Getur verslun blómstrað á Akureyri?
Gunnar Gunnarsson bæjarfulltrúi skipar 2 sæti hjá Framsóknarflokknum í komandi bæjarstjórnarkosningum á Akureyri
Fyrsta svar er nokkuð augljóst. Já, verslun er í miklum blóma á Akureyri. Hér færðu föt á dömur og herra, lífrænar sápur og lampaskerma. Hér fær bóndinn í Skagafirði vélaolíu (uss, ekki segja Þórólfi það), áburð og fóður. Reiðhjól og skíði. Tölvur og græjur. Bækur og potta. Parket, parket. Flísar og teppi. Hér kaupir fagurkerinn dýr blöndunartæki og sparnaðarforkurinn finnur góð tilboð.
Margar öflugar og flottar verslanir, allar ómissandi á sinn hátt. Vænst þykir mér auðvitað um hinn sjálfstæða verslunarmann sem stendur vaktina og passar upp á að það sé líf og gleði í kringum sína verslun. Þetta eru okkar öndvegisverslanir sem skapa mannlífið í þessum bæ – ekki síður en listir og menning, eða íþróttirnar og fagra umhverfið.
Ég er aldeilis ekki hlutlaus. Ég er giftur akkúrat þessháttar verslunarkonu sem passar upp á að við getum ætíð fundið jólaandann í brjósti okkar þegar gráminn er orðinn íþyngjandinn.
Allt í blóma, þar til við skoðum undir yfirborðið
Vissulega er blómlegt á að líta, en við þurfum líka að skoða undir yfirborðið. Til þess að fjölbreytt verslun geti þrifist hér í bæ þá þarf rekstrarlegt umhverfi að vera traust. Stór þáttur í rekstri margra verslana er húsnæðið, og oftar en ekki er um leiguhúsnæði að ræða. Hér þarf því að vera heilbrigður leigumarkaður fyrir verslunarhúsnæði. Sá markaður er ekkert frábrugðinn öðrum mörkuðum. Ef það ríkir ekki samkeppni á þessum markaði þá á endanum borgar neytandinn alltaf hærra verð. Neytandinn í þessu tilviki verandi verslunareigandinn – og auðvitað við, þegar við greiðum hærra verð fyrir vörurnar.
Þetta er samt ekki eini kostnaðurinn. Það er líka dulinn samfélagskostnaður sem getur á endanum orðið mjög dýr. Þegar verslanir loka, vegna þess að rekstrarumhverfið er ekki nógu heilbrigt, þá á endanum verður hin fjölbreytta verslunarflóra heldur rýr. Þá hættir Akureyri að laða til sín fólk úr nærsveitum (og -héruðum) og það veikir aðra verslun. Hér eru ekki lengur öll lífsins gæði.
Heilbrigð samkeppni?
Og hvernig er svo samkeppni háttað hér í bæ? Árið 2024 þá vann Samkeppniseftirlitið markaðsgreiningu fyrir Akureyri. Gögnin eru frá 2022 en ég leyfi mér að efast um að staðan hafi breyst mikið til batnaðar síðan þá. Þrír stærstu aðilarnir áttu um 80-90% af því húsnæði sem var til leigu fyrir verslanir. Hér ríkir langt í frá næg samkeppni og það gerir frjálsan rekstur óhjákvæmilega erfiðari en hann þyrfti að vera.
Við stjórnum ekki frjálsum markaði, en bæjarfulltrúar geta haft áhrif til góða. Við höfum svo sannarlega rödd og við eigum að vera vakandi. Sveitarfélagið útdeilir jafnframt lóðum og við eigum að taka þessa bagalegu stöðu alvarlega þegar við gerum það. Núverandi meirihluti hefur leyft fasteignagjöldum á atvinnuhúsnæði að hækka mikið. Það hjálpar auðvitað ekki til, í rekstri verslana, þótt það breyti litlu fyrir þá samkeppni sem er til umræðu hér.
Það er ýmislegt sem við getum gert.
