur. Og við leggjum líka mikið kapp á að veita góða þjónustu, segir Valmundur.
Til að reka gott fyrirtæki sem standi undir væntingum viðskiptavina þurfi það að hafa á að skipa góðu starfsfólki. Innanborðs eru menntaðir matreiðslumenn, bakarar, smurbrauðsdömur, viðskiptafræðingar og lögfræðingur ásamt frábæru almennu starfsfólki svo eitthvað sé nefnt.
Við erum mjög heppin með starfsfólk, hjá okkur starfar stór hópur af hæfu fólki. Framtíðin er björt og margt áhugavert í athugun bæði á Norður- og Austurlandi, því það eru tækifæri eru fyrir hendi og margt í deiglunni.
Nýjast
-
Hundakvöld á Listasafninu á Akureyri
Fimmtudaginn 12. júní mun Listasafnið á Akureyri bjóða hunda og eigendur þeirra velkomna á sérstakt hundakvöld. Opið verður frá kl. 19 til 22 og ókeypis inn fyrir eigendur í fylgd hunda -
Íbúum fjölgar á Norðurlandi eystra
Samkvæmt tölum úr Þjóðskrá fjölgaði fólki á Norðurlandi eystra frá 1 des. sl. til 1 júni s.l um 157 manns eða um 0,5%. Þetta er sama fjölgun og var á landsvísu á sama tima. -
atNorth ræður tvo nýja stjórnendur
Gagnavers- og ofurtölvufyrirtækið atNorth hefur ráðið Bjarka Björnsson sem forstöðumann fjármögnunar og fjárstýringar og Axel Valdemar Gunnlaugson í starf forstöðumanns upplýsingatækni. -
Litaboltavöllur á tjaldsvæðinu
Skipulagsráð Akureyrar hefur tekið jákvætt í erindi frá Skúla Lórenz Tryggvasyni sem óskaði eftir svæði til að setja upp litaboltavöll (e. paintball). -
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna.
