Stóra bomban
Sæl Hilda Jana og Guðmundur Baldvin.
Ég verð að viðurkenna að ég varð fyrir miklum vonbrigðum með svar þitt við síðasta bréfi mínu, Hilda Jana. Þú ferð undan í flæmingi þar sem um starfsmannamál sé að ræða, en skirrist þó ekki við að saka fyrrverandi framkvæmdastjóra Eyþings um trúnaðarbrest.
Nú vill svo til að mér hafa borist í hendur ýmis gögn sem tengjast þessu máli. Þar kemur skýrt fram að þinghald í málinu, sem fram fór þann 27. janúar sl., var opið, þannig að hver sem áhuga hafði gat fylgst með því sem þar fór fram, t.d. áhugasamir blaðamenn (sem hafa sýnt málinu undarlegt tómlæti hingað til). Auk þess hefur brottrekni framkvæmdarstjórinn áréttað í bréfi til alls sveitarstjórnafólks, sem að Eyþingi stendur, að hann hafi ekki óskað eftir trúnaði varðandi málavexti og dómsáttina sem gerð var.
Af þessu sama bréfi má ráða að kostnaður okkar útsvarsgreiðenda geti verið miklu hærri en þær 14.800.000 kr. sem þegar hefur verið fjallað um. Þar eru færð rök fyrir því að herlegheitin, þ.e. launakostnaður framkvæmdastjórans án vinnuframlags í 8 mánuði, dómsáttin sjálf og málskostnaður Eyþings, kosti útsvarsgreiðendur sveitarfélaganna vel yfir þrjátíu milljónir króna.
Ég ætla að leyfa mér að birta hluta af fundargerð sveitarstjórnar Svalbarðsstrandarhrepps frá 17. þ.m. þar sem fjallað er um þetta mál:
Almenna reglan í góðri stjórnsýslu er að forsvarsmenn nýti almannfé á sem bestan og skilvirkastan hátt. Í annan stað að ráðningar og uppsagnir byggist á faglegum og lögmætum grunni. Í þriðja lagi að réttar upplýsingar liggi fyrir handa þeim stjórnvöldum sem beina aðkomu eiga að tiltekinni stofnun - hér sveitastjórnir og Eyþing.
Hafi orðið verulegur misbrestur á framangreindu í þessu máli telur sveitarstjórn Svalbarðsstrandarhrepps að forsvarsmenn Eyþings eigi að upplýsa sveitarstjórnir nánar um forsendur málsins og tilgang þessa, að því er virðist, tilhæfulausa aukakostnaðar.
Af gögnum málsins má ráða að stjórn Eyþings hafi ekki staðið rétt að brottvikningunni, enda hefði hún tæplega samþykkt dómsáttina, sem felur í sér miskabætur, skaðabætur og greiðslu málskostnaðar stefnanda, ef svo hefði verið. Auk þess virðist sem sveitarstjórn Svalbarðsstrandarhrepps hafi ekki verið upplýst að fullu um málavexti. Um aðrar sveitarstjórnir sem áttu aðild að Eyþingi vil ég ekkert fullyrða.
Af þessu tilefni skora ég á ykkur, núverandi og fyrrverandi stjórnarformenn Eyþings, að veita okkur útsvarsgreiðendum eftirfarandi upplýsingar:
Hversu mikill kostnaður hefur hlotist af málinu í heild sinni, sundurliðaður eftir launagreiðslum og launatengdum gjöldum án vinnuframlags framkvæmdastjórans, málskostnaði Eyþings og miska- og skaðabótum? Gott væri að fá tölurnar sundurliðaðar eftir sveitarfélögunum sem eiga aðild að Eyþingi.
Nú liggur fyrir að um háar upphæðir af almannafé er að ræða og að framkvæmdastjórinn hefur ekki óskað eftir trúnaði um málið. Hvers vegna hefur áhersla verið lögð á að málið fari leynt? Færi ekki betur á því að útsvarsgreiðendur fengju ítarlegar upplýsingar, án eftirrekstrar míns?
Hvaða ágallar á uppsagnarferlinu knúðu stjórn Eyþings til að samþykkja dómsátt í stað þess að klára málaferlin?
-Höfundur er nískur útsvarsgreiðandi og fyrrverandi Alþingismaður
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir