Sköpum okkar eigin tækifæri
Ungt fólk fær tækifæri til að láta ljós sitt skína á Hafurtask.
Búum okkur til viðurværi sjálf og sköpum okkar eigin tækifæri. Þetta segir Leikhópurinn Þykista, nýr hópur ungra frumkvöðla frá Akureyri, sem stendur fyrir Götulistahátíðinni Hafurtask á Akureyri dagana 20-25. ágúst nk. Áherslur hátíðarinnar endurspegla tilgang og markmið Þykistu; að skapa vettvang fyrir ungt fólk til að læra, skapa og koma sér og verkum sínum á framfæri. Á Götulistahátíðinni skal allt hafurtask ungra Akureyringa borið á götur og sýnt hverjum sjáandi.
Fólk á aldrinum 15-30 ára gefst tækifæri á að skrá sig í einhverja af þeim fimm spennandi listasmiðjum sem eru í boði og taka þannig þátt í því að skapa sýningu fyrir Götulistahátíðina. Þykista aðstoðar alla hópa við kynningar og undirbúning sinna atriða. Hægt er að velja um Ráðgátuleikhús (leiklistarsmiðja), Dans inn út (danssmiðja), Hljóðkórinn (kórasmiðja), Rödd í rými (gjörningasmiðja) og Tónsjeik (tónlistarsmiðja).
Allar nánari upplýsingar og skráning í smiðjur er á hafurtask.is. Frestur er til 19. ágúst. Götulistahátíðin er hluti af Afmælisvöku Akureyrar og er styrkt af Menningarráði Eyþings og Evrópu Unga fólksins.
Nýjast
-
Zipline Akureyri gengur mjög vel
„Það hefur gengið mjög vel hjá okkur og samkvæmt þeim væntingum sem við höfðum,“ segir Jón Heiðar Rúnarsson sem ásamt Anitu Hafdísi Björnsdóttur rekur félagið Zipline Akureyri. Þau hófu starfsemi um mitt sumar árið 2022 og eru því á sínu fjórða sumri. Zipline Akureyri rekur ævintýra ferðaþjónustu í Glerárgili, er með alls fimm sviflínur þar sem farið er yfir Glerá. -
Ferðfólk sem sækir í kælifrí þykir svalt að koma til Akureyrar
Það er ansi heitt niður i Evrópu og hitamet sleginn eða við það að vera sleginn daglega má segja. Þeim hópi ferðafólks sem þykir norðanátt og rigning mjög eftirsóknarverð horfir í vaxandi mæli hingað ,,upp eftir" og er Akureyri svo dæmi sé tekið er efst á óskalista þeirra erlendu ferðalanga sem vilja komast í svalara loftslag. Óhætt er að fullyrða að þessi gerð af ferðafólki fengi helling fyrir sinn snúð á Akureyri í dag. -
Að byggja upp á Bakka
Hjálmar Bogi Hafliðason skrifar um atvinnuuppbyggingu á Bakka á Húsavík. -
Bíladagar
Dýrleif Skjóldal átti Lokaorðið í blaðinu s.l. fimmtudag. -
Dagsektir vegna umgengni við Hamragerði 15 ekki greiddar
Dagsektir sem lagðar voru á lóðahafa við Hamragerði 15 á Akureyri vegna umgengni á lóðinni hafa ekki verið greiddar en þær eru í innheimtu. Fjárnám hefur verið gert í eigninni og nauðungarsala hefur verið auglýst. Bílum innan lóðar hefur fækkað lítilega að undanförnu. -
Jóhann Páll heiðursdoktor við HA
Hug- og félagsvísindasvið Háskólans á Akureyri veitir Jóhanni Páli Árnasyni heiðursdoktorsnafnbót á sviði félagsvísinda næstkomandi mánudag, 30. júní -
Sérstakt ef beita þarf sveitarfélag þvingunarúrræðum til að fá fram tiltekt
Akureyrarbær hefur ekki brugðist við kröfu frá Heilbrigðisnefnd Norðurlands eystra um að hreinsa svæði við á lóð bæjarins við Krossanes. Alls eru 45 bílar í slæmu ástandi á lóðinni. -
Hver borgar brúsann?
Ríkisstjórnin hefur lagt fram frumvarp um breytingar á lögum um skyldutryggingu lífeyrisréttinda og starfsemi lífeyrissjóða. Efni frumvarpsins varðar svokallaða víxlverkun. Verði frumvarpið að lögum verður lífeyrissjóðum óheimilt að taka tillit til greiðslna frá Tryggingastofnun ríkisins við útreikning örorkulífeyris. Í reynd þýðir það að tvö aðskilin kerfi, þ.e. almannatryggingar annars vegar og lífeyrissjóðir hins vegar, greiða út bætur án samræmis eða gagnkvæmrar aðlögunar. -
Brotist inn á vinnusvæði á fjórum stöðum
Fyrr í þessum mánuði var brotist inn á vinnusvæði á fjórum stöðum á Akureyri og stolið þaðan miklu magni af alls konar verkfærum. Þessi mál eru í rannsókn hjá okkur en ekki hefur enn tekist að hafa hendur í hári þjófanna.
