Veiðigjald getur flýtt Norðfjarðar- og Dýrafjarðargöngum
Steingrímur J. Sigfússon segir veiðigjaldið ekki landsbyggðarskatt
Mér er nú ekki kunnugt um að Akureyrarbær muni greiða veiðigjald og mér ekki kunnugt um að þessir fjármunir hafi farið í að borga útsvar eða leggja inn peninga til sveitarfélaganna. Það eru eigendur útgerðanna sem greiða þetta gjald, og það minnkar sú framlegð og sá gróði sem þær hafa, segir Steingrímur Sigfússon efnahags- og viðskiptaráðherra og sjávarútvegs- og landbúnaðarráðherra í samtali við Vikudag, aðspurður um hvort nýttt veiðigjald sem samkomulag hefur náðst um á þingi sé ekki í raun skattur á útgerðarbæ eins og Akureyri. Hann segir einnig að veiðigjald muni ganga inn í samgönguáætlun og gera það að verkum að hægt verði að flýta bæði Norðfjarðar- og Dýrafjarðargöngum.
Steingrímur segir umræðu um landsbyggðarskatt á villigötum þegar komi að því að greiða eðlilegt afgjald fyrir afnot af sameiginlegri auðlind og varasamt að hólfa þjóðina niður í þessum efnum. Hann segir að svo framarlega sem gjaldtakan sé eðlilega stillt af miðað við afkomu greinarinnar á hverjum tíma eigi þessi gjaldtaka ekki að hafa nein áhrif af þessu tagi. Eins og þetta er stillt af núna, þá er lagt af stað mjög varlega miðað við þá gríðarlega góðu afkomu sem er í greininni um þessar mundir. Það er gleðilegt að greinin hefur styrkst mikið undanfarin fjögur ár og notið þessa góða árferðis sem verið hefur, en það hefur hún gert án þess að leggja mikið af mörkum i formi veiðigjalda. Þannig að það er kominn er tími á að þjóðin fái meira í sinn hlut. Það kemur sér líka vel fyrir grátt leikinn ríkissjóð eftir hrunið og þá getum við, að hluta til á grundvelli þessa, sett í gang framkvæmdir í landinu. Þetta gengur beint inn í samgönguáætlun og gerir það að verkum að við getum flýtt Norðfjarðargöngum og síðan Dýrafjarðargöngum og þá sjá menn nú beint árangurinn af því að ríkið verður í færum til að láta slíka hluti gerast, segir Steingrímur. Hann segir að þegar þetta sé allt haft í huga sé ekki hægt að tala um landsbyggðarskatt og vonar að menn verði sæmilega sáttir.
Lesa má meira um sjónarmið Steingríms í Vikudegi sem kemur út af fimmtudag
Nýjast
-
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins. -
Hinsegin hátíð á Norðurlandi eystra
Hinsegin hátíð á Norðurlandi eystra verður haldin í fyrsta skiptið dagana 18.–22. júní 2025. Öll sveitarfélög á Norðurlandi eystra standa að hátíðinni og stefnt er að því að viðburðir fari fram sem víðast í öllum landshlutanum. -
Magnaði Mendelssohn
Felix Mendelssohn (Bartholdy) er talinn hafa verð einn mesti tónsnillingur allra tíma. Undrabarn sem á sinni stuttu 38 ára æfi samdi eina fallegustu tónlist veraldar. Jafnvel önnur tónskáld kölluð hann "hinn nýja Bach" m.a. Liszt, Schumann og Berlioz. -
Glæsileg A-álma tekin í notkun í Glerárskóla
Ný og endurbætt A-álma hefur verið tekin í notkun í Glerárskóla. Gestum bauðst að líta á þær heilmiklu breytingar sem gerðar hafa verið á álmunni, en húsnæðið hefur verið endurnýjað á þann hátt að miklar breytingar hafa verið gerðar á vinnuumhverfi nemenda og starfsfólks. -
Fiskur frá smábátum dregur úr afköstum landvinnslunnar og bónusar starfsfólks lækka
Afköst í fiskvinnsluhúsum Samherja dragast verulega saman þegar keyptur er afli af strandveiðibátum til vinnslu. Starfsmaður sem hefur unnið í tæpa fimm áratugi hjá Útgerðarfélagi Akureyringa segir sláandi mun á gæðum hráefnis frá smábátum og togurum sem veiða á djúpslóð. Bónusar fiskvinnslufólks lækka þegar unninn er afli frá smábátum því mun tímafrekara er að verka fiskinn. -
Af slúbbertum og svörtum sauðum
Vísir birti nýlega frétt um nýútkomna skýrslu Viðskiptaráðs þar sem fjallað er um uppsagnarvernd opinberra starfsmanna. Sá sem fréttina ritar kýs að reyna að fá fleiri „smelli“ með því að leggja skýrsluhöfundi orð í munn eins og að kalla opinbera starfsmenn „slúbberta“.
