Á Vorkomu Akureyrarbæjar sem er haldin árlega á sumardaginn fyrsta eru veittar ýmsar viðurkenningar og tilkynnt um hver verði næsti bæjarlistamaður Akureyrar en að þessu sinni hlýtur Kristján Edelstein tónlistarmaður þann heiður.
Höldum áfram að taka hús á handboltaþjálfurum bæjarins en nú dregur til úrslita eins og fram kom í gær í spjalli við Stevce Alusevski þjálfara Þórs. Það er Jónatan Magnússon þjálfari KA sem svarar í dag nokkrum spurningum okkar en lið hans byrjar i dag keppni i 8 liða úrslitum um Íslandsmeistaratitilinn þegar það mætir Haukum á Ásvöllum í Hafnarfirði.
Við lokum svo þessum handboltaþríleik á fimmtudag i næstu viku þegar Andri Snær Stefánsson þjálfari mfl KA/Þór verður fyrir svörum.
Samningurinn er til tveggja ára og með honum styrkir Eyjafjarðarsveit Skógræktarfélag Eyfirðinga um tvær milljónir króna hvort árið
Bæjarstjórn Akureyrarbæjar samþykkti á fundi sínum þann 12. apríl síðast liðinn endurskoðaða mannréttindastefnu bæjarins.
Þegar handknattleiksdeild Þórs tilkynnti um ráðningu á Makedóníumanninum Stevce Alusevski sem þjálfara mfl. liðs félagsins í handbolta lyftu mjög margir brúnum því maðurinn er mjög vel þekktur í handboltaheiminum og þjóðargersemi nánast í sínu heimalandi. Maðurinn er afar sigursæll og það er hreinlega allt of langt mál að telja upp alla hans titla og vegtyllur. Það að hann færi að þjálfa lið í næst efstu deild á Íslandi þótti með ólíkindum.
Nú þegar hefur hann komið Þórsliðinu i 4 liða úrslit um sæti í efstu deild. Keppnin hefst í dag með leik gegn Fjölni í Grafarvogi, því var ekki úr vegi að taka Alusevski tali og forvitnast um hann og hvernig honum líki lífið á Akureyri.
Akureyringar og landsmenn allir eru hvattir til að tína (plokka) rusl
Menningarhúsið Hof tekur virkan þátt í Barnamenningarhátíð á Akureyri með fjölbreyttum viðburðum á sumardaginn fyrsta
V-listi VG og óháðra í Norðurþingi sendi frá sér yfirlýsingu í morgun
Helena Eydís Ingólfsdóttir og Hafrún Olgeirsdóttir skrifa
Óhætt er að segja að þeir bræður Ívar og Eyþór Rúnarssynir 14 og 16 ára hafi gert góða ferð í Eyjafjarðará á dögnum þegar þeir settu svo sannarlega í þá stóru.
Eyjafjarðará sem var á árum áður mun betur þekkt sem afbragðs bleikjuá er í dag að verða ein helsta ,,geymsla“ landsins á afar vænum sjóbirtingum sem freista veiðimanna mjög, já það tifa vænar blöðkur í Eyjafjarðará. Bræðurnir sem báðir eru einnig mjög liðtækir knattspyrnumenn hnýta flestar flugur sínar sjálfir og það var Black Ghost straumfluga sem annar birtingurinn gein við, hinn réðst á Squarmy púpu.
Vegna þess hve ungir þeir bræður eru þurfa foreldra þeirra að trilla með þá út og suður til veiða og á fótboltaæfingar og viðurkennir móðir þeirra Valgerður Jónssdóttir að þrátt fyrir að áhugi foreldrana sé mikill bæði fyrir stangveiði og fótbolta horfi þau til þess með nokkurri tilhlökkun þegar Eyþór fær bílprófið.
Stóri plokkdagurinn verður haldinn næsta sunnudag, 24. apríl, og þá eru Akureyringar og landsmenn allir hvattir til að tína (plokka) rusl.
Nú er frábær tími til að hreinsa bæinn okkar og koma honum í sparifötin fyrir sumarið, enda er ýmislegt sem kemur í ljós þegar snjórinn hopar á vorin. Plokk er frábær útivera og gefandi verkefni sem eflir núvitund og gerir umhverfinu gott. Plokkið kostar ekkert og kallar ekki á búnað eða tæki nema þá helst ruslapoka og hanska.
Í Facebook-hópnum Plokk á Akureyri er tilvalið að hafa samband við aðra plokkara, merkja sér svæði til að hreinsa og láta vita hvernig gengur með máli og myndum.
Afrakstur plokksins má skilja eftir í sérstökum gámum sem settir verða við allar grendarstöðvar bæjarins frá miðvikudeginum 20. apríl fram til mánudagsins 25. apríl.
Stjórnendur og starfsfólk stofnana og fyrirtækja á Akureyri eru hvött til að plokka í kringum sína vinnustaði í vikunni og hita þannig upp fyrir stóra daginn.
Nokkur góð ráð:
-Plokkum og hreyfum okkur í leiðinni – æfing dagsins
-Klæðum okkur eftir veðri
-Notum hanska og tangir ef þær eru til
-Virkjum alla fjölskylduna, vini og nágranna en hver á sínum hraða.
Efling sjúkraþjálfun opnar starfstöð í Kaupangi í haust
Þórir Jóhannsson, kontrabassaleikari og Ingunn Hildur Hauksdóttir, píanóleikari flytja tónlist eftir Zoltán Kodály, Giovanni Bottesini, Max Bruch, Árna Egilsson, Karólínu Eiríksdóttur og Þórð Magnússon
Úthlutun lóðarinnar er háð breytingu á deiliskipulagi
Akureyringurinn Ragnar Hólm Ragnarsson hefur verið valinn til að sýna á IWS vatnslitahátíðinni í Madríd sem hefst í lok júní. Ragnar er eini Norðurlandabúinn sem tekur þátt í samsýningu á annað hundrað listamanna víðsvegar að úr heiminum.
Þrátt fyrir miklar áskoranir og alvarlegar afleiðingar færði kórónaveirufaraldurinn okkur líka mörg ný tækifæri. Þessi tækfæri ákváðum við hjónin að grípa og láta drauminn rætast um að búa í sveit með því að taka að okkur störf án staðsetningar. Eflaust megum við teljast heppin að geta flutt störfin með okkur, en að mínu mati geta ansi margir á vinnumarkaðinum gert slíkt hið sama og tekið starfið með sér hvert á land og hvert í heim sem er.
En af hverju völdum við í Norðurþing? Tækifærið kom upp í hendurnar á okkur og þar sem ég gat flutt starfið með mér var þetta aldrei spurning, enda sjáum við fjölmörg tækifæri í þessu sveitarfélagi sem er svo skemmtilega fjölbreytt með þéttbýliskjörnum sínum í bland við blómlegar sveitirnar. Það er líka svo gott að flytja heim aftur.
Aldrei fyrr hafa verið jafn mikilvæg tækifæri fyrir sveitarfélög á landsbyggðinni að laða til sín nýja íbúa sem geta flutt með fjölskylduna í barnvæn smærri samfélög og flutt starfið með sér í leiðinni. Fólk þarf ekki lengur að bíða eftir atvinnutækifæri til að geta flutt út á land heldur er mögulegt að óska eftir því að flytja atvinnuna með sér.
Þá er það okkar sem sækjumst eftir því að þjóna samfélaginu með setu í sveitarstjórn að gera sveitarfélagið okkar að aðlaðandi kosti fyrir þennan nýja hóp sem mun á næstu árum nýta sér tækifærið sem ég er að gera einmitt núna.
En hvernig löðum við þennan nýja hóp að Norðurþingi? Haga þarf skipulagsmálum sveitarfélagsins þannig að framboð lóða og húsnæðis sé í takt við bjartsýna framtíðarsýn hvað varðar íbúaþróun. Tryggja þarf góða grunnþjónustu við þann fjölbreytta hóp nýrra íbúa sem munu kjósa Norðurþing til framtíðarbúsetu, ekki síst ef um er að ræða íbúa sem eru af erlendu bergi brotnir því þegar við erum að horfa til starfa án staðsetningar þá er heimurinn allur undir. Við getum markaðssett sveitarfélagið með þennan hóp í huga og orðið öðrum sveitarfélögum fyrirmynd.
Til þess að framtíðarsýn sem þessi megi rætast þurfum við að vinna saman, öll sem eitt, við að skapa aðlaðandi sveitarfélag. Best væri að allir bæjarfulltrúarnir níu myndu starfa saman af virðingu og ég mun ekki láta mitt eftir liggja í þeim efnum.
Soffía Gísladóttir, íbúi í Kelduhverfi sem skipar 2. sæti á lista Framsóknar fyrir sveitarstjórnarkosningarnar þann 14. maí nk.
-Þurfa að fjarlæga húsið á eigin kostnað og hafa sig á brott bótalaust
Uppbygging í Ölduhverfi í Eyjafjarðarsveit hefst síðar á árinu - Mikilvæg viðbót við uppbyggingu í Hrafnagilshverfi segir sveitarstjóri
Seta í sveitarstjórn er fjölbreytilegt starf, bæði krefjandi og spennandi. Fulltrúi í sveitarstjórn er hluti af æðsta stjórnvaldi sveitarfélags og tekur þátt í ákvörðunartöku um öll helstu mál sem varða sveitarfélagið. Það er spennandi að fá tækifæri til að móta umhverfi sitt með þátttöku í sveitarstjórn...
Andrésar andar leikarnir haldnir eftir tveggja ára hlé
Kvenfélag Húsavíkur kom saman í síðustu viku til að heiðra þær félagskonur sem eru eða verða 80 ára á árinu
