Um 130 heimili fengu aðstoð fyrir páskana
Jóna Berta Jónsdóttir formaður Mæðrastyrksnefndar segir að mikill fjöldi fólks hafi leitað eftir aðstoð frá áramótum, en nefndin hefur úthlutað gjafabréfum til þeirra sem óskað hafa eftir aðstoð hennar. „Það er svo sannarlega nóg að gera hjá okkur og ég veit ekki hvort álagið geti aukist mikið meira en orðið er. Þetta hefur aukist gríðarlega og má segja að fyrst hafi orðið vart við þá aukningu strax og efnahagshrunið varð í október 2008 og hefur haldist síðan. Við höfum reynt að vera með úthlutun einu sinni í mánuði allt árið, en það fyrirkomulag var ekki við lýði fyrir hrun.” Jóna Berta segir að óljóst sé á þessari stundu hversu lengi fram eftir ári Mæðrastyrksnefnd geti veit skjólstæðingum sínum aðstoð. „Það hefur gengið vel hjá okkur, margir leggja okkur lið og án aðstoðar þeirra gætum við ekki haldið þessu starfi úti. Staðan er hins vegar sú að það er óljóst hversu lengi við getum boðið upp á óbreytta aðstoð.“ Jón Oddgeir Guðmundsson hjá Hjálparstarfi kirkjunnar segir að heldur hafi dregið úr aðstoð þar. Eftir áramót var fólk sem leitaði liðsinnis Hjálparstarfsins beðið um að upplýsar um tekjur og gjöld, þannig að hægt væri að glöggva sig á því úr hverju menn hefðu að spila. Í kjölfarið datt hópur sem leitað hafði aðstoðar út. Bæði Jóna Berta og Jón Oddgeir tóku fram að enginn mannamunur væri gerður á þegar að úthlutun kæmi og fólki ekki mismunað eftir kynþætti, trúarbrögðum eða öðru.
Nýjast
-
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins. -
Hinsegin hátíð á Norðurlandi eystra
Hinsegin hátíð á Norðurlandi eystra verður haldin í fyrsta skiptið dagana 18.–22. júní 2025. Öll sveitarfélög á Norðurlandi eystra standa að hátíðinni og stefnt er að því að viðburðir fari fram sem víðast í öllum landshlutanum. -
Magnaði Mendelssohn
Felix Mendelssohn (Bartholdy) er talinn hafa verð einn mesti tónsnillingur allra tíma. Undrabarn sem á sinni stuttu 38 ára æfi samdi eina fallegustu tónlist veraldar. Jafnvel önnur tónskáld kölluð hann "hinn nýja Bach" m.a. Liszt, Schumann og Berlioz. -
Glæsileg A-álma tekin í notkun í Glerárskóla
Ný og endurbætt A-álma hefur verið tekin í notkun í Glerárskóla. Gestum bauðst að líta á þær heilmiklu breytingar sem gerðar hafa verið á álmunni, en húsnæðið hefur verið endurnýjað á þann hátt að miklar breytingar hafa verið gerðar á vinnuumhverfi nemenda og starfsfólks. -
Fiskur frá smábátum dregur úr afköstum landvinnslunnar og bónusar starfsfólks lækka
Afköst í fiskvinnsluhúsum Samherja dragast verulega saman þegar keyptur er afli af strandveiðibátum til vinnslu. Starfsmaður sem hefur unnið í tæpa fimm áratugi hjá Útgerðarfélagi Akureyringa segir sláandi mun á gæðum hráefnis frá smábátum og togurum sem veiða á djúpslóð. Bónusar fiskvinnslufólks lækka þegar unninn er afli frá smábátum því mun tímafrekara er að verka fiskinn. -
Af slúbbertum og svörtum sauðum
Vísir birti nýlega frétt um nýútkomna skýrslu Viðskiptaráðs þar sem fjallað er um uppsagnarvernd opinberra starfsmanna. Sá sem fréttina ritar kýs að reyna að fá fleiri „smelli“ með því að leggja skýrsluhöfundi orð í munn eins og að kalla opinbera starfsmenn „slúbberta“.
