Verðandi listsjóður - Opið fyrir umsóknir
Verðandi listsjóður - Opið fyrir umsóknir
Ekki láta tækifærið til þess að sækja um í listsjóðinn VERÐANDI fram hjá þér fara!
Helstu markmið VERÐANDI eru að auðvelda ungu listafólki og þeim sem standa utan stofnanna að nýta sér þá fyrirmyndar aðstöðu sem Menningarhúsið Hof hefur uppá að bjóða, stuðla að fjölbreytileika í listviðburðum í húsinu og nýta möguleika þess sem best. Sjóðurinn veitir styrki til kostnaðar vegna afnota af salarkynnum, tæknibúnaði, tækniþjónustu og framhúsi.
Styrkþegar VERÐANDI eru orðnir 59 á átta árum. Meðal styrkþega má nefna Matiss Leo Mekl, Eik Haraldsdóttur, Guðmund Tawan, Tinnu Björgu Traustadóttur, Hljómsveit Akureyrar, Birki Blæ og Einar Óla, Alexander Edelstein, Jón Þorsteinn Reynisson, Jónínu Björt Gunnarsdóttur, Miomantis, Gospelraddir Akureyrar og leikhópinn Spritz og Viktoríu Sigurðardóttur.
Viðburðirnir sem fengið hafa styrk hafa verið af ýmsum toga s.s. tónleikar, dansverk og leikverk og hafa sum þeirra verið frumsamin, en önnur þekkt. Það er óhætt að segja að styrkþegar VERÐANDI hafi með viðburðum sínum aukið enn frekar á fjölbreytt listalíf, ekki bara hér í Hofi heldur bæjarins alls, segir Kristín Sóley Björnsdóttir viðburðastjóri og verkefnastjóri VERÐANDI um leið og hún hvetur áhugasama um að kynna sér málin og sækja um.
VERÐANDI er samstarfsverkefni Akureyrarbæjar, Menningarfélagsins Hofs og Menningarfélags Akureyrar sem kallar nú eftir umsóknum fyrir starfsárið 2026-2027.
Umsóknarfrestur er til miðnættis 3. maí.
Sótt er um rafrænt á heimasíðu Menningarfélags Akureyrar - mak.is
Nýjast
-
Mozart kitlar hláturtaugarnar í Mývatnssveit
Það er ekki skortur á afþreyingu á Norðurlandi í aðdraganda páska en sérstaka athygli vekur metnaðarfull menningarveisla í Mývatnssveit -
Verðandi listsjóður - Opið fyrir umsóknir
Ekki láta tækifærið til þess að sækja um í listsjóðinn VERÐANDI fram hjá þér fara! -
Góð frammistaða Óðins á Íslandsmeistaramóti í 50m laug
Íslandsmeistaramót í 50m laug 2026 fór fram í Ásvallarlaug í Hafnarfirði helgina 27.- 29. mars og var Sundfélagið Óðinn með 16 keppendur skráða til leiks. Vegna veðurs þurfti hópurinn að ferðast degi fyrr en auka dagur í Hafnarfirði var vel nýttur til æfinga í keppnislauginni. -
Nýr deildarstjóri Eyjafjarðardeildar Rauða krossins
Sigurbjörg Rún Jónsdóttir hefur tekið við stöðu deildarstjóra Eyjafjarðardeildar Rauða krossins. Sirrý, eins og hún er jafnan kölluð, mætti til starfa í höfuðstöðvum deildarinnar í Viðjulundi 2 á Akureyri í dag. „Ég hlakka til að kynnast öllum sjálfboðaliðum og starfsfólki deildarinnar og halda áfram að byggja upp það mikilvæga starf sem deildin sinnir á Norðurlandi,“ segir Sirrý. -
Handsalaður samningur árið 1983 entist út ævistarfið
Hákon Þröstur Guðmundsson útgerðarstjóri Samherja lætur af störfum í dag, 1. apríl eftir að hafa starfað hjá félaginu til sjós og lands í nærri 43 ár. -
Samheldni og gleði
Það var virkilega ánægjulegt að sjá samstöðuna á íþróttasvæði Völsungs á dögunum þegar sjálfboðaliðar tóku sig til og hreinsuðu völlinn svo bæði meistaraflokkur karla og kvenna í knattspyrnu gætu spilað fótbolta við aðkomulið í góðu en köldu veðri. Eins og menn vita þá hefur snjóað töluvert á Húsavík síðustu daga og reyndar vikur. Það var því töluvert verk að hreinsa völlinn en samstaðan sigrar alltaf, ekki spurning. Sjá myndir af frábæru fólki sem stóð vaktina eins og reyndar oft áður. Áfram Völsungur! -
Framkvæmdir á athafnasvæði Skútabergs hafnar
Vinna við gerð geymslusvæðis og sjónmanar á athafnasvæði Skútabergs á Moldhaugnahálsi eru vel á veg komnar. Jafnframt eru framkvæmdir hafnar við gerð varanlegs svæðis fyrir bíla og vagna í samræmi við deiliskipulag svæðisins. -
Verið að moka snjó út um allan bæ
Unnið er að snjómokstri á stofn- og tengibrautum ásamt íbúðargötum á Akureyri og er stefnt að því að ryðja allar götur fyrir páska. Takist það ekki verður að sjálfsögðu haldið áfram þar til verkinu er lokið. -
Skautarnir hennar Eddu Indriðadóttur komnir í Skautahöllina
Heiðursfélagi Skautafélags Akureyrar og margfaldur Íslandsmethafi í skautahlaupi afhenti félaginu um helgina skautahlaupsskautana sína sem hún notaði við flest þau afrek sem hún vann til á ferlinum. Skautana afhenti hún félaginu á vormóti ÍSS sem fram fór um helgina og eru þeir nú til sýnis í Skautahöllinni ásamt verðlaunapeningum hennar og keppnisnúmerinu hennar, 13.
