Sýnir 100 ára sögu bifhjóla á Íslandi
Ólafur Sveinsson (t.v.) og Ingólfur Jónsson standa aftan við hjól af gerðinni Kawasaki 750cc frá árinu 1973.
Aðsóknin hefur verið fín hjá okkur þetta fyrsta ár og það er alltaf reitingur, segir Ólafur Sveinsson safnstjóri á Mótorhjólasafni Íslands á Akureyri. Safnið hefur verið starfandi í rúmlega ár en það var stofnað þann 15. maí í fyrra í minningu Heiðars Þ. Jóhannssonar vélhjólamanns sem lést í mótorhjólaslysi árið 2006. Frá maí í fyrra til áramóta heimsóttu um 3000 þúsund gestir safnið en Ólafur á von á því að sú tala tvöfaldist þetta árið. Hann segir þó lítið um að heimamenn sæki safnið heim.
Síðasta einn og hálfan mánuðinn hafa nánast bara erlendir ferðamenn heimsótt safnið og mér finnst vanta að heimafólk komi til okkar. Ég hvet alla Akureyringa og nærsveitarmenn að koma hérna við og sjá þessa gripi sem við erum með til sýnis, segir Ólafur.
Á safninu má finna mótorhjól af öllum stærðum og gerðum, gömlum og nýjum. Að jafnaði eru sextíu hjól til sýnis og er elsta hjólið frá árinu 1928 og það allra nýjasta er frá árinu 2000. Það sem við á safninu erum að reyna að gera er að sýna þessa rúmlega hundrað ára sögu sem bifhjólið á sér á Íslandi. Við erum að sýna hjól sem hafa ekki sést mikið á götum landsins. Auk hefðbundinnar safnastarfsemi er hugmyndin að skapa athvarf fyrir hjólafólk, hvort heldur er Akureyringa eða annað hjólafólk á ferð um landið.
Meðal þess sem starfrækt er í tengslum við safnið er minjagripasala og sölusýningar, svo fátt eitt sé nefnt. Eitt herbergið á safninu er tileinkað Heiðari, svokallað Heidda herbergi, og þar er að finna allskyns persónulega muni tengda honum.
Þau hjól sem þar eru inni er eingöngu þau sem hann átti en þau voru alls 22 þegar hann lést. Svo eru þar einnig hjól sem hafa verið gefin eða lánuð. Heiðar hafði líka ástríðu fyrir Zippo kveikjurum og safnaði þeim og það safn er til sýnis. Hann vann einnig til fjölda verðlauna fyrir bæði sýningar og akstursíþróttir af öllu tagi og allir verðlaunagripirnir eru til sýnis í herberginu, segir Ólafur.
Hann stefnir að því að gera safnið eins lifandi og hægt er. Ég reikna með að breyta allri uppsetningu á hjólunum á nokkurra vikna fresti, hafa mismunandi tegundir af hjólum hverju sinni og svo er stefnan að hafa þemakvöld. Þannig að það eru spennandi tímar framundan hjá okkur, segir Ólafur. Safnið er staðsett á Krókeyri 2 á Akureyri og er opið frá 10-17:00 alla daga. Einnig er hægt að sjá ýmsan fróðleik tengdan safninu og mótorhjólunum sem þar eru á: www. motorhjolasafn.is
Nýjast
-
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins.
