Á ég að borga brúsann?–Opið bréf til Hildu Jönu Gísladóttur
Einar Brynjólfsson.
Ágæta Hilda Jana, formaður stjórnar Akureyrarstofu.
Þann 21. janúar sl. úrskurðaði Umboðsmaður Alþingis að Akureyrarbær hafi brotið gegn stjórnsýslulögum þegar ráðning í stöðu verkefnisstjóra hjá Akureyrarstofu var dregin til baka fyrir tæpu ári. Í áliti UA kemur m.a. fram að brotið hafi verið gegn ákvæði laganna um rannsóknarreglu, sbr. 10. gr. (að stjórnvald skuli sjá til þess að mál sé nægjanlega upplýst áður en ákvörðun er tekin í því), gegn ákvæði um andmælarétt, sbr. 13. gr. og gegn ákvæði um frestun máls, sbr. 18. gr.
Telja má nokkuð ljóst að málinu sé hvergi nærri lokið, enda beinir Umboðsmaður þeim tilmælum til Akureyrarbæjar að leitað verði „leiða til að rétta hlut“ umsækjandans sem á var brotið. Þau tilmæli er vart hægt að skilja á annan veg en að eðlilegt sé að greiða umsækjanda bætur fyrir misgjörðina.
Ég er áhugamaður um vandaða meðferð stjórnsýslu, sérstaklega þegar kemur að meðferð almannafjár. Af því tilefni langar mig til að beina eftirfarandi spurningum til þín.
- Álit UA er dagsett 21. janúar sl. Í fundargerðum stjórnar Akureyrarstofu, bæjarstjórnar og bæjarráðs má sjá að þetta álit hefur ekki enn verið rætt. Hverju sætir það?
- Hyggst Akureyrarbær leita sátta að fyrra bragði við umsækjandann sem á var brotið?
- Hvaða ráðstafanir verða gerðar á stjórnsýslu bæjarins til að fyrirbyggja að svona fúsk verði endurtekið?
- Í gögnum málsins kemur fram að deildarstjóri Akureyrarstofu hafi játað á sig handvömm í ráðningarferlinu. Verður deildarstjórinn látinn axla ábyrgð með einhverjum hætti og/eða aðrir sem að ráðningarferlinu komu?
- Mun stjórn Akureyrarstofu axla ábyrgð með einhverjum hætti, og þá hvernig?
- Mun einhver axla ábyrgð?
- Á ég að borga brúsann?
Með von um greinargóð svör,
-Einar Brynjólfsson, útsvarsgreiðandi og fyrrverandi þingmaður
Nýjast
-
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja.
Athugasemdir