Gengið í Glerárdal
Með tilkomu Glerárvirkjunar 2 varð til stígur frá stöðvarhúsinu við Hlíðarbraut og að inntaksstíflunni fram á Glerárdal. Byggir þetta á hugmyndum sem Skírnir Sigurbjörnsson setti fram á sínum tíma um virkjun Glerár og gerð göngustígs ofan á fallpípunni.
Þetta er liður í að opna fólkvanginn okkar, Glerárdal, betur fyrir fólki. Það er gaman að sjá hversu mikið þessi stígur er notaður, bæði af hjólandi og gangandi fólki.
Við hjónin gengum þennan stíg um daginn. Við gerðum það í tvennu lagi. Í fyrra skiptið gengum við frá skotsvæði SkotAk og fram að stíflu. Leiðin fram eftir er um 4km á góðum stíg og hækkun ekki mikil. Á þessari leið opnast dalurinn vel á móti manni og maður sér vel fjöllin sem umlykja hann. Einnig sést vel niður í gilið. Um miðja vegu fram eftir er hægt að fara yfir gömlu göngubrúna yfir á austurbakkan. En leið okkar liggur fram að stíflu. Stíflan er steypt og lítið uppistöðulón er ofan við stífluna. Þegar við vorum á ferðinni fór öll áin í inntaksrörið og ekkert fram hjá á yfirfalli, en stutt fyrir neðan eru lækir úr báðum hlíðum búnir að safna í á aftur. Stíflan er alveg ný og greinilegt að ganga þarf aðeins betur frá í kringum hana til að svæðið líti betur út. Einnig mætti Fallorka að ósekju koma upp smá áningarstað þarna til að hægt sé að tilla sér og jafnvel borða nesti. Nesti, smurt, kleinur og jafnvel kakó gefur alltaf góða stemmingu í gönguna.
Hægt er að fara yfir ána á stíflunni og tengjast stígum að austan
Viku seinna lokuðum við leiðinni með að ganga frá stöðvarhúsinu og upp að skotsvæði. Það eru tæpir 3km og leiðin töluvert brött. Göngustígurinn er góður og hann opnar fyrir manni Glerárgilið í allri sinni dýrð. Í ljós koma flúðir og fossar, sem ekki sáust áður. Gönguleiðin er mjög falleg og skemmtilega lögð upp gilbarminn. Það er ekki bara gilið og áin, sem vekur áhuga , heldur er líka gaman að sjá hversu vel hinir ýmsu klúbbar hafa komið sér upp aðstöðu í dalnum, með elju og dugnaði félagsmanna. Af stígnum sér maður vel yfir svæði Bílaklúbbs Akureyrar. Þarna er aksturssvæði KKA með góðri mótorhjólabraut. Einnig hefur Skotfélag Akureyrar sína aðstöðu þarna. Ótrúlega mikið líf!
Öll þessi framkvæmd fellur vel inn í landslagið og er til mikils sóma fyrir Fallorku. Ég mæli hiklaust með þessari leið, hvort sem er á hjóli eða gangandi. Það getur hver sem er valið sér lengd og erfiðleikastig, því alltaf er hægt að snúa við. Glerárdalur og gilið eru mjög falleg og sannarlega rétt ákvörðun hjá okkur að gera dalinn að fólkvangi.
Góða skemmtun
-Oddur Helgi Halldórsson
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir