Þórsarar á toppinn eftir öruggan sigur á KA
Þórsarar fengu draumabyrjun er Atli Sigurjónsson skoraði eftir rúmlega fjögurra mínútna leik af stuttu færi inn í teig. Vel gert hjá Atla og staðan 1:0. Leikurinn var hníjafn og Daniel Alan Stubbs fékk tvö ágætis færi fyrir KA snemma í leiknum en tókst ekki að færa sér það í nyt. Kristján Steinn Magnússon kom inn á lið Þórs á 21. mínútu fyrir Ármann Pétur Ævarsson, sem glímir við meiðsli, og var Kristján nálægt því að bæta við marki fyrir heimamenn stuttu eftir innkomuna en skot hans hafnaði í stönginni eftir fína skyndisókn Þórsara.
Aðeins mínútu síðar kom annað mark Þórs og það skoraði fyrirliði heimamanna, Þorsteinn Ingason, af stuttu færi eftir darraðadans inn í teig gestanna. Staðan 2:0 fyrir heimamenn eftir rúmlega tuttugu mínútna leik, en gestirnir voru þó síst lakari aðilinn í leiknum fram að þessu. Þórsarar fengu hins vegar byr undir báða vængi eftir annað markið og sóttu meira. Atli Sigurjónsson var nálægt því að skora þriðja mark Þórs þremur mínútum síðar en glæsilegt skot hans úr aukaspyrnu hafnaði í stönginni. KA- menn voru nálægt því að minnka muninn þegar fjórar mínútur voru til loka fyrri hálfleiks er varnarmaðurinn Haukur Hinriksson átti skalla í þverslána. Þórsarar voru svo nálægt því að bæta við sínu þriðja marki skömmu fyrir hlé er Sveinn Elías Jónsson komst einn gegn Sandor Matus í marki KA en Sandor sá við honum. Staðan í hálfleik, 2:0.
KA-menn lágu vel á Þórsurum snemma í seinni hálfleik en Þórsarar stóðu þá pressu af sér. Það fór að lifna yfir heimamönnum þegar líða tók á hálfleikinn og Sigurður Marinó Kristjánsson átti skot á 65. mínútu sem var varið á línu af varnarmanni KA. Það var svo á 70. mínútu sem þriðja mark Þórs í leiknum leit dagsins ljós og kom það eftir skelfileg mistök Sandor Matus í marki KA. Sandor ætlaði að hreinsa boltann frá markinu en sendi boltann beint á Sigurð Marínó Kristjánsson sem þakkaði fyrir sig með marki rétt fyrir aftan miðju.
Lokatölur sanngjarn 3:0 sigur Þórs.Nýjast
-
Af slúbbertum og svörtum sauðum
Vísir birti nýlega frétt um nýútkomna skýrslu Viðskiptaráðs þar sem fjallað er um uppsagnarvernd opinberra starfsmanna. Sá sem fréttina ritar kýs að reyna að fá fleiri „smelli“ með því að leggja skýrsluhöfundi orð í munn eins og að kalla opinbera starfsmenn „slúbberta“. -
Félag eldri borgara á Akureyri sækir um lóðir við Þursaholt Hafnað því ekki er búið að ákveða hvernig á að úthluta lóðunum
Akureyrarbær hefur ekki tekið ákvörðun um hvernig lóðum við Þursaholt verður úthlutað. Umsókn Félags eldri borgara á Akureyri, EBAK sem sótti um lausar lóðir á svæðinu var því hafnað. -
Ofurþéttingarárátta samtímans
Skipulagsráð Akureyrarbæjar hefur lagt til að bæjarstjórn samþykki tillögu að breytingu á aðalskipulagi 2018-2030. Í greinargerð segir að gert sé ráð fyrir að uppbygging hefjist fyrst á svokölluðum Tjaldsvæðisreit auk þess sem unnið verði að undirbúningi uppbyggingar til blandaðrar landnotkunar á Akureyrarvelli. -
Fyrsta beina flug sumarsins til Amsterdam
Í dag er fyrsta beina flug sumarsins til Amsterdam, en það er á vegum Verdi Travel og Transavia Flogið verður vikulega á fimmtudögum, til 14. ágúst n.k. -
Ríkið tekur – landsbyggðirnar fá minna
Hjálmar Bogi Hafliðason skrifar -
Þegar samfélagið þagnar
Benóný Valur jakobsson skrifar -
Fólk greiðir hundruð þúsunda í dvalarkostnað vegna heilbrigðisþjónustu
Aðalfundur Krabbameinsfélagsins skorar á heilbrigðisráðherra að endurskoða greiðsluþátttöku vegna sjúkradvalar innanlands og tryggja, til dæmis með greiðsluþaki, að kostnaður sjúklings og aðstandenda vegna nauðsynlegrar dvalar á sjúkrahóteli sligi ekki fólk af landsbyggðinni. -
Óvissustig enn í gildi á Norðurlandi eystra
Lögreglan á Norðurlandi eystra sendi fyrr i kvöld frá sér eftirfarandi athugasemd: -
Teikning sem lyftistöng fyrir minni og líðan
Listmeðferð hefur á undanförnum árum vakið aukna athygli sem áhrifarík aðferð til að bæta líðan og efla nám. Ein af frumkvöðlum á þessu sviði er Dr. Unnur Óttarsdóttir, listmeðferðarfræðingur og rannsakandi, sem hefur þróað og kennt listmeðferð í yfir þrjá áratugi.