Gunnar Már Gunnarsson, bæjarfulltrúi Framsóknar á Akureyri
Nýjast
-
Grunnskólar Akureyrar: Sterkur grunnur – en aðgerða þörf
Grunnskólar á Akureyri standa á traustum grunni. En þróun síðustu ára sýnir að við getum ekki lengur treyst á að allt haldist í jafnvægi án markvissra aðgerða. Mælingar Skólapúlsins á líðan og upplifun nemenda sýna að margt er vel gert í grunnskólum Akureyrar; tengsl nemenda og kennara eru sterk, bekkjarandi er almennt góður og öryggi innan skólanna mælist viðunandi. Þetta eru burðarstoðir góðs skólastarfs og grunnur sem við eigum að vera stolt af. -
Forsvarsmenn Auto óska eftir fundi um stöðu mála hjá Auto
„Það er jákvætt skref að fyrirtækið hafi loks haft samband og óskað eftir samstarfi um aðgerðaráætlun til að bregðast við kröfum HNE um tiltekt á lóðinni,“ segir Leifur Þorkelsson framkvæmdastjóri Heilbrigðiseftirlits Norðurlands um ósk fyrirtækisins Auto ehf. sem hefur starfsemi að Setbergi á Svalbarðsströnd að ræða málefni þess við eftirlitið. -
Getur verslun blómstrað á Akureyri?
Fyrsta svar er nokkuð augljóst. Já, verslun er í miklum blóma á Akureyri. Hér færðu föt á dömur og herra, lífrænar sápur og lampaskerma. Hér fær bóndinn í Skagafirði vélaolíu (uss, ekki segja Þórólfi það), áburð og fóður. Reiðhjól og skíði. Tölvur og græjur. Bækur og potta. Parket, parket. Flísar og teppi. Hér kaupir fagurkerinn dýr blöndunartæki og sparnaðarforkurinn finnur góð tilboð. -
Hvar vilja aldraðir búa?
Málefni eldri borgara verða sífellt mikilvægari eftir því sem íbúum á efri árum fjölgar. Akureyrarbær stendur, líkt og önnur sveitarfélög frammi fyrir áskorunum þegar kemur að því að tryggja nægilegt og hentugt húsnæði ásamt öflugri félagsþjónustu fyrir þennan hóp. -
Ingvi Óðinsson kveður Samherja
Á samfélagsmiðlum Samherja er sagt því að Ingvi Óðinsson umsjónarmaður fasteigna Samherja lét formlega af störfum í dag eftir farsælt og árangursríkt starf. Hann byrjaði að vinna fyrir Samherjafrændur við eftirlit með nýbyggingum, fyrst á Kanaríeyjum í um 6 mánuði og síðar við byggingu 10 þúsund fermetra frystigeymslu í Gdansk í Póllandi í um tvö og hálft ár. Frá apríl 2014 hefur hann verið umsjónarmaður fasteigna Samherja. -
Þrjú ár á Íslandi? Kosningaréttur!
Sveitarstjórnarkosningar verða haldnar á Íslandi 16. maí 2026. Fólk af erlendum uppruna hefur í gegnum árin tekið litla þátt í kosningum, þrátt fyrir að margir hafi kosningarétt. Íbúar landsins með erlent ríkisfang öðlast kosningarétt í sveitarstjórnarkosningum eftir þriggja ára búsetu hér á landi, en ekki er vitað hvort fólk sé meðvitað um það. -
Akureyrarbær greiðir BSO 5,5 milljónir Slökkvilið nýtir húsið til æfinga
Bæjarráð Akureyri hefur falið bæjarstjóra að auglýsa BSO húsið fyrir áhugasama aðila til flutnings og enduruppbyggingar á öðrum stað. Leigubílstjórar hverfa á brott úr húsinu á morgun, 1. maí. Húsið verður samkvæmt samkomulagi afhent Slökkvilið Akureyrar sen mun nýta það til æfinga. Eftir að þeim lýkur á að skila húsinu og ekki í verra ástandi en það er nú. -
Húsavíkurhöfn - 100 ára afmæli Landhelgisgæslunnar - Freyja býður í heimsókn
Landhelgisgæslan fagnar 100 ára afmæli sínu nú í ár og hefur gæslan verið að ferðast víða um land og bjóða almenningi að kynna sér starfsemina og skipið. -
Setjum fjölskylduna í fyrsta sæti
Rebekka Ásgeirsdóttir skrifar
