Dýrin í skógunum
Ég hef lengi velt því fyrir mér hvað það er sem gerir Akureyringa svona lítilláta. Þeir hafa hreinlega enga trú á sínu samfélagi. Það er öðruvísi farið með okkur Þingeyinga sem höfum náttúrlega mikla yfirburði yfir ykkur. Við höfum nefnilega enga minnimáttarkennd, það er bannorð í okkar samfélagi. Eðlilega. Hvers vegna? Jú, við trúum á okkur og erum uppalin við það að enginn er okkur fremri. Af hverju er ég að halda þessu fram? Jú, vegna þess að þið látið 101 Reykjavík vaða yfir ykkur áratugum saman.
Og hver er svo uppskeran? Er það skóflustungan sem Sigurður Ingi tók svona í upphafi kosninga? Af hverju var hann ekki búinn að taka hana miklu fyrr? Þið eruð búnir að hjakka í þessari flugvallarbaráttu árum saman og ekkert ávinnst. Hvað veldur því? Er það virkilega vitlaus vinnubrögð hjá ykkur eða samtakaleysi? Er 101 Reykjavík eitthvað merkilegri en þið, eða liggur það í baráttulausum þingmönnum ykkar? Það skyldi ekki vera. Það vekur athygli að KA er að ná góðum árangri í knattspyrnu, enda eru Þingeyingar í liðinu til styrktar því. Er ekki kominn tími til þess að við Norðlendingar berjum nú liðsveitir okkar betur saman og skorum á 101 Reykjavík á hólm? Heilbrigðismálin okkar Er leiðin frá Akureyri til Reykjavíkur lengri en leiðin frá Reykjavík til Akureyrar ? Var nauðsynlegt að bygging Landsspítalans væri valinn staður við Hringbrautina í R-vík.
Við Norðlendingar eigu nóg land undir svona kofabyggingar og þar að auki fyrst það var svona nauðsynlegt að hafa spítalann nálægt Háskóla, þá hebbði nú verið hægt að benda þeim á að starfandi væri Háskóli á Akureyri.og vel að merkja nákvæmlega jafnlöng vegalengd á milli. Borgríkið 101 er að draga allt til sín í okkar landi og allt fjármagn þar að auki. Það hebbði nú verið skynsamara að styrkja spítalann á Akureyri áður en framkvæmdir hófust við Hringbrautina til að létta á álaginu þar. Siggi hebbði nú geta tekið skóflustungu þar í leiðinni og hann tók skóflustunguna á flugvellinum ,fyrst hann á annað borð var kominn norður í atkvæðasmölun.
Við Norðlendingar og Austfyrðingar eigum að sameinast í baráttu okkar fyrir öflugum spítala á landsbyggðinni. Með því móti byggjum við upp velferð á landsbyggðinni og aukum öryggi okkar -við erum að sögn ráðamanna á hátíðastundum öll sömu dýrin í skóginum og eigum að vera vinir í okkar litla stórasta landi. Krefjum frambjóðendur okkar í komandi kosningum að bretta upp ermarnar og kreppa hnefana og standa saman í baráttunni um brauðið. Þessa óskar undirritaður.
-Örri Byström, Einarsstöðum
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir