Hreinar tennur-heilar tennur
Rannveig Elíasdóttir
Tannburstun sem slík virðist afar ómerkileg athöfn og fæstum finnst hún sérlega áhugaverð og skemmtileg. Góð og rétt tannburstun er þó eitt af því mikilvægasta sem viðheldur tannheilsu okkar. Það að fara til tannlæknis er bara punkturinn yfir i-ið, það er heimavinnan sem skiptir öllu máli.
Frá því að fyrsta tönnin lítur dagsins ljós þarf að hefja tannburstun með flúortannkremi tvisvar sinnum á dag, eftir morgunmat og fyrir svefn. Flúor í hæfulegu magni, að lágmarki 1000ppm í tannkremi, tekur þátt í því viðgerðarferli sem stöðugt er í gangi við yfirborð tannanna auk þess sem það truflar starfsemi þeirra baktería sem valda tannskemmdum. Í innihaldslýsingu tannkremsins er hægt að lesa hve mikill flúorstyrkurinn er. Barnatannkrem með minna en 1000ppm flúorstyrk ætti ekki að nota. Ráðlagt magn flúortannkrems og styrkur er sem hér segir:
- ¼ af nögl litlafingurs á barni yngra en 3 ára (1000-1350ppm F)
- Því sem nemur nöglinni á litlafingri barns 3-5 ára (1000-1350ppm F)
- 1 cm fyrir 6 ára og eldri (1350-1500ppm F)
Það er mikilvægt að börnin læri að þeim líði vel með hreinar og heilbrigðar tennur. Börn þurfa aðstoð við tannburstun til 10-12 ára aldurs, þó þeim finnist þau geta þetta alveg sjálf. Það getur þó verið sniðugt að barnið bursti fyrst og foreldri bursti svo yfir, þannig æfast þau í að bursta en fá góða tannburstun frá foreldrinu í leiðinni. Mikilvægt er einnig að huga að mataræði þegar kemur að tannheilsu. Eins og við vitum er sykur uppáhald baktería sem valda tannskemmdum, einnig eru súrir drykkir eitthvað sem ber að varast. Gosdrykkir, súrir ávaxtasafar og aðrir súrir drykkir valda glerungseyðingu. Glerungur sem hefur eyðst myndast ekki aftur. Tennurnar verða viðkvæmar fyrir kulda og meiri hætta er á tannskemmdum
Öllum börnum undir 18 ára aldri bjóðast fríar tannlækningar fyrir utan árlegt komugjald sem er 2500kr. Til að geta nýtt sér gjaldfrjálsar tannlækningar þurfa börn að hafa skráðan heimilistannlækni. Það er hægt að gera inn á sjukra.is, einnig getur tannlæknir séð um þessa skráningu.
-Rannveig Elíasdóttir, hjúkrunarfræðingur í heilsuvernd grunnskólabarna
Nýjast
-
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára. -
Syngjandi sumarsveifla í Laugarborg
Að kvöldi síðasta vetrardags býður Kirkjukór Grundarsóknar í Eyjafjarðasveit til tónlistarveislu í Laugarborg þar sem sannarlega verður syngjandi sumarsveifla í aðalhlutverki. -
Ef ég væri sími.
Líklega er áhugi fólks á tækjum og tækni mismikill. Flestir eru þó duglegir í að passa uppá símana sína, tileinka sér tækninýjungar og uppfæra þá. Þetta litla tæki sem fylgir okkur mörgum í daglegu lífi. Síminn er gjarnan skammt undan, uppi á borði, í töskunni eða vasanum. Góður sími getur veitt okkur sítengingu við alheiminn, vini og vandamenn, afþreyingu, vinnuna og bara allt mögulegt. -
Mörg þúsund manns árlega á faraldsfæti suður til lækninga
Þjónusta Sjúkrahússins á Akureyri hefur dregist saman undanfarin misseri. Því fer fjarri að SAK nái að uppfylla það hlutverk sem skilgreint er í lögum um heilbrigðisþjónustu, þar sem m.a. segir að sjúkrahúsið eigi að veita þjónustu í nær öllum sérgreinum lækninga og vera varasjúkrahús Landspítala -
Lögreglan á Norðurlandi eystra rannsakar andlát
Eftirfarandi tilkynningu sendi lögreglan á Norðurlandi eysta frá sér nú rétt í þessu. Klukkan 04:30 aðfaranótt mánudags var lögreglan á Norðurlandi eystra kölluð að fjölbýlishúsi á Akureyri. Fyrstu lögreglumönnum sem komu á vettvang var vísað á meðvitundarlausa konu í íbúðinni og hófust endurlífgunartilraunir þegar í stað. Læknir og sjúkraflutningamenn komu einnig á vettvang en tilraunir til endurlífgunar báru ekki árangur og var konan úrskurðuð látin á vettvangi. -
Svona er síminn hannaður til að stela athygli okkar
Af hverju er svona erfitt að leggja frá sér símann? Er efnið sem þar er að finna alltaf svo mikilvægt og áríðandi að það gengur fyrir þau samskipti sem við erum að eiga við fólkið í kringum okkur? Förum við í símann þegar að við erum undir stýri? (Já það telst líka með að gera það á rauðu ljósi). Lengjum við klósettferðirnar okkar til að vera lengur í símanum? Leggjum við símann alltaf á borðið á fundum, í kaffitímanum eða við matarboðið og leyfum þannig tilkynningunum á skjánum að stela athygli okkar? Setjum við börnin okkar fyrir framan skjá til þess að kaupa okkur sjálfum skjátíma? Leitum við í símann alltaf þegar að okkur leiðist? Erum við hrædd við að vera vandræðaleg á almannafæri og förum í símann til að þykjast vera að sinna einhverju mikilvægu frekar en að líta upp og leyfa huganum að reika? Dettum við út í samtölum við annað fólk því við ætluðum að fletta einhverju eldsnöggt upp en rákumst svo á eitthvað annað sem greip athygli okkar? Getum við átt gæðastundir með fjölskyldunni án þess að láta símann trufla okkur? -
Lokaorðið - Forgangslistinn
Eftir því sem ég eldist verð ég sífellt þakklátari fyrir að fá að ganga lífsins veg með fólkinu mínu. Við erum fámenn þjóð og höfum í gegnum tíðina staðið þétt saman. Við höfum lyft grettistaki í forvörnum vegna slysa á sjó og landi.
Athugasemdir