SS Byggir bauð lægst í byggingu 5. áfanga við HA
Háskólasvæðið á Sólborg. Mynd: Hörður Geirsson.
Fyrirtækið SS Byggir ehf. á Akureyri átti lægsta tilboð í byggingu fimmta áfanga við Háskólann á Akureyri á Sólborg en tilboðin voru opnuð í dag. Alls bárust fjögur tilboð í verkið og voru þau öll yfir kostnaðaráætlun, sem hljóðaði upp á rúmar 217,7 milljónir króna. SS Byggir bauð rúmar 218 milljónir króna, eða rúmlega 100% af kostnaðaráætlun. Hyrna ehf. á Akureyri átti næst lægsta tilboð, tæpar 229,4 milljónir króna, eða rúmlega 105% af kostnaðaráætlun, Tréverk ehf. á Dalvík bauð tæplega 230,2 milljónir króna, eða tæplega 106% af kostnaðaráætlun og fyrirtækið BB byggingar ehf. á Akureyri bauð rúmar 235,7 milljónir króna, eða um 108% af kostnaðaráætlun.
Stefnt er að því að hefja framkvæmdir við verkið sem fyrst en áætluð verklok eru 16. ágúst 2013. Þeir fjármunir sem ríkið fékk vegna sölu á 75% hlut sínum í Húsmæðraskólanum við Þórunnarstræti, alls 45 milljónir króna, verða nýttir í framkvæmdina við HA. Þegar framkvæmdum við 5. áfanga lýkur, er byggingaframkvæmdum á svæðinu lokið, í bili að minnsta kosti. Með tengibyggingu er 5. áfangi 740 fermetrar og þar verða skrifstofur kennara. Tilboðin voru opnuð í Reykjavík en það vakti athygli þeirra sem ætluðu að fylgjast með opnuninni símleiðis frá Háskólanum á Akureyri, að fá það ekki. Þeir fengu niðurstöðurnar eftir að búið var að opna öll tilboðin.
Nýjast
-
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins. -
Hinsegin hátíð á Norðurlandi eystra
Hinsegin hátíð á Norðurlandi eystra verður haldin í fyrsta skiptið dagana 18.–22. júní 2025. Öll sveitarfélög á Norðurlandi eystra standa að hátíðinni og stefnt er að því að viðburðir fari fram sem víðast í öllum landshlutanum. -
Magnaði Mendelssohn
Felix Mendelssohn (Bartholdy) er talinn hafa verð einn mesti tónsnillingur allra tíma. Undrabarn sem á sinni stuttu 38 ára æfi samdi eina fallegustu tónlist veraldar. Jafnvel önnur tónskáld kölluð hann "hinn nýja Bach" m.a. Liszt, Schumann og Berlioz. -
Glæsileg A-álma tekin í notkun í Glerárskóla
Ný og endurbætt A-álma hefur verið tekin í notkun í Glerárskóla. Gestum bauðst að líta á þær heilmiklu breytingar sem gerðar hafa verið á álmunni, en húsnæðið hefur verið endurnýjað á þann hátt að miklar breytingar hafa verið gerðar á vinnuumhverfi nemenda og starfsfólks. -
Fiskur frá smábátum dregur úr afköstum landvinnslunnar og bónusar starfsfólks lækka
Afköst í fiskvinnsluhúsum Samherja dragast verulega saman þegar keyptur er afli af strandveiðibátum til vinnslu. Starfsmaður sem hefur unnið í tæpa fimm áratugi hjá Útgerðarfélagi Akureyringa segir sláandi mun á gæðum hráefnis frá smábátum og togurum sem veiða á djúpslóð. Bónusar fiskvinnslufólks lækka þegar unninn er afli frá smábátum því mun tímafrekara er að verka fiskinn. -
Af slúbbertum og svörtum sauðum
Vísir birti nýlega frétt um nýútkomna skýrslu Viðskiptaráðs þar sem fjallað er um uppsagnarvernd opinberra starfsmanna. Sá sem fréttina ritar kýs að reyna að fá fleiri „smelli“ með því að leggja skýrsluhöfundi orð í munn eins og að kalla opinbera starfsmenn „slúbberta“.
