Kaldar kveðjur til grunnskólakennara
Bundin viðvera hjá grunnskólakennurum felur í sér að kennarar skuli vera ákveðinn tíma innan veggja skólans. Á Akureyri er þetta u.þ.b. 38 klst. í bundinni viðveru. Á 37 vikna starfstíma skóla er vikuleg vinnuskylda kennara 42,86 klst. á viku til að vinna upp í haust-, vetrar-, jóla- og páskafrí. Margir halda að kennarar fái þau frí ókeypis, svo er ekki. Langt í frá.
Til að fylgjast með vinnutíma er vinnustund notuð. Í orðsins fyllstu merkingu fer fram mínútutalning á vinnutíma kennara þ.m.t. endurmenntuninni. Tímatalning og fyrirkomulag vinnutímans er ákveðið hjá hverju sveitarfélagi fyrir sig og því ekki eins hjá öllum.
Covid tíminn
Kórónuveiran barst til landsins. Afleiðingarnar, eins og allir vita, kölluðu á annars konar vinnubrögð í hinum ólíku geirum, líka hjá kennurum. Nú var hluti kennslunnar eða öll kennsla færð heim til kennara, undirbúningur og úrvinnsla. Margir kennarar lögðu til eigin búnað, eigin nettengingu og sinntu starfi sínu af alúð. Viðveru kennara sem unnu í skólaum var breytt til að mæta álagi sem kennarar fundu fyrir á covid tímanum. Kennarar voru með nemendur í 4-5 klst. á hverjum degi og máttu fara kl. 14:00. Undirbúningur og úrvinnsla kennslu átti nú fara fram heima hjá kennara. Vegna aukaþrifa í sumum skólum var þess óskað að kennarar færu út úr skólanum kl. 14:00 svo ræstingafólkið kæmist að. Auðsótt mál.
Margir kennarar upplifa bindingu vinnutíma sem vantraust í sinn garð. Fram að covid var bundin viðvera og byrjaði aftur þegar samfélagið færðist í eðlilegra horf. Samt er talað um að við eigum að læra eitthvað af þessum tíma. Eins og grunnskólakennarar vita og hafa bent á fylgir bindingunni, við grunnskóla Akureyrarbæjar, ákveðið vantraust í þeirra garð. Sumum kennurum hentar að skila allri sinni vinnu, tæpum 43 klst., í skólanum á meðan öðrum finnst gott að hafa sveigjanlegan undirbúningstíma. Sumum finnst gott eftir erfiðan dag að fara í göngu- eða hjólatúr, fjallgöngu eða bara komast heim og sinna störfum sínum þar. Fram að þessu hafa yfirvöld bæjarins ekki viljað ljá sveigjanlegum vinnutíma grunnskólakennara eyra. Þvert á það sem menn leggja til í mörgum starfgreinum og hafa gert lengi.
Óskað eftir sveigjanleika
Trúnaðarmenn grunnskólanna á Akureyri hittust á fundi. Þar var farið yfir málin. Á fundinum var ákveðið að senda fræðsluyfirvöldum bréf þar sem óskað er eftir sveigjalegum vinnutíma og að kennurum yrði treyst fyrir vinnutíma sínum. Rétt eins og á covid-tímanum. Skemmst er frá að segja að svar barst kennurum og kveðjurnar kaldar. Nauðsynlegt að taka fram að ekki er verið að biðja um breytingar á vinnutímaákvæðinu, kennarar vilja eftir sem áður vinna tæpar 43 klst. á viku.
Kennarar vilja sveigjanleikann sem bæjaryfirvöld báðum um á covid tímum og kennarar veittu með auðmýkt. Sama vilja er ekki að finna hjá bænum þegar beðið er um slíkt hið sama, nú hinum megin frá.
Svar fræðsluyfirvalda við umræddu bréfi var:
2020050171 - Erindi frá trúnaðamönnum FG
Erindi dagsett 23. apríl 2020 frá trúnaðarmönnum Félags grunnskólakennara lagt fram. Samband íslenskra sveitarfélaga fer með umboð Akureyrarbæjar í kjaraviðræðum við Félag grunnskólakennara þar sem kröfugerð málsaðila er leidd til lykta. Það er mat fræðsluráðs að mikilvægt sé að þeim viðræðum ljúki áður en afstaða er tekin til óska um breytingar á vinnutímaákvæði kjarasamnings kennara hjá Akureyrarbæ. Það ætti að vera keppikefli samningsaðila að stuðla að auknum sveigjanleika í starfsumhverfi grunnskólakennara og hvetur fræðsluráð samningsaðila til að leita allra leiða svo ljúka megi gerð nýs kjarasamnings.
Af gefnu tilefni er vert að taka fram, ákvörðun um bindingu vinnutíma er í höndum hvers bæjarfélags. Það á við um kennara sem og aðra sem vinna hjá bænum. Hér er ekki um miðlæga ákvörðun að ræða.
Bæjarstjóri sendi bréf á starfsmenn Akureyrarbæjar á covid-tímanum og mærði m.a. þá frábæru tilhögun að geta unnið heima. Kennarar unnu líka heima. Samt sjá fræðsluyfirvöld enga ástæðu til að koma á móts við óskir kennara um sveigjanleika í starfi.
Sumarfrí handan við hornið
Nú líður að sumarfríi grunnskólakennara og veitir ekki af. Þeir hafa staðið í ströngu á covid tímanum, meira en menn gera sér grein fyrir. Að öðrum ólöstuðum vil ég hrósa þeim kennurum sem stóðu í ströngu með yngstu nemendur grunnskólans. Þetta var gríðarlega erfiður tími og mikið álag en kennarar einsettu sér að leggja sitt að mörkum og gerðu vel.
Grunnskólakennarar fá vonandi fregnir af því á komandi skólaári að fræðsluyfirvöld á Akureyri treysti kennurum fyrir vinnutíma sínum enda hafa þeir sýnt að þeir eru þess verðir.
Guðrún Guðmundsdóttir orti:
Þótt ég meti last og lof,
ljóst mér dæmin sanna,
að hvorttveggja er oft um og of
eftir viti manna.
Kæru kennarar, njótið sumarsins, náttúrunnar og samveru með þeim sem ykkur líður vel með og hjá. Munið að hlaða rafhlöðurnar fyrir næsta vetur.
-Helga Dögg Sverrisdóttir, grunnskólakennari og trúnaðarmaður.
Nýjast
-
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega. -
Bókakynning á Amtsbókasafninu á Akureyri á morgun.
Kristín Guðmundsdóttir höfundur bókarinnar Tólf lyklar verður með kynningu á bókinni á Amtsbókasafninu á morgun og hefst kynningin klukkan 15:30. Bókin er fyrir fólk af erlendum uppruna sem er búið með grunninn í íslensku. -
Barnamenningarhátíð á Akureyri
Barnamenningarhátíð á Akureyri er nú haldin í sjöunda sinn og hefur vaxið ár frá ári. Hátíðin teygir sig yfir allan aprílmánuð með það að markmiði að hvetja börn og fjölskyldur þeirra til að taka virkan þátt í menningarlífi bæjarins sér að kostnaðarlausu.Á dagskrá eru fleiri en 50 viðburðir af ýmsu tagi. -
Sigríður Örvarsdóttir nýr safnstjóri Listasafnsins
Sigríður Örvarsdóttir hefur verið ráðin nýr safnstjóri Listasafnsins á Akureyri. Sigríður er með MA gráðu í safnafræði frá Háskóla Íslands (2018), BA gráðu í textílhönnun frá Seminaret for Kunst og Haandværk í Danmörku (2001), ásamt meistaranámi í prjónahönnun frá Academie Royale des Beux-Arts (2014) og viðbótardiplómu í hagnýtri jafnréttisfræði frá Háskóla Íslands (2009). Auk þess er hún með kennsluréttindi í grunn- og framhaldsskóla (2001). Sigríður hefur starfað sem safnstjóri og forstöðumaður Menningarmiðstöðvar Þingeyinga frá árinu 2022 og veitir sem slík forstöðu Myndlistarsafni Þingeyinga en safneign þess telur um 1.900 verk. Í starfi sínu stýrir hún starfseminni og ber ábyrgð á öllum þáttum rekstrar, allri fjárhags- og verkefnaáætlanagerð, bókhaldi, mannauðsmálum, rekstri fasteigna og faglegu starfi sjö annarra safneigna og fjögurra sýningarstaða. Sigríður starfaði sem verkefnastjóri sýninga hjá Akureyrarbæ sumarið 2021. Í því starfi sinnti hún sýningagerð, rannsóknarvinnu og kynningarmálum. Árin 2019 til 2020 var hún sjálfstætt starfandi ráðgjafi við gerð safnastefnu Akureyrarbæjar. Hún gegndi starfi safnafulltrúa Listasafnsins á Akureyri árið 2012 og árin 2010 og 2012 starfaði hún sem verkefnastjóri samsýninga og ritstjóri safnahandbóka fyrir söfn á Norður- og Norðausturlandi. Árin 2008 til 2012 starfaði hún sem safnkennari við Minjasafnið á Akureyri. Sigríður hefur reynslu af kennslu í list- og hönnunargreinum á öllum skólastigum innan lands sem utan, m.a. hjá Listaháskóla Íslands og Marbella Design Academy á Spáni. Hún hefur tekið þátt í alheimsþingi ICOM, alþjóðaráðs safna og verið fulltrúi þess í Rannsóknarsetri í safnafræðum við Háskóla Íslands. Alls bárust 14 umsóknir um starfið. -
Virðist sem skorti pólitískan vilja
Stjórn og trúnaðarráð Framsýnar kom saman til fundar í gær. Mörg mikilvæg mál voru til umræðu á fundinum m.a. samgöngumál. Ákveðið var að hvetja Vegagerðina og stjórnvöld til að styðja við áætlunarflug um Húsavíkurflugvöll auk þess styðja betur við Loftbrúna sem skiptir íbúa á landsbyggðinni verulega miklu máli. Fjölga þarf ferðum sem menn geta nýtt sér á þessum sérstöku kjörum
Athugasemdir