Hreyfing skiptir máli
Líkaminn okkar er gerður til þess að hreyfa hann. Hann er svo snjall að ef við ekki notum vöðva og bein telur hann óþarfa að vera eyða of mikilli orku í að viðhalda þeim vef og hann rýrnar. Það sést best á því þegar einstaklingur brotnar og þarf að vera í gipsi í einhvern tíma, þá verður sá útlimur miklu mjórri og veiklulegri en hinn, einfaldlega vegna rýrnunar.
Hreyfing er einn af lykiláhrifaþáttum heilbrigðis og vellíðunar á öllum æviskeiðum. Hreyfing dregur ekki bara úr flestum langvinnum lífstílssjúkdómum heldur bætir einnig heilsu, líðan og lífsgæði almennt. En hreyfing þarf að vera skemmtileg og áhugaverð til þess að við nennum og viljum stunda hana. Það er svo margt sem fellur undir hreyfingu og misjafnt hvað hentar hverjum og einum.
Mjög mörg börn stunda skiplagða hreyfingu á vegum íþróttafélga sem er gott og gilt. En það þarf ekki að æfa keppnisíþróttir til þess að stunda hreyfingu. Sá hópur sem ekki vill stunda keppnisíþróttir gleymist oft og verður til þess að þeir stundi litla sem enga hreyfingu. Það er þó gott að leyfa börnunum að prófa ýmsar íþróttir, mögulega finna þau sig í einhverju. Unglingar geta svo síðar stundað hreyfingu á líkamsræktarstöðvum en afar mikilvægt er samt að þau fái leiðbeiningar um réttar æfingar frá upphafi. Hreyfing getur verið svo ótal margt, út að leika, fara í göngutúr, fara í sund til að leika og svo margt annað. Það er bara spurning um að láta ímyndunaraflið ráða för.
Mælt er með því að börn og unglingar hreyfi sig að lágmarki í um 60 mínútur á dag, því má þó skipta niður á styttri tímabil yfir daginn og telst þá öll hreyfing með, eins og til dæmis að ganga í skólann. Foreldrar eru fyrirmynd barnanna sinna og ef þau stunda hreyfingu eru meiri líkur á því að börnin geri slíkt hið sama. Hreyfing getur líka verið þáttur í samverustundum fjölskyldunnar, eins og að fara saman í sund eða göngutúr, með því hugum við að heilsunni og styrkjum fjölskylduböndin.
-Rannveig Elíasdóttir, hjúkrunarfræðingur í heilsuvernd grunnskólabarna
Nýjast
-
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur.
Athugasemdir