Mammviskubit
Í síðustu viku tók ég þá ákvörðun að taka börnin mín tvö úr skóla og leikskóla. Það gerði ég vegna þess að ég hef tök á því og vil ég að börn fólks í framlínu nái að vera áfram í skóla og leikskóla eins vandræðalaust og hægt er. Ég hef unnið í leikskólum og grunnskólum síðustu tíu árin svo ég vissi nánast, að ég hélt, að þetta yrði ekkert stórmál. Það eina sem ég þyrfti að gera væri að vera með pottþétta dagskrá hvern einasta dag fyrir börnin. Auðvelt ekki satt?
Fyrstu tveir dagarnir gengu einsog í sögu. Ég montaði mig af því að hafa reynsluna svo þetta gæti ekki klikkað hjá mér. Það fór fljótt að halla undan fæti hjá okkur litlu fjölskyldunni því jú það eru flutningar á næsta leiti en ég þurfti samt að passa að börnin fengju þá umhyggju og það aðhald sem þær þurfa. Þetta er alls ekki auðveld blanda að eiga við.
Nú er ég í ógrynni af mömmuhópum á Facebook þar sem mæður úr öllum áttum tjá sig um uppeldi, fá læknisráð, deila um hitt og þetta og síðast en ekki síst nota mikið orðið mammviskubit. Ef þú lesandi góður veist ekki hvað það þýðir þá er þetta orð náskylt orðinu samviskubit, nema þetta orð tengist því þegar mæður fá samviskubit yfir því hvernig þær ala upp börnin sín. Kröfurnar í samfélaginu okkar eru orðnar svo gríðarlega miklar á mæður. Ekki leyfa börnunum að horfa of lengi á sjónvarpið, ekki gefa börnum sykur, leyfið börnum að hafa skoðanir á öllu, farðu út að leika með barnið þitt að minnsta kosti einu sinni á dag, hafðu barnið þitt alltaf klætt í nýjustu tísku og í guðs bænum aldrei láta barnið gráta! Ég hef lesið ófá rifrildin um ofantalin atriði á samfélagsmiðlum og það versta í kommentakerfunum er þegar ég sé mæður sem leggja sig allar fram við að láta aðrar mæður fá mammviskubit.
Ég sé ekki hvað það kemur öðrum mæðrum við hvernig aðrar mæður ala upp börnin sín. Við erum, að ég held, allar að gera það sem við teljum börnunum okkar fyrir bestu. Svo er það með blessuð börnin að þau eru jafn misjöfn og þau eru mörg, rétt einsog við fullorðna fólkið. Það er engin ein leið rétt við að ala upp börn. Það tel ég að ég geti fullyrt. Nú á ég tvö börn einsog ég sagði hér að ofan og guð hjálpi mér ef ég hefði ætlað að nota sömu uppheldisaðferðir á þá yngri einsog ég notaði á þá eldri. Þær eru jafn ólíkar og svart og hvítt. Þannig er þetta líka í stóra samhenginu. Ef við sem mæður gætum bara allar áttað okkur á því að við stjórnum einungis okkar eigin hegðun þá gætum við í sameiningu útrýmt orðinu mammviskubit. Ég var með krónískt mammviskubit eftir að ég eignaðist eldri stelpuna, sem nú er á tólfta ári, sem varði í ein átta ár eða svo. Ég var átján ára og mörgum í kringum mig fannst þeir knúnir til að setja út á það sem ég var að gera varðandi uppeldið. Uppskeran varð krónískt mammviskubit.
Ég er alls ekki að tala um að fólk megi ekki gefa góð ráð, en það er alltaf foreldrisins val hvort það nýtir sér ráðið. Það sem ég er að tala um er þegar foreldrar eru að dæma aðra foreldra og það oft á opnum miðlum til þess eins að koma því til skila að þeirra ráð er betra en öll önnur ráð. Ég verð nú að segja að ég er ekki hissa á að jákvæð sjálfsmynd fari hratt niðurávið hjá nýbökuðum foreldrum þegar þetta er það sem þau mæta.
Niðurstaðan er sú að mammviskubit er eitthvað sem mæður eiga ekki að fá. Við erum allar að gera okkar besta. Þú ert ekki verri mamma þá barnið þitt fái sykur, þú ert ekki verri mamma fyrir að barnið þitt horfi á sjónvarpið, þú ert ekki verri mamma fyrir að eiga ekki öll flottustu fatamerkin fyrir krílið og þú ert alls ekki verri mamma en einhver önnur mamma sem tjáir sig um þínar uppeldisaðferðir á samfélagsmiðlum. Ekki ætla ég að fá mammviskubit yfir því að ég sitji hér á miðvikudagsmorgni að skrifa þennan pistil og tæplega fjögurra ára dóttir mín gæðir sér á sleikjó og horfir á youtube á meðan.
Mig langar að enda þennan pistil á að skora á vinkonu mína Katrínu Eiríksdóttur að skrifa næsta pistil.
-Dagrún Birna Hafsteinsdóttir
Nýjast
-
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda.
Athugasemdir