„Frábært að þetta sé að koma frá þér“
Á síðasta ári byrjaði ég með jafnréttisfyrirlestra fyrir grunn- og framhaldsskóla á Norðurlandi. Verkefnið hefur verið ótrúlega gefandi og bæði kennarar og nemendur hafa tekið fyrirlestrinum mínum mjög vel. Í fyrirlestrinum fjalla ég meðal annars um femínisma, karlmennskuna, kvenleikann og hvernig það hefur áhrif á okkur og samfélagið í dag.
Ísland hefur náð miklum framförum í kynjajafnrétti og er ég mjög stoltur Íslendingur hvað það varðar. Að mínu mati er helsta vandamál kynjamisréttis hérlendis eitthvað sem ekki er hægt að breyta með því að skrifa ný lög eða þess háttar. Vandamálin liggja frekar í þeim óskrifuðu gildum og viðmiðum sem ríkja í samfélaginu í dag. Þetta er vissulega ný áskorun því við getum ekki breytt þessu einn tveir og bingó því þetta liggur djúpt í undirmeðvitundinni. Þessi vandamál eru í raun þessi uppbygging og krafa sem við setjum á konur og karla til að haga sér á einn eða annan hátt eða samkvæmt „sínu hlutverki“ í samfélaginu. Hvernig við horfum á fólk og komum fram við það er lykilatriði í þessari baráttu.
Nokkrum sinnum á mínu ferli sem fyrirlesari hef ég fengið athugasemdina „frábært að þetta sé að koma frá þér, svona sætri ungri stelpu“. Þessi athugasemd hefur fengið mig til að hugsa. Í fyrsta lagi þá, já það er frábært að þetta sé að koma frá mér, sem ungri konu sem getur talað af eigin reynslu og náð betur til krakkanna því ég er nálægt þeim í aldri. Það sem hefur verið að fara fyrir brjóstið á mér er athugasemdin varðandi útlit mitt og af hverju það eigi sér stað í umræðunni. Er það að vera „aðlaðandi“ í augum þessa fólks eitthvað sem gefur mér leyfi til að tala um skoðanir mínar og gildi. Hvað ef ég væri ekki „aðlaðandi“ í þeirra augum? Væru skoðanir mínar minna virði?
Kennararnir sem létu þessar athugasemdir falla hafa eflaust ekki meint neitt illt með þeim en þær fengu mig til að hugsa nánar út í þetta. Hvaða verðmiði fylgir útliti? Boðskapurinn sjálfur ætti að skipta mestu máli en ekki útlit einstaklingsins sem ber hann. Á öllum mínum fyrirlestrum hefur mér liðið vel og finnst mér krakkar jafnt og kennarar bera virðingu fyrir mér og boðskap fyrirlestrarins. Ekki misskilja mig, ég er ótrúlega þakklát fyrir öll þau tækifæri sem ég hef fengið upp á síðkastið og hvað fólk hefur tekið mér vel en alltaf má þó kafa dýpra í hlutina. Væru móttökurnar kannski ekki þær sömu ef ég væri ekki „ung og sæt stelpa“. Er bein tenging á milli þess sem við berum virðingu fyrir og því sem okkur finnst „aðlaðandi“? Og ef svo er, myndi þá vera bein tenging á milli þess sem okkur finnst ekki „aðlaðandi“ og þeim sem við berum ekki virðingu fyrir.
Um daginn rakst ég á áhugaverða málsgrein sem að tengir þetta í raun við jafnréttisbaráttuna í heild sinni, hún hljómar svo: „Ef þú segist bera virðingu fyrir konum en berð einungis virðingu fyrir þeim konum sem þér þykja aðlaðandi, þá berðu ekki virðingu fyrir konum“.
Fyrir mér er femínismi jafnréttisbarátta sem í raun snýst um gagnkvæma virðingu. Virðing fyrir manneskju, gildum hennar og réttindum. Þessi pistill er ekki hugsaður sem árás á einn eða neinn heldur áminning um það hvað má og getur farið betur í samfélaginu. Ég trúi að gagnrýnin hugsun sé lykilatriði þegar kemur að því að betrumbæta samfélagið. Það er enginn fullkominn og sama hversu gamall einstaklingurinn er þá getur hann alltaf lært eitthvað nýtt og bætt sjálfan sig. Kennum hvert öðru og verum óhrædd við það að gera mistök því þannig lærum við, tökum gagnrýni og notum hana til að verða betri manneskjur. Ég tel að heimurinn væri allt öðruvísi í dag ef við bærum raunverulega virðingu hvert fyrir öðru. Að bera virðingu fyrir manneskjunni sama hvaðan hún er, hver hún er eða hvernig hún lítur út. Bera virðingu fyrir réttindum og gildum hennar eins og þau væru þín eigin.
Nú skora ég á mína góðu vinkonu sem stendur ásamt mér á bakvið hlaðvarpsþættina VAKNAÐU. Hana Ásthildi Ómarsdóttur, ég veit hún mun ekki bregðast, hún hefur alltaf eitthvað skemmtilegt og áhugavert til frásagnar. Þangað til næst.
-Stefanía Sigurdís Jóhönnudóttir
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